اكتر نصيحة ممكن ننصحها للبنات لو تبي راحتك وصحتك البسي ماقل وخف يعني بلاش من كندرة جديدة ولا كندرة كعب شوفي اكتر كويش مريح عندك والبسيه الغي موضوع الاكسسوارات نهائي صدقيني لمصلحتك خاصتا لو مسافرة بلاد برا مش عربية مش حيخلوك اتمري بيهن وتقعد عند كل تشيك بوينت تسلحي وتلبسي، حاجة تانية المطارات اكتر مكان ايكون فيه نصب فالمطار اللي حتنزل فيه لو ماشيله من قبل اعرف كل قيت وين وامشي طول للقيتات وماتلتفتش لاي حد ايحاول ايكلمك زي مثلا في مصر تلقى اللي ايقولك تعال انمشيك بسرعة والحاجات هدينا واغلبهم ايكونو عمال في المطار ماتعدلش علي حد ولو تبي تشري حاجة من المطار اشري من الديوتي فري بس لان مرات في ناس ايبيعو في بضاعة مسروقة ، لو ماشي بلاد عربية وتبي تستخدم التاكسي فهده اكيد انك حينتصب عليك الا لو كان السعودية او بلاد خليجية ، برا استخدم الميترو او الباصات لان ارخس وحتى اسهل ، اخر نصيحة لو ماشي لمكان اول مرة تمشيله عدي دور عليه في النت لما توصل للبلاد هده حتحس روحك كانك جايها من قبل ، خاصتا البلوقرز اللي متخصصين في السفر على اليوتيوب تلقى حاجات روعة ومفيدة بكل ،
