M
Mohamed Hikal
:: مسافر ::
السلام عليكم نبذه كده بسيطه عن رحلتي لإيطاليا ورحلتي الغير مترتبه لكان ونيس في فرنسا ولوجان في سويسرا وبجد كانت أجمل رحله خلصت أجراءت الفيزا والحمد لله كانت ميسره بفضل الله حجزت تذكرتي ومن لهفتي حجزت بدري يوم ورجعت من المطار بس نصيب المهم سافرت تاني يوم أصحابي أنتظروني في ميلانو والحاجه الحلوه ان يكون ليك حد في البلد اللي بتزورها ومن هنا بدأت الرحله وصلت الساعه 2 الظهر روحنا البيت رميت الشنط خرجنا اتغدينا ورجعت البيت الساعه 1 بالليل مع العلم ان رحلتي كانت طويله 7 ساعات طيران بس كنت في كامل نشاطي عدي اول يوم قضناه في ميلانو الْيَوْمَ التاني واحد صاحبي تاني عازمني هي الغدا وكمان عيد ميلاد بنته كان جو عائلي الْيَوْمَ الثالث بقي واحد صحبي عازمني قولت لا لا لا عزومات لا مش عاوز ولا دقيقه تضيع طلعت علي محطة القطار أحجز تذاكر فنيسيا والموظف بيحجز قال ايه رأيك تغير في فيرونا تاني عيد تاني فيرونا ودي كانت مدينه مش علي بالي قولتله أحجز فنيسيا تغير القطار في فيرونا طلعت من ميلانو فيرونا بلد جميله روحت بيت روميو وجوليت وقضيت هناك وقت جميل وبعدين أخذت القطار علي فنيسيا كملت الْيَوْمَ هناك وقعدت أعيد ذكرياتي مع حبيبتي فنيسيا ورجعت علي اخر قطار وانا راجع بفكر هروح فين بكره رجعت البيت أصحابي قالوا لا ودينا فنيسيا احنا هنا من سنين عاوزين نروح ضحينا الصبح وحجرنا نفس التذاكر وروحنا علي فنيسيا قضينا يوم جميل اووي رجعت لا قيت صاحبي تاني صديقه في الشغل عازمني علي نيس فرنسا حجز الفندق في نيس هو وابنه وانا وصديقه هو راجل ايطالي بس رجوله وعدي الساعه 4 الفجر اخذنا ساعتين وشويه من ميلانو بالعربيه قضينا يوم في نيس علي البحر حاجه جميله اووي وبعدين ابنه أنطونيوا قاله بابا عاوز اروح كان بيتنا في نيس وبعدين تاني يوم روحنا كان وكان المهرجان شغال وحاجه تحفه بجد ورجعنا بعد كام يوم حلوين اووي بفضل الجروب روحت سويسرا من ميلانو 3 مرات لأماكن مختلفه في سويسرا حاجه خيال لوجان دي
