A
Amr Abdelghany Omar
:: مسافر ::
في hostel اسمه the place in rome نضيف وممتاز بالفطار ميزته انه في ميدان republica يعني وسط البلد في روما.....مش هتحتاجي تركبي مواصلات كتير لان المزارات كلها قريبه من بعضها وممكن تتمشيها......الحاجة الوحيدة اللي ممكن تركبيلها الفاتيكان وده هتركبيله مترو من ميدان republica برضه....الاكل رخيص وفي مطاعم باكستاني وايطالي بتقدم اكل حلال وسي فووود مش غالي.... الهدايا التذكارية هناك كتير واسعارها متنوعة بالمناسبة انا قعدت في براغ 4 ايام صرفت 200 يورو بالهوستيل وكنت قاعد في غرفة دبل
A
Ahmed Barakat Ibrahim
:: مسافر ::
روما رخيصه علي موقع بوكنج في هوستل كثير بسررين فقط او اي موقع تاني بيكون غرفه سريرين بتكون ب٤٠ يوروا افضل حاجه خدي الباص السياحي يومين هتلفي روما كلها في يومين احلي حاجه عندهم الاكل واللبس تحفه ورخيص حتي اي بلد في اوربا بيكون اغلب اللبس مستورد من ايطاليا بصراحه انا محبتهاش حسّيت وسط البلد عندنا انظف بس لو انتي بتحبي الاثار القديمة والكنائس القديمة يبقي لازم تروحيها
G
Ghareeb Darweesh
:: مسافر ::
انا لسه راجع النهاردة من روما وكنت في الفاتيكان منطقة هاديه لكن لو انتم اتنين المزارات هتكلفكم حوالي٢٠٠ الي ٣٠٠ يورو اما الاكل ده علي حسب رغبتك من ٥الي٢٠يورو للفرد ممكمن تحجزي في الاوتوبيس hop on hop off بيلف البلد كلها لمدة يوم بحوالي٢٢يورو للفرد الفاتيكان من الداخل حوالي ٦٠ يورو للفرد في المجموعات بالمرشد اما حجز الاقامة انصحك كل ما كان بدري كل ما كان ارخص لان الايام هاي سيزون والغرفة الواحدة تمنها بيختلف يوم عن يوم عموما هي تجربة مش لازم تفرطي فيها بالمناسبة حاسبوا من الغجر النشالين قلبوني بمنتهي الحرفية بييجوا كانهم شحاتين يطلبوا اكل ويعملوا اي من من الاحتكاك وفجأة ضاعت التحويشة