عارف انا الجروب مش للهجرة بس في ناس كتيره هنا...

  • بادئ الموضوع بادئ الموضوع Bero Nasr
  • تاريخ البدء تاريخ البدء
عرض العطلة
B

Bero Nasr

:: مسافر ::
#1
عارف انا الجروب مش للهجرة بس في ناس كتيره هنا عاوزه تسافر و تكسر و كدى و في الاخر هما بتضرو و بيضورو . و مش عارف لي الناس عايزه اوروبا مع انا كندا و استرليا و نيوزلندا فاتحين هجرة شرعيه و ممكن تحسب نقاطك فبل ما تقدم و لو نقاطك المطلوبه او اعلى هتتقبل اكيد بس الموضوع عايز طولة بال و نفس طويل بس في الاخر انت الهترتاح و هتعيش براحتك و مش هتضر حد . و نقطه تانيه عايز اوضحها لما تيجي تقول عاوز اسافر اسئل نفسك عايز اسافر لي لو مسافر عشان تعمل فلوس و كدى في اوروبا و دول الغرب غالبا مش هتعمل فلوس فيها البيسافر هناك و يهاجر بطريفه شرعيه بيهاجر عشان يعيش عيشه كويسه بس غالبا محدش بشيل ولا يحوش قرشين هناك
 
#4
كلام حقيقي الضرائب في اوروبا بتضيع ٤٠٪‏ من مرتبك يعني انت بتدفع المبلغ ده عشانً تعيش في بيئه نضيفه
 
#5
كلامك للناس اللي موافقة تقتل نفسها كورسات انجلش عالنت ونجحوا في دراستهم
للناس اللي بتشتغل بجد ومع كدا بتطور من نفسها ودول هاجر منهم كندا واستراليا كتير
لكن مش للي متخرج ومكسل فقرر باخد تحويشة ابوه ويشتري فيزا سياحة وهو فاكر ان اوروبا منتظرة النابغة اللي حيجي يلاقي الوظايف منتظراه
اذا انت وانت في بلدك في بيت ابوك ولسة في الجامعة كسلت تاخد كم كورس مجاني من على النت تطور نفسك واضبط نقاطك وتراسل جامعات برة وللا حاجة يمكن تجيك فرصة اذا معملتش كل دا وانت في حضن اهلك
حتلاقي وفت تعمله وانت متغرب غالبا بدون شهادة كويسة ولا سكن ولا اي شيء؟؟؟؟
غير عقليات الناس
او احذف البوست اللي حيعمل خناقة كبيرة زي العادة
 
عرض العطلة
#6
علفكره يا جماعه انا من الناس العايزه تهاجر بس في كذا طريقه لحياه كويسه و متكنش هربان و ماشي شرعي و سليم و كمان يكون ليك حقوق في الدوله الانت رايحها بس عاوزه تعب و نفس طويل بس في الاخر انت الكسبان عيشه نضيفه و حقوق كتيرا و متكونش هربان و خايف و مستخبي
 
#10
الناس اللي بتكلم عن الضرايب في أوربا أي كلام في اي كلام
أوربا في حد ادني للراتب الحد الأدنى ده بيعيشك عيشة كريمة +تأمين صحي + مدارس الأولاد ببلاش+ الكل سواء مفيش باشا ولا بيه ولا نجار وحداد ولا ظابط وغفير
افتكرو كده اخو إرهابي بروكسل اللي مثل بلجيكا في الأولمبياد علشان ( لا تزر وازرة وزر أخري )
احنا بقي ايه
ولا حاجه عنصرية وطبقية وجهل وفقر
افتكرو الست اللي ولدت علي الرصيف قدام المستشفي في كفر الدوار
انا اعرف واحد جتله الزيده وهو في أمستردام وكاسر فيزا ومش معاه تأمين
بلاش اقولك اتعامل ازاي
 
عرض العطلة
#11
وطبعا كلامي علي دول غرب أوربا
باقي دول أوربا بما فيهم اسبانيا والبرتغال اقل كتير منهم بس برضه افضل مننا بسنين ضوائية
 
#15
ياريت اللي يقدر يفيدنا بمعلومات عن الهجرة إلى ﻧﻴﻮﺯﻟﻨﺪﺍ..من ناحية كيفية التقديم والمطلوب والجنسيات المستهدفه للهجرة هناك
 
عرض العطلة
#16
نقطة اللي بيسافر اوروبا مش بيحوش دي صحيحة غالبا
انا حسب معلوماتي من كلام ناس هناك دكاترة اللي هما المفروض من اعلى الناس اللي بيتدفعلهم بيقولوا ان العيشة في اوروبا هتعيش حياة نظيفة جدا بس مش هتحوش حاجة مش زي الخليج مثلا خالص
 
#17
انا عايش الامارات من ٦ سنين و مراتي من أوروبا
الفرق في الخليج و أوروبا بيتلخص
ان أوروبا حياة و استقرار و الخليج انت عايش بتوقيع ممكن اي تمشي إقامتك هي حياتك
 
#18
أنا معاك في الموضوع ده بس خلينا نفكر بيه بنظرة تانية أول حاجة أنا معاك ان الضرايب كتير في اوروبي وأنا كواحد درس اقتصاد في موضوع زيادة الضرايب ده في صالح المواطن لأنه بيقلل اسعار السلع تاني حاجة لما تكون في عايش في دولة زي المملكة المتحدة اللي فيها نظام صحة مجاني يعني تتعالج ببلاش مش هتحتاج فلوس أصلا على سبيل المثال أنت وأنا متفقين ان العيشة هناك كويسة والناس بتاكل وتشرب وتلبس وبتجيب تليفونات وعربيات وكل حاجة نفسهم والاولاد كمان بتروح مدارس و كل حاجة متوفرة تخيل مثلا أنت هتحتاج فلوس ليه لما كل حاجة متوفرة؟ لو تعبت هتلاقي اللي يعالجك يعني ملهاش لازمة الفلوس أنك تحوشها أصلا تالت حاجة أنا أعرف ناس كتير حاوشت فلوس كتير من اوروبا عن طريق فتح محلات هناك و هكذا. نيجي بقى لموضوع الهجرة الغير شرعية أولا أنت هتدفع كده كده ضرايب هنا في مصر بس الفرق أنك مش هتستفاد بدفع الضرايب هنا بحاجة هتطلب البوليس مش هيجيلك هتتعالج بفلوس يا هتموت المدارس الحكومية بلاش نكلم عنها أحسن يعني من الاخر فلوس بتدفع على الأرض تاني حاجة هتسافر هناك آه وهتتعب في البداية زي اي حد بس الفرق أنك لو عندك هدف هتوصله لو كنت فاشل في مصر هتبقى فاشل برده بره مصر تالت حاجة أول مايبقى معاك الاقامة أو الجنسية يبقى خلاص أنت كده وصلت وتقدر تشتغل في وظايف أحسن وهكذا وعموما حتى وانت معاكش ورق في اوروبا هتتعالج ببلاش وحصلت قدام عنيا لكن أنت هنا في مصر طول مامعكش فلوس مش هتاخد حقك أنا مش بشجع على الهجرة الغير شرعية أنا بس بقول حقائق أنا شفتها مش أكتر.
 
عرض العطلة
عرض العطلة
عرض العطلة
أعلى أسفل
عودة
قائمة