يا جماعه انا سمعت ان عشان تعدي من نفق الشهيد...

[Eslam Tarek]

يا جماعه انا سمعت ان عشان تعدي من نفق الشهيد احمد حمدي وانت رايح شرم الشيخ لازم يكون معاك تصريح امني، هل الكلام دا صحيح؟؟؟ من غير فتي الله يخليكو عشان سمعت اقاويل كتير

 

[Sandra Waleed]

احنا لسه راجعين مت دهب من أسبوعين مكنش معانا أي تصريح ورحنا ورجغنا عادي جدا

 

[Abu Aylla]

الكلام ده فعلا صحيح وكان قرار تم اصداره منذ فترة بسيطة ولكن فى العموم المقصود بالتصريح حسب ما قرأت مش تصريح امني .... فقط سبب الزيارة يعنى حجز من بوكنج يعدي عادي ... وبما ان فيه ناس راحت ومحدش طلب منهم حاجه يبقي غالبا القرار لم يطبق والله اعلم

 

[Hadeer Gamal]

لا .. لِسَّه راجعه من دهب و مفيش تصريح أمني ولا حاجة حجز للفندق بس بيشوفه حتى لو على الموبايل بس

 

[Mohamed Sobhy]

بص في قرار بالكلام ده بس لو انت مالك في راس السدر بيكون معاك كارنيه القرية لو طالع شرم حجز الفندق ولو شغال معاك كارنيه الشغل انا رايح جاي على الطريق تقريبا في الشهر مرتين في خلال الااربع شهور دول محدش قالي حاجه غير التفتيش العادي غير كده محدش اتكلم في حاجه

 

[Nader Ramzy]

انا لسه راجع من شرم الشيخ من اسبوعين. مفيش اى حاجه و لا حتى حد سألنا عن الحجز مجرد مره او مرتين حد سأل رايحين فين ( شرم - دهب ...) بس كده

 

[Anas Mohamed]

غالبا التصريح لو انت رايح شمال سينا

 

[Yara Sarhan]

مش دايما بيطلبوا، احيانا بيرخموا و يطلعوا يطلبوا حجز الفندق او كارنيه البحث الجنائي للعاملين في شرم الشيخ
و احيانا بيعدوا الاوتوبيسات عادي محدش بيطلع يبص حتى
انا كنت رايحة قبل شم النسيم طلعوا طلبوه و بعد ما كله طلع ورقه مبصوش في حاجة و عدونا عادي

 

[Mona Moussa]

هو اللي أنا شوفته مرتين ودول كانوا قريب جدا بيدققوا جدا مع الشباب ومهن معينة كان معانا بنت صحفية دي اكتر واحدة اتسألت ..لكن غير كده عادي

 

[Shady Mohamed Ali]

تعالى الغردقة احلى مليانه جزر رائعة باليخت الشراعي كمن تحفة من غير ضوضاء وفيه مبيت مش محتاج فندق ورخيص

 

[Ahmed Abd Elmohsen]

انا بعمل رحلات شرم الشيخ ودهب وكاترين ونويبع وطابا مفيش الكلام قرار ولاكن لم يطبق هتعدي عادي جدا نا رايح جاي من احمد حمدي مفيش الكلام ده الشرطه بس بتطلع الباص تشوف البطايق وبس علي كده

 

[Ahmed Shouhdy]

مفيش الكلام دة نهائي تفتيش عادي جدا ءي اي نقط امنية وشكرا

 

[Hamdi Ahmed Nassar]

من الاخر علشان انا عايش في شرم ..
لو جاي اتوبيس بيطلع يقلب عينه علي الركاب لو مظهرك كويس و ابن ناس مش هيسألك اساسا ... شكلك من النوع المألوف ههههههههههه هيسألك علي طبيعه السفر لو شغل هيطلب كارنيه البحث الجنائي لو رحله يسأل علي حجز الفندق .. و لو شاكك اكتر هياخد البطاقه و يعمل استعلام .

 

[Hamdi Ahmed Nassar]

ريح نفسك و هات معاك حجز او أعمل حجز علي بوكنج و اطبعه و ارجع كنسله و تعالي براحتك .

 

[Dina Tarek]

من 3 شهور مكانش فى حاجه!

 

[Mohamed Sayed]

انا لسه واصل شرم الشيخ امبارح ومفيش اي كلام من ده

 

[Prince Amir]

التصريح الأمني لسيارات الدفع الرباعي والموتوسيكلات وليس للاشخاص

 

[Ahmed Elkholy]

أنا لسه راجع من دهب من 10 أيام .. ومفيش الكلام ده ولا حتى سألوا على حجز الأوتيل

 

[Nouran Ibrahim]

فتي

 

[Ahmed El-Sabban]

مفيش تصاريح بس تفتيش وعطلة وتنطيط وقلة أدب بالذات لو معاك بنات