اليوم يلي درت فيه جواز سفر كان يوم مغيّم وماطر...

[Swiss Ice]

اليوم يلي درت فيه جواز سفر كان يوم مغيّم وماطر هلبة، كنت لابسة كاب أسود ومعاه باك باك متع المهمات الخاصة
فا قلت لحالي كمل كل شيء معاي ناقصني ناس يتكلموا ملتي لانقويدجز وبهكي نكون كأني سافرت

بما أني تكلمت ع جواز السفر، عندي أسئلة تحير فيا><

على أي أساس يختاروا في ألوان جوازات السفر؟
ومن أول شخص فكر في هاي الفكرة الذكية؟

المهم سمعت أن في مكافأة للناس يلي جوازات السفر متاعهم قاعدة جديدة^_______^.

 

[Aisha Aljurnazi]

الأحمر أظني للجماعة اللي يخدمو في السفارة أو حاجة زي هكي الباقي مش عارفة

 

[Abdulgader A. Shahlol]

ما فهمتش شئ.
الجوازات بألون الأحمر دبلوماسية تقريباً برتوكول دولي.

 

[احمد الورفلي]

الأحمر واضح اصلا مكتوب عليه دبلوماسي الاخضر للمواطن العادي زي الازرق الجديد

 

[Âlěxanđêř Â. Đêpp]

الاحمر للسياسيين الدولة والسفارات والوزارات الداخلية والخارجية بس الباقي فرق سنين من التجديد

 

[Sara Buhjar]

الاحمر دبلوماسي للسياسين و الوزراء و بعض ناس المهمه في دوله يوفرلهم تسيهلات جمارك و غيرها .
الاسود في عهد ممكله الليبيه .
الاخضر بعد الانقلاب.
الازرق بعد التحرير .

 

[Mohammed Mansour]

الفكرة تطورت من حاجة لحاجة ما جتش طول
يعني كانوا ياخدوا في رسائل بعدين خلوها للتجارة و بعدين جت الحرب العالمية الاولي وهكذا وبدات العملية تنتشر
بالنسبة للالوان الموضوع بعد البحث علي النت طفولي بكل مجرد لون يعني اغلب دول اوروبا احمر الا كرواتيا تقريبا ازرق
السعودية اخضر او اغلب الدول الاسلامية هك السعودية باكستان
كوريا مثلا اخضر ومع انه مش مخطم علي علمهم اللون الاخضر
ف تحسي الموضوع مجرد لون في الاغلب
وبعض الدول تحاول تخليه قريب من لون العلم حتي في درجة اللون

 

[Rehab K. Farhat]

الاحمر هدا دبلوماسي، ومن مزياه انه يعطي حامله حرية العبور من غير عوائق وتقدمله تسهيلات. وفي هلبا مطارات دايرين جهة للدبلوماسيين يمروا منها تكون اسرع بهلبا من الناس العاديه.

وفيه واحد اخضر زمان يكتبوا عليه جواز سفر خاص اعتقد، هداكا يعطوه للصغار العاملين بالسفارات بس مش كلهم لان توا اغلبهم حتى الصغار عندهم الاحمر.

بالنسبه للاخضر والازرق هادوا العاديات من مزياهم ان بيعلقوا عليك في كل مطار ويديرولك قصه خاصه الاخضر لانه قديم.

بالنسبة للباقيات هادوا اصدارات مختلفه

 

[Baki Elhmali]

وفي جواز اخر ناسيه انت (الاسود)هضا متاع البحريه الكبتن و الطاقم لي يشتغل في السفينه يديرولهم فيه

 

[Maha Makhlouf]

/There are Only Four Passport Colors in the World, and This is the Reason Why

 

[Reham DLiwe]

نعرف ان الدوله هي الي تختار لون جوازها قصدي مابش قصه معينه هك نعرف

 

[Hamza Taynaz]

جواز نستخدموه نطلعو بيه شفرات ليبيانا ولا واي ماكس
ولا كان بتعدي طريق طويله خليه معاك

 

[Nami Cloud]

الاحمر جواز دبلوماسي صاحبه عنده مزايا واجد فالتأشيرات و هكي والازرق جواز عادي والاخضر مش اي دولة تقبلك توا بيه الا مصر تقريبا و لاخر قديم

 

[Princess Nadosh]

احمر لي دبلوماسي والاخضر والازرق للمواطن عادى اخظر الكترونى وازرق عاادى

 

[Mohamed Tourki]

اربعة الوان اساسية وتدريجاتها هيا الوان جوازات السفر ، ويوجد جوازات خاصة كجوازات كباتنة السفن والغواصات من يعيشون اغلب حياتهم بالبحر ويوجد جوازات خاصة بالدوبلماسيين واللون لا يشترط احمر بس في ليبيا احمر

 

[Swiss Ice]

لقيت مقال جدا أفادني وجاوبني إحابة كافية وافية من بعد جواباتكم .
مقال مفيد جدا.. أنصح به







/مترجم: أربعة ألوان فقط تغلف جوازات السفر في العالم.. ماذا يعني لون جواز بلدك؟

 

[Aya Abuabed]

بغض النظر علي الامور سياسية بس شن جاب صقر لي نجمة و هلال مش عاطي شكل ولا هيبة بعيدا علي الامور سياسية بشكل عام باقي الدول رموزهم قوية و تعبيرية مفهمتش نجمة و هلال هذي شن تعنيلنا و الي بيقولي دلالة اسلامية باه مش كانت مملكة سعودية اولة بيها ؟ اقل شي الصقر من الطيور الي معروف بيها في ليبيا