طيب مبدئياً الواحد لو أترفض ف السفارة...

[محمد مجدي العدل]

طيب مبدئياً الواحد لو أترفض ف السفارة البريطانية بسبب ان اسم العائلة مش مكتوب ع الbank statement , و طلعت واحد جديد بإسم العائلة خلاص ، هل ابعت complaint و لا اقدم تاني سريعاً ؟ مع ملاحظة ان ميعاد السفر يوم ٢٠/٦ حسب التذكرة
شكراً مقدماً

 

[Mahmoud R. El Nakeeb]

Up

 

[Gamal Abd Alla]

قدم من جديد مفيش غير كده
هتلاقي في الابلكشن اترفضت قبل كده وسبب الرفض هترد
وفي خانه للملاحظات اكتب فيها اللي حصل
انا قدمت واترفضت علشان كتبت مصاريف الرحلة بالجنيه ولما دخلت كان الجنيه اتعوم واللي كتبته ميسواش حاجه وهم مخدوش بالهم من كده فمردتش اقدم تاني ومفيش اعتراض

 

[Mohamed Gamal Elnagar]

انت طالب طيب ولا بتشتغل !؟

 

[Mohamed Roshdy]

هو معلش انت متاكد من سبب الرفض ده ... انا في حد اعرفه كان كاتب اسمه بالانجلش بخط الايد ومن غير اي ختم من البنك فالسفاره البريطانيه بردو واخدها عادي ... وانا شخصيا عامل الموضوع ده في فرنسا واخدتها عادي بردو

 

[Mohamed Gamal Elnagar]

بص بقى يامعلم انا هقولك انت اترفضت بسبب ايه كمان
اول حاجه بسبب فعلا اسم العيلة مش واضح
تانى حاجه هما عاوزين يعرفوا ايه مصدر الفلوس اللى والدك هيدعمك بيها خلال فتره الكورس بتاعك زى المرتب بتاعه او اى دخل تانى
تالت حاجه هما مش مقتنعين انك لما تخلص هترجع بمعنى انك مقولتش السبب الكافى اللى يثبت انك هتخلص الكورس بتاعك وهترجع
ده غير ان هما غير مقتنعين انك هتقدر تصرف على نفسك هناك او انك هتوفر لنفسك مكان السكن الخاص بيك
كل الكلام ده انا جايبه من الصوره اللى انت رافعها وفيها سبب الرفض
ومش بقولك عشان احبطك ااطلاقا والله
انا بقولك كده عشان تظبط ورقك تانى كويس وبعد كده تقدم عشان فلوس الابليكيشن ماتضعش عليك
وبالتوفيق ان شاء الله
وبالله عليك ابقى طمنى

 

[Elsaid Nasr]

انا اترفضت في انجلترا عشان مش عاجبه مصروفي انا واولادي هنا في مصر