السلام عليكم ورحمة الله وبركاته مبارك عليكم...

[Ayman Al-saedi]

السلام عليكم ورحمة الله وبركاته
مبارك عليكم الشهر الكريم
حبايبي عندي مقابلة باذن الله بعد يومين بالسفارة الامريكية بجده
من خلال تجاربكم اش الوثائق المطلوبة واش الاسئلة اللي ممكن يسالوني
وشكراً لكم.

 

[Eng-Mofareh Alghazwani]

منقول من أخونا حسن فقيهي للفائدة

السلام عليكم
انا جددت الفيزا قبل اسبوعين والحمدلله جتني خلال ٣ أيام فحبيت أفيد اي احد يفكر يجدد الفيزا
أولا تعبئة نموذج DS-160
دفع الرسوم (ما يحتاج تدفع رسوم سيفس اذا عندك اي توني ساري الصلاحية)
تحديد موعد ومكان المقابلة
يوم الموعد
إحضار الصفحة النهائية من نموذج DS-160 (الي واضح فيه الصورة)
إحضار صفحة الموعد
إحضار صورة الآي توني
صورتين شخصية
ضمان مالي
جوازات السفر
المقابلة تختلف من شخص الى اخر أعتقد انها تعتمد ع وضع صاحب الطلب وايضاً الشخص الي راح يسوي معك المقابلة
بالنسبة لي كانت أسئلة بسيطة جدا
ايش راح تدرس
مكان ميلادك
ملاحظة مهمة : يمنع اصطحاب الجوالات ولا فيه مكان عندهم فحاول تصرف جوالك قبل تجي
هذا وأي استفسار بالخدمة
بالتوفيق للجميع

 

[Eng-Mofareh Alghazwani]

جددتها بجدة قبل رمضان والأمور طيبة ايضا والمطلوب اللي فوق هذا صاحبي جدد قبل باسبوع ايضا

 

[Ayman Al-saedi]

تسلم انت وصاحبك الله يعطيكم العافيه

 

[Basmah Balamash]

طيب والفيزا السياحيه ؟ ايش المطلوب ؟؟

 

[Loolo Ali]

اهم شيء لازم تسوي الابلكيشن بنفسك
لان اذا اكتشفو من خلال الاسئلة انه مو انت او قلت لهم مكتب سياحي او غيره
راح يرفضو طلبك ..
وكمان اي معلومات تكتبها في الابلكيشن راح يسالونك عنها مثلا كتبت تعرف احد في امريكا اقارب واصدقاء ممكن راح يسألونك عن اسماءهم وعملهم السابق وحياتهم !
هذي صارت قدامي لما قدمت قبل شهرين..
**ولما تعبي الابلكيشن راح يكون عندك خانتين للاسم
وحده مطلوب تكتب فيها الاسم والخانه الثانية مطلوب تكتب فيها اللقب..
المهم ..
لما تكتب اسمك الاول في الخانه الاولى اكتب معاه اسم الاب ..
والا راح يرجعونك من عند البوابه تعمل الابلكيشن من جديد وتعمل موعد من جديد!

 

[Ayman Al-saedi]

لا انا عبيت الابلكيشن بنفسي وكل حاجه والمقابله بكره ان شاءالله