A
Abo Beido
:: مسافر ::
#رغي #بلجيكا #هولندا #ألمانيا
واحد صاحبنا كان مأجر عربية من بلد في ألمانيا، عشان بيعزل، و جه بيها لحد بلجيكا، و روحنا نرجع العربية النقل، و سلمناها في بلد تانية في ألمانيا قرب حدود هولندا. في السكة أكيد خرجنا من بلجيكا لهولندا لألمانيا... السكة أقصر، من انك تخرج من بلجيكا لألمانيا و تمشي جوا ألمانيا... واقعيا هو شارع واحد اللي مشينا فيه.
واحنا راجعين، يدوب خرجنا من الجراج في ألمانيا... في اقل من دقيقة كنا عدينا حدود هولندا تاني... ف الشباب قالوا عايزين نرجع لمحل نشرب فيه حاجة قبل ما نكمل سفر بالراجع...عملنا يو-تيرن، في اقل من 20 ثانية، و رجعنا 100 متر لــ ألمانيا عشان نشرب حاجة.
بتخيل، شاب ألماني، وهو قاعد يفكر، و يقول:
أنا عايز يبقى في مواصلات بين ألمانيا و هولندا و بلجيكا، و بقية دول أوروبا.
عايز قطر سريع يوصل ما بينهم، و شكل علامات الشوارع يبقى كلها زي بعض، لدرجة انك ما تعرفش تفرق انت في ألمانيا أو هولندا إلا لو كانوا كاتبين لك على الأسفلت... إن العملة تبقى واحدة، و إن الطيران ما حدش يبص فيه على جواز السفر، و إن السفر على الأرض ماحدش يوقفك عشان يسألك انت رايح فين؟ و إن النظام الضريبي يقرب من بعضه... وإن نظام التأمين الصحي، و المعاشات و حد الأجور الأدنى ما بين هولندا و ألمانيا يبقى زي بعض. و إن يبقى في تنسيق قانوني.
باتخيل إنه قعد يحلم... يحلم... بشكل من أشكال الوحدة ما بينهم و ما بين حتى جيرانهم التانيين اللي قطعوا بعض حروب، وقتلوا من بعض ملايين... النمسا و فرنسا و إيطاليا، أو حتى سويسرا اللي فيها كل مدينة ليها اسمين و تلاتة و ساعات أربع أسامي من اختلاف اللغة.
باتخيل انه قعد يتكلم، و يحكي... و كمان انضم لحزب سياسي بيدعو لكل أحلامه دي... اللي ولا حلم منهم يخص ألمانيا لوحدها... يا عم ده عايز ألمانيا و فرنسا يبقوا سون-فاسون مع بعض، بعد ما كل بلد منهم وقفت على جثة عاصمة التانية!
وبعدين وهو في عز أحلامه، واحد خرج يقول له:
انت خاين!
انت عميل!
انت عايزنا نتوحد مع "الفاشيين" (بجد)، و مع "النازيين" ... يا عميل... يا عميل... دول أصلا مش بيتكلموا لغتنا!
أوروبا حاليا بتنتخب البرلمان بتاعها. اللي بيمثل كل أوروبا. وكل أحلام صاحبنا دي حقيقة.
قارن بقا، نفس الصورة دي، بين "التنويريين" و "القوميين" و "الحداثيين" في بلادنا احنا...
اللي بيقول نفس الكلام "المتخلف" (يا عميل يا خاين...)، لشوية "أحلام" عندك عن الوحدة لدول محتلة أصلا، دول لا تملك انت نفسك فيها قرار الاختيار!
في حين إن صاحبنا الأوروبي... عمل كل ده و أكتر، و بقا كمان بينتخب انتخابات الاتحاد الأوروبي، اللي فيها كل بلد بتختار اللي بيمثلهم في "الاتحاد". ديمقراطية؟!
و بعدين، بص بنظرة "قرف" و "استعلاء" لصاحبك "التنويري" اللي اصلا ما عندوش مشاكل انه ما يختارش و انه يتفرض عليه اللي بيحكمه.... طالما جي على مزاجه.
بس انت اللي عميل
نفهم:
الدعوة للوحدة على أساس سياسي حق طبيعي في أي دولة
الدعوة "للأممية" و إن الرابط يبنى على أساس ديني وليس جغرافي، حق سياسي
تكوين حزب باسم "الإسلام" أمر طبيعي جدا، و هناك حزب تمت تسميته بذات الاسم بشكل مباشر في بلجيكا (حزب الإسلام أيوا، و طلع اللي عاملينه شيعة)، زي ما كل دول أوروبا فيها "الحزب المسيحي الديمقراطي"، بس في بلادنا احنا حرام و خلط دين بالجمبري.
كل "التنويريين" في بلادنا، بياخدوا نص الصورة اللي يعجبهم، و الباقي في التلاجة، عشان يعرف يقول لك:
انت عميل و مش بتفهم...
و تعالى "أنورك".
اتنورت؟!
احلم براحتك... لأنه حقك.
اعمل لحلمك... لأنه برضه حقك.
منقول
واحد صاحبنا كان مأجر عربية من بلد في ألمانيا، عشان بيعزل، و جه بيها لحد بلجيكا، و روحنا نرجع العربية النقل، و سلمناها في بلد تانية في ألمانيا قرب حدود هولندا. في السكة أكيد خرجنا من بلجيكا لهولندا لألمانيا... السكة أقصر، من انك تخرج من بلجيكا لألمانيا و تمشي جوا ألمانيا... واقعيا هو شارع واحد اللي مشينا فيه.
واحنا راجعين، يدوب خرجنا من الجراج في ألمانيا... في اقل من دقيقة كنا عدينا حدود هولندا تاني... ف الشباب قالوا عايزين نرجع لمحل نشرب فيه حاجة قبل ما نكمل سفر بالراجع...عملنا يو-تيرن، في اقل من 20 ثانية، و رجعنا 100 متر لــ ألمانيا عشان نشرب حاجة.
بتخيل، شاب ألماني، وهو قاعد يفكر، و يقول:
أنا عايز يبقى في مواصلات بين ألمانيا و هولندا و بلجيكا، و بقية دول أوروبا.
عايز قطر سريع يوصل ما بينهم، و شكل علامات الشوارع يبقى كلها زي بعض، لدرجة انك ما تعرفش تفرق انت في ألمانيا أو هولندا إلا لو كانوا كاتبين لك على الأسفلت... إن العملة تبقى واحدة، و إن الطيران ما حدش يبص فيه على جواز السفر، و إن السفر على الأرض ماحدش يوقفك عشان يسألك انت رايح فين؟ و إن النظام الضريبي يقرب من بعضه... وإن نظام التأمين الصحي، و المعاشات و حد الأجور الأدنى ما بين هولندا و ألمانيا يبقى زي بعض. و إن يبقى في تنسيق قانوني.
باتخيل إنه قعد يحلم... يحلم... بشكل من أشكال الوحدة ما بينهم و ما بين حتى جيرانهم التانيين اللي قطعوا بعض حروب، وقتلوا من بعض ملايين... النمسا و فرنسا و إيطاليا، أو حتى سويسرا اللي فيها كل مدينة ليها اسمين و تلاتة و ساعات أربع أسامي من اختلاف اللغة.
باتخيل انه قعد يتكلم، و يحكي... و كمان انضم لحزب سياسي بيدعو لكل أحلامه دي... اللي ولا حلم منهم يخص ألمانيا لوحدها... يا عم ده عايز ألمانيا و فرنسا يبقوا سون-فاسون مع بعض، بعد ما كل بلد منهم وقفت على جثة عاصمة التانية!
وبعدين وهو في عز أحلامه، واحد خرج يقول له:
انت خاين!
انت عميل!
انت عايزنا نتوحد مع "الفاشيين" (بجد)، و مع "النازيين" ... يا عميل... يا عميل... دول أصلا مش بيتكلموا لغتنا!
أوروبا حاليا بتنتخب البرلمان بتاعها. اللي بيمثل كل أوروبا. وكل أحلام صاحبنا دي حقيقة.
قارن بقا، نفس الصورة دي، بين "التنويريين" و "القوميين" و "الحداثيين" في بلادنا احنا...
اللي بيقول نفس الكلام "المتخلف" (يا عميل يا خاين...)، لشوية "أحلام" عندك عن الوحدة لدول محتلة أصلا، دول لا تملك انت نفسك فيها قرار الاختيار!
في حين إن صاحبنا الأوروبي... عمل كل ده و أكتر، و بقا كمان بينتخب انتخابات الاتحاد الأوروبي، اللي فيها كل بلد بتختار اللي بيمثلهم في "الاتحاد". ديمقراطية؟!
و بعدين، بص بنظرة "قرف" و "استعلاء" لصاحبك "التنويري" اللي اصلا ما عندوش مشاكل انه ما يختارش و انه يتفرض عليه اللي بيحكمه.... طالما جي على مزاجه.
بس انت اللي عميل
نفهم:
الدعوة للوحدة على أساس سياسي حق طبيعي في أي دولة
الدعوة "للأممية" و إن الرابط يبنى على أساس ديني وليس جغرافي، حق سياسي
تكوين حزب باسم "الإسلام" أمر طبيعي جدا، و هناك حزب تمت تسميته بذات الاسم بشكل مباشر في بلجيكا (حزب الإسلام أيوا، و طلع اللي عاملينه شيعة)، زي ما كل دول أوروبا فيها "الحزب المسيحي الديمقراطي"، بس في بلادنا احنا حرام و خلط دين بالجمبري.
كل "التنويريين" في بلادنا، بياخدوا نص الصورة اللي يعجبهم، و الباقي في التلاجة، عشان يعرف يقول لك:
انت عميل و مش بتفهم...
و تعالى "أنورك".
اتنورت؟!
احلم براحتك... لأنه حقك.
اعمل لحلمك... لأنه برضه حقك.
منقول