السلام عليكم و رمضان كريم عليكم جميعا <3 عاوز...

  • بادئ الموضوع بادئ الموضوع Mahmoud R. El Nakeeb
  • تاريخ البدء تاريخ البدء
عرض العطلة
M

Mahmoud R. El Nakeeb

:: مسافر ::
#1
السلام عليكم و رمضان كريم عليكم جميعا <3
عاوز أسأل على كذا حاجة معلش إستحملونى عشان أول مرة سفر إن شاء الله

مبدأيا انا الحمد لله كسبت تذكرتين ل Russia تبع مسابقة لقناة RT Arabic على مستوى الوطن العربى و هحضر ماتش أستراليا و تشيلى فى بطولة كأس القارات فى روسيا

السفر المفروض كمان 20 يوم تقريبا آخر يومين فى رمضان و المفروض إن نظام دخول روسيا فى الفترة دى مش محتاج Visa لأنهم عاملين نظام إسمه Fan ID و ده بياخده أى حد شارى تذكرة لأى ماتش فى البطولة و ده يعتبر بمثابة ال Visa لدخول روسيا

و المفروض إن القناه متكفلة بكل حاجة ( تذاكر طيران و إقامة و إنتقالات داخلية و تذاكر الماتش اللى هيا أساسا ال Visa )

السؤال هنا بقى و آسف على الرغى اللى فى الأول
1- انا مطلوب منى او من أخويا... نطلع تصريح سفر ولا لأ ( انا طالب فى كلية هندسة و فاضلى سنة لسة ) و التذكرة التانية لأخويا ( مهندس فى شركة حكومة و واخد إعفاء من الجيش )

2- تانى حاجة فيه أى إجراءات متعلقة بالسفر مطلوب مننى أعملها او ورق يكون معايا وانا مسافر لإجتناب أى مشاكل ممكن تواجهنى سواء فى مطار القاهرة أو مطار موسكو

3- ياريت لو أى حد عنده تجربة سفر لروسيا و خصوصا موسكو يكتبها عشان دورت على الجروب ملقتش غير بوست واحد ل Ahmed Elbasha مشكورا بس كنت حابب أقرا أكتر من تجربة عشان استفيد أكتر

4- لو حد عندو معلومة عن موسكو عامة ك shopping لو حبيت أحيب حاجة من هناك يقوللى الأماكن و إيه ممكن يتجاب من هناك مميز عن مصر هنا يعنى

5- و سؤال مهم جدا عن موضوع ال Overbooking عشان أنا مسافر فى وقت فيه بطولة كرة قدم كبيرة و مسافر للعاصمة موسكو فا أعتقد إنى بنسبة كبيرة هواجه المشكلة دى فا لو حد ينصحنى أعمل إيه عشان أتجنبها

6- آخر حاجة و آسف على الإطالة لو حد عندوا أى نصيحة ليا عن السفر برا عموما او عن موسكو خصوصا يقوللى يكون مشكورا جدا

أتمنى أى حد عندوا إجابة لأى سؤال يقول مش لازم يجاوبنى عن كله لو مش عارف

رمضان كريم عليكم تانى <3 و شكرا مقدماا
#Russia #روسيا
3g6v7l5TGU6neytvHk-deGEbkrzU8TN-.jpeg
 
#2
وعليكم السلام والف مبروك على الجايزة ..
فى الموضوع بتاعي انا كاتب بعض الأماكن اللى ممكن تعمل فيها شوبينج وتتفسح فيها .. وبالنسبة لتصريح السفر طبعا لازم تعمل تصريح سفر .. وأخوك لو مكتوب فى باسبوره غير مطلوب للتجنيد يبقى تمام .. لكن لو مظبطش باسبوره على اساس الاعفاء يغير الباسبور (ومش هياخد وقت)
بالنسبة للمطار هنا مفيش اي مشكلة هتقابلك مجرد بس التصريح الأمني ..
وطبعا لازم تعمل الأول ال Fan ID
وفى المطار هناك يكون معاك كل الأوراق المتعلقة بالجايزة وان شاء الله مفيش مشكلة
وبالنسبة لل overbooking متقلقش منه خالص
وقولي هتعد كام يوم ؟؟
 
#5
اخوك ملوش تصريح سفر طالما مكتوب في الباسبور غير مطلوب للتجنيد
انت ليك تصريح سفر
هتاخد جواب من الكلية و تروح التجنيد الزيتون بالباسبور و جواب الكلية و يطلعولك التصريح في يومها
 
عرض العطلة
#6
فى اليوم اللى انت فاضي فيه ده عليك وعلى Red Square
طبعا ده اهم مكان فى موسكو وتشوف موضوعي انا كاتب ايه اللى ممكن تعملوا هناك ..
وممكن تعمل رحلة نهرية بمركب بيلف فى موسكو
وممكن تروح Arbat Street
و Vorobyovy Hills
نظم وقتك عليهم
 
#8
1 هتحتاج تصريح من التجنيد واخوك بشهادة الاعفا ياخد تصريح لو مكتوب ف سن التجنيد
2 لا خالص
3 روسيا مش اوروبا ومش واو خالص يعنى . هتنزل اكيد مطار ديمديدفوا . ماتقلقش لو فضلو موقفينك شويتين دة عادى وماتزهقش لانهم مش بيتكلمو انجليزى ف مش هتعرف تعمل حاجه
4 زمان كانت حلوة قبل التعويم عشان الجنيه كان له قيمه دلوقتى اكيد اغلى بكتير .. اخرك تشترى هدوم . الهدايا مش هتلاقى غير حاجه اسمها بابوشكا مالهاش لازمه
5 مش عارف بصراحة انا سافرت اول يوم ف الدراسة وفضلت ف المطار 4 ساعات وضاعت عليا تذكرتين طيران
6 المترو ريحتو معفنه البس كمامة
 
#9
البلد جميلة هتنبسط بس غالية .. متغيرش دولار من المطار غير الفلوس من البلد لما توصل بيكون فى فرق كبير من المطار وشركات الصرافة ,, هتواجة مشكلة فى اللغة لانهم مش كلهم بيعرفو انجليزى وممكن يبقى حظك زى كدة
وتقابل حد غلس هو عارف انجليزى بس مش عاوز برد عليك هما شعب غلس شوية
اضرب هناك سمك وجميرى وسى فود اسعار رخصية اوووى وممكن تجيب معاك سى فود مجمد من هناك و جميرى اسعارة رخصية جداا ان شاء الله رحلة موفقة
 
عرض العطلة
عرض العطلة
عرض العطلة
أعلى أسفل
عودة
قائمة