السلام عليكم ضروري بعد اذن الادمن معلش محتاج...

  • بادئ الموضوع بادئ الموضوع Medhat Ṱhè Turky
  • تاريخ البدء تاريخ البدء
عرض العطلة
M

Medhat Ṱhè Turky

:: مسافر ::
#1
السلام عليكم ضروري بعد اذن الادمن
معلش محتاج استشارة من اصحاب الخبرة في دبي
انا معاية تأشيرة دبي وهسافر بعض رمضان بعشر ايام بأذن الله
هي الفيزا شهر
انا رايح عشان ادور ع شغل فالشهر ده
انا بتكلم روسي والماني وانجليزي كويس
السؤال
عاوز اعرف ارخص سرير اقضي فيه الشهر فين وبكام ؟
ادور ع شغل الف عالفنادق والمطاعم وكدا ولا اروح لشركات شغل ؟
كل واحد ليه نصيحة يقولها يمكن يوفر عليا عناء وتعب هناك وحيرة
هل ٢٠٠٠ درهم كفاية لو هاخد سكن ع قدي ف خلال الشهر ؟
شكرا ليكم مقدما
 
#2
بالنسبه للسكن فهو غالي للاسف وبيكون shared
حاول تشوف برضو حاجات قريبه من المترو علشان يكون المواصلات جوه بالنسبه ليك سهله وموفره
جرب تشوف مثلا حاجات في airbnb في حاجات قريبه من المترو ب ٥٢ درهم تقريبا وفي ناس بتعمل خصم كبير للناس اللي بتاخد اسبوع او شهر
دا مثال بيوصل الخصم ٢٥ ٪
/bed space in heart of Dubai by metro station - Apartments for Rent in Dubai, Dubai, United Arab Emirates
وانتظر برضو نصايح اصحاب الخبره اكتر مني ممكن يدلوك على حاجات ارخص في السكن
وربنا يكرمك ويوفقك وتلاقي شغل
 
#3
السكن بيبقى شيرنج .يبدأ من 800درهم
قدامك.اكتر من طريق
أولا تلف بنفسك وتسيب السيفى بتاعك فى الأماكن ال ممكن تلاقى فيها تخصصك
ثانيا تروح شركات التوظيف
ثالثا تشترك فى كل مواقع التوظيف وتقدم على الوظائف المتاحة باستمرار
رابعا تشترك فى جروبات الجالية المصرية فى الامارات وفى دبى بينزلو وظائف باستمرار
الموضوع محتاج جهد كبير منك لان حاليا الأعداد ال بتدور على شغل كتيرة والمنافسة شديدة
اما بالنسبة لل 2000 درهم هيكفوك سكن وانتقالات ومعيشة بإذن الله .
ربنا يوفقك للخير
 
عرض العطلة
#6
صاحبي نصيحة اخ مادام انت مسافر وطالب خير وبتدور ع شغل ال 2000 دول هيكفوك باذن الله وفكك من اللي بيقولك مش هيكفوا وبيحبطك طالما طالب خير هتلاقيه باذن الله وع العموم هناك احسن من هنا مليون مره ربنا يكرمك ويكرمنا
 
#7
بص انا عايش في دبي من مدة..المواصلات غاليه جدا بالذات التاكسي....والمترو كمان غالي بس اسرع لان البلد زحمه جدا.. لو ينفع تيجي في أول الشتاء ح يكون افضل لا الجو الحر هنا مش ح يساعدك انك تدور كويس..المهم ان تكون السي في بتاعتك منظمه وخبرتك المذكورة فيها حقيقية، وماتعملشي سي في عامه لكل الوظائف اللي ممكن تقدم فيها، يعني لو ح تقدم في فنادق ابقي ركز علي موضوع الخدمات ولو ح تقدم علي مبيعات ابقي ركز في موضوع البيع، الفرصه كبيرة ليك علشان انت بتتكلم لغات كتير، بس ابتدي صح وشويه شويه ح تكبر....ربنا يوفقك
 
#8
اولا ربنا يوفقك انا هبعتلك رقم في دبي هيوفرلك سرير رخيص وناس كويسه في الشقه هيفيدوك +971 50 342 0275
 
عرض العطلة
#11
ال ٢٠٠٠ درهم يكفوك
ال ٢٠٠٠ درهم مش هيكفوك
المقولتين صح...هتقولى ازاى؟ هقولك
٢٠٠٠ جنيه فى مصر يكفوك
اه مع ناس و لأ مع ناس
فيه فى بلدنا ناس عايشه ب ٥٠٠ جنيه بس الفكره انت تقدر؟؟
لو رجعنا لدبى فالسؤال الصح مش ان ٢٠٠٠ يكفوا او لأ لانهم يكفوا بس الفكره انت هتستحمل؟؟
لو افترضنا انك لقيت سرير فى سكن شرينج ب ٨٠٠ درهم
يبقالك ١٢٠٠ للشهر كله يعنى ٤٠ فى اليوم
للاسف ممكن يخلصوا منك مواصلات بس.... فالفكرة انك هتستحمل تعيش هناك ب ٤٠ درهم فى اليوم لمدة ٣٠ يوم
يعنى ايام هتقضيها مشى فى عز الحر علشان يكفوم
ايام مش هتاكل كويس علشان يكفوك
اتمنى اكون قدرت افيدك يا مدحت فى موضوع الفلوس
بالنسبه للتدوير عن الشغل فالناس ما شاء الله مقصروش معاك و ربنا يوفقك و ييسرلك الخير
لو فيه اى استفسار تانى تحت امرك
 
#12
ممكن من الفترة تقدم شغل عن طريق الشركات اولاين تدخل السيفي بتاعك ولازم يكون معاك سيفي جاهز وإنشاء الله الفلوس تكفيك بس دبي غاليه شوي يعني كتير والله يوفقك انت معاك لغات وإنشاء الله تحصل شغل
 
#13
لازم فلوس زيادة للطوارىء وكل مالبلغ قل عليه انه يتحمل مستوى معيشي معين مش كل الناس تتحمله البلد هناك مينفعش تتحسب على انها رخيصة
 
عرض العطلة
عرض العطلة
أعلى أسفل
عودة
قائمة