السلام عليكم حابب استفسر من الناس الي راحت...

  • بادئ الموضوع بادئ الموضوع صاحب السعادة
  • تاريخ البدء تاريخ البدء
عرض العطلة
ص

صاحب السعادة

:: مسافر ::
#1
السلام عليكم
حابب استفسر من الناس الي راحت تركيا
ايه الفرق بين مطار اتاتورك وصبيحه وايهم افضل في السفر
الفنادق : ايه احسن الاماكن الي احجز فيها وتكون قريبه من المزارات والمواصلات
لو هقضي ٦ ايام هناك في نهايه شهر ٨ الجو بيبقا كويس ولا برد
وايه اقوي واحسن الاماكن الي ممكن نزورها خلال ٦ ايام
شكرا
 
#4
صباح الخير احلى جروب .. بما انى قرفتكم معايا فى استفسارات سفرى لتركيا وبما انى لسه راجعه من هناك امبارح قلت اكتبلكم برنامجى هناك يمكن يفيدكم
اولا انا روحت اربع ليالى فى اسطنبول واربعه فى طرابزون
حجز الفنادق من خلال بوكينج قابل للالغاء حجزتهم قبل السفر باربع شهور علشان السعر
حجز الطيران مؤكد قبل السفر باربع شهور من خلال احدى الشركات فى المعادى
التصريح الامنى : انا وجوزى فوق الاربعين فملناش تصريح

ثانيا : البرنامج
اليوم الاول : وصلنا المطار واحدة الضهر اخدنا المترو لمحطة زيتونبورنو ثم الترام لمحطة كمبرلناش والفندق كان جنب المحطة مباشرة وبعدين روحنا ايا صوفيا وصهريج المياه علشان بيقفلوا الساعه 6 وبعدين السلطان احمد وبعدين بالترام الى محطة كابتاش ثم باص 22 لمنطقه اورتوكوي علشان نتصور جنب جسر البسفور وناكل الكمبير والوافل

اليوم التانى : من تسعه الصبح مشى الى قصر طوبكابى(ضرورى) ثم بقيت اليوم شوبيج لمول اوفيليوم وشارع الفاتح ومنطقه بيازيد والسوق المصرى وبليل باص الى مسجد الصحابى ابو ايوب الانصارى والتجول فى المنطقه المحيطه وبالتليفريك الى مقهى بيرلوتى

اليوم الثالث : ترام الى كابيتاش ثم بالباخرة لجزيرة الاميرات والرجوع على واحدة الضهر وبعدين مشى من ميناء كابيتاش لقصر دولمة بهجه (ضرورى زيارته تحفه جدااا ) وبعدين من كابتاش مترو لتقسيم ومن نفس المحطة مترو لمحطى شيشلى علشان مول جواهر وبعد كدة الرجوع لتقسيم لغايه بليل

اليوم الرابع: مشى الى مسجد السليمانيه وسوق محمود باشا ( احسن اسواق وارخصها بتدخله من السوق المصرى ) وبعد كدة تمشيه فى منطقه امينونو ولو عايزين ممكن باخرة الى الجانب الاسيوى فى اسكودار
انا كدة طولت اوى ☺☺ فى بوست تانى حبقى اكتبلكم برنامج طرابزون
 
عرض العطلة
#8
مطار اتاتورك اقرب من صبيحه ممكن تاخد منه المترو او الباص لو حتنزل تكسيم .. وعموما نايل آير بس هو اللي بينزل صبيحه .. صبيحه بعيد بتاخد اتوبيس علشان تروح المكان اللي انت عاوزه احسن مكان زياره وسكن منطقه السلطان احمد وما حولها في أوتيلات هناك قديمه اه بس حلوه .. المنطقة أصلا اثريه ..
 
عرض العطلة
#12
بالنسبة للسؤال الاول. الامر يعتمد على المكان اللي راح تسكن فيه. ادا منطقة سلطان احمد الاحسن مطار اتاتورك وتاخديلو مترو وبعدين ترام . وادا سكنت في منطقة تقسيم في باص مباشر. اما بالنسبة لمطار صبيحة ولو انت حتسكن في منطقة سلطان احمد حتلاقي صعوبة في المواصلات لا ن في باص مباشر لتقسيم بس. يعني لازم توصل تقسيم الاول و بعدين تاخد تاكسي لسلطان احمد.
 
#13
السؤال التاني .اذا اول مرة و تحب عبق التاريخ أنصح بمنطقة السلطان احمد . و لو تحب الحياة الليلية عندك تقسيم و لو تحب الهدوء و البعد عندك اسكودار
 
عرض العطلة
#16
اهم المعالم و ما يمكن عمله في اسطنبول. ايا صوفيا و المسجد الازرق .قصر طوب كابي اللي تصور فيه حريم السلطان . الصهريج. حديقة جولهانة. كل دا في منطقة السلطان احمد جنب بعض. في كمان قصر دولمة بهجة . بانوراما 1453. جولة في البوسفور. مسجد ابو أيوب الأنصاري و مقهى بيير لوتي. مينيا تورك. اكواريوم اسطنبول. جزر الاميرات. السوق المسقوف و السوق المصري. شارع تقسيم. برج غلاطة. مدينة الالعاب vialand.
 
#17
سؤال يا جماعه التاشيره الالكترونيه أطلع بيها الموافقه الامنيه عادي ثانيا عايز أتأكد من الفيزا الالكترونيه أنها سليمه ازاي
 
#18
اتاتورك ابعد شوي بس بالنسبه لطريقة الوصل للوسط اسطنبول ليكون اسهل لان مش زحمة وبالنسبه للبصاترموجودة بردة في مطارراتاتورك
 
عرض العطلة
عرض العطلة
عرض العطلة
أعلى أسفل
عودة
قائمة