M
Mohammed Waheed
:: مسافر ::
نصيحة لو رايح طوكيو لازم تاخد بالك من كام حاجة .. اولها الانحناء فهى وسيلة السلام والاعتذار في نفس الوقت
ثانى حاجة الاكل وقت مقدس عندهن لو قاعد مع ناس مينفعش تسبقهم بالاكل لازم كلكم تبدأوا في نفس الوقت ومتنساش لازم تستخدم عيدان الاكل زيهم ومتختلفش عنهم وخلي بالك البقشيش هناك شتيمة فمتحاولش تبقشش على حد حتى لو عامل نضافة
ثانى حاجة الاكل وقت مقدس عندهن لو قاعد مع ناس مينفعش تسبقهم بالاكل لازم كلكم تبدأوا في نفس الوقت ومتنساش لازم تستخدم عيدان الاكل زيهم ومتختلفش عنهم وخلي بالك البقشيش هناك شتيمة فمتحاولش تبقشش على حد حتى لو عامل نضافة
N
Nouran Khaled
:: مسافر ::
اولا اعرف مكان سكنك فين فى طوكيو وأقرب محطه مترو، المواصلات هناك مترو ومشى فى كارت مترو هناك بيتشحن ممكن تشتريهSuica card ، المترو ومعظم اللافتات مترجمه انجليزى، اماكن الاكل منتشره وفى مطاعم كتير حلال والسوبر ماركت كل شى موجود متاخدش معاك حاجه من هنا ممكن تاخد معاك دولار وتغير فى المطار وفى اماكن لتحويل العمله فى شينجيكوshenjiku ، افضل اماكن الفسح منطقه اوينوUeno واساكوسا Asakusa و هاراجيكوharajiku واكيهابارا دى منطقه الكمبيوتر كل حاجه ومنطقه اودايبا جميله، الهدايا عندك free tax markets كتيير وفى 100 Yen وكمان يونيكلو للملابس، الاسعار غاليه شويه فحاول تظبط ميزانيتك، اليابان أمان جدا وكل اليابانيين Gps جوجل فى اليابان شغال وكل حته فيها wifi free فى ماركت مهم شبهه الfella market ناس بتبيع حاجات شبه سوق الكانتو فى مصر بس المكان بيتغير اسال عنه ومعظم الوقت بيبقى فى شينجيكو فاصل مع البياعين دول وهتشترى منهم حاجات كويسه وجديده الانتقال من طوكيو لاى مدينه زى مثلا اوساكا او كيوتو فى قطارات اسعارها معقوله بس اسرعهم قطار الشينكانسين بس غالى جداااا
A
Ahmed Barakat Ibrahim
:: مسافر ::
افضل مكان تعود فيه شنجوكو وبعدين شبويا وبعدين اساكوسا رحله سعيده التسوق هناك غالي لا انصح بيه حتي الاسواق الرخيصه التكسي من المطار غالي جدا بيوصل ل١٠٠٠ درهم بالاماراتي حاول تستخدم المترو مغطي توكيو كلها وفي كارت موفر ممكن تشحنه لو حبيت الشغب الياباني شعب ممتاز اليابانيين ما بيخدوش بقشيش لكن في جنسيات اسيويه كثير بيخدوا عادي ويمكن يطلبوا منك كمان بس انت هتفتكرهم يابانيون
N
Nouran Khaled
:: مسافر ::
بمناسبة الأجهزه نصيحه متشتريش موبيلات ولا تابلت لان الموديلات اللى بتنزل اليابان معظمها بيكون مقفول عليهم ومختلف عن غيره فى اى دوله وبالتالى صعب تلاقيله صيانه او قطع غيار، متنساش تاخد فيشه شبه اللى هرسلها لاحقا، هناك ١١٠ مختلفه عن ٢٢٠ فولت فى اى دوله أتأكد ان جهاز اللاب توب هيشتغل هناك