A
Ahmed Rabea
:: مسافر ::
رحلتي الي جورجيا...شهر مايو ٢٠١٧
طبعا ناس كتير اتكلموا فيها بالتفصيل وعشان كده
هاحاول احطها في صوره نقط بسيطه....
1- بالنسبه للفيزا انا خدتها عند الوصول لان اي حد معاه اقامه ساريه اكتر من ست شهور في اي من دول الخليج يحق له ياخد الفيزا عند الوصول...بس احتياطيا اعمل تأمين سفر وتاخده معاك محدش سألني عليه...والحاجه التانيه تاخد بطاقتك المدنيه او الرقم المدني بتاعك في دولتك الخليجيه وده اتسالت عليه.
2- بالنسبه للطيران انا خدت multiple airlines..
Emirates and flydubai.وترانزيت خمس ساعات في مطار دبي...لو حظك زيي ووقع في
Emirates A380 Airbus
...متنزلش منها..قلهم هبات فيها. دي اكبرطياره ركاب في العالم ودورين وحركات...هتحس انك في اوتيل مش طياره....وهتتمني الرحله تبقي عشر ساعات....
3-دول معلومتين ممكن يفيدوا حد في مطار دبي الأولي أن في shower room for men and women.
وببلاش لو عندك ترانزيت كبير وحابب تاخد دش ونظبط امورك انا جربته اكتر من رائع بس اعمل حسابك في الهاند باج تحط حاجتك اللي هتستخدمها...والمعلومة التانيه أن في اماكن ممتازه للنوم لو ترانزيتك كبير اسمها snooze cube. ودي بتبقي اوضه صغيره في منها بسرير ومنها بسريرين وبتتاجر بالساعه اقل وقت ممكن تاجره ساعتين وممكن تحجزها اون لاين ..مجهزه ومكيفه وتليفزيون وحمام وزي الفل..ب 75درهم اماراتي بالساعه..حاليل بيجددوا بتاعه تريمنال ٣ اللي موجود في تريمنال ١ حاليا.وده موقعهم لو حابب تحجز اون لاين
/Snooze Cube
4-وصلت مطار تبليسي الحمد لله وخدت التاشيره بدون اي مصاريف ودخلت ...عندك ممكن تغير من المطار حاجه بسيطه زي ٢٠ او ٣٠ دولار والباقي لما تنزل تبليسي...
5-بالنسبه الاقامه انا قعدت في Homestay وده عباره عن شقه لاسره جورجيه مكونه من غرفتين انا اخدت غرفه وهما قاعدين بغرفه..الغرفه كانت ممتازه من ناحيه الموقع لانها في قلب تبليسي القديمه وقريبه من كل الاماكن وعلي شارع افخازاي وده شارع تبليسي القديمه الرئيسي ... أصحاب الهوم ستاي ناس ممتازين جدا وانصح اي حد عاوز اوضه لوحده ومكانها حلو يروحها..وانا ممكن اظبطه معاهم كمان...
5-بالنسبه لتبليسي طبعا مفيش كلام يتقال بعد مقال الرائع عمرو بدوي..فعلا احب اشكره جدا علي مقاله الرائع ويعتبره ال guidelines لتبليسي....تحفظوه لو عاوزين تتبسطوا....
/كل ما تريد معرفته عن تبليسي - جورجيا - Couch Traveler
مش هتكلم عليه لان فعلا غطي كل حاجه وانا شخصيا كنت ماشي عليه وظبطني فعلا...
6- بالنسبه للاكل طبعا مشهوره بالمعجنات ولازم تجرب الخاشبوري وياريت بالجبنه ( ممكن تطلب مملحه أو من غير ) ..وفي مطاعم مصريه وتركيه في أغلب الاماكن .طبعا لازم تجرب الفواكه والعصائر عندهم حاجه تانيه ..والأسماك حلوه برده..وطبعا الاسعار رخيصه في جورجيا بصفه عامه..
7- كده انت خلصت تبليسي في يومين زي ما عمنا عمرو بدوي قال..عاوز تطلع بره تبليسي بقي عندك في شركات كتير بطلع الرحلات دي بتبقي جروبات يعني تنزل تبليسي القديمه هتلاقي شركات كتير تحجز معاهم وتطلع في الغالب الرحلات بتبقي من تسعه الصبح وترجع اوقات سبعه بليل وعشره بليل...انا استقريت بعد مشوره ناس وشفت بنفسي علي الوضع هناك علي شركه معينه مش هينفع الاسم عشان سياسه الجروب بالاعلانات ..لو حد حابب اسم الشركه اللي رحت معاها يبقي يبعتلي خاص واقله
8- التحرك في تبليسي بيكون مشي وده افضل عشان تكتشف المكان وتستمتع بيه اكتر وتدخل في حواري وشوارع تبليسي القديمه وسيب نفسك تتوه بقي...هتتبسط جدا...طبعا كل الاماكن موجوده بجوجل مابس في تقرير عمرو بدوي مش هاكررها هنا تاني...
9- بالنسبه للانترنت والتليفون...انا شخصيا اعتمدت علي الراوتر بتاعي واشتريت خط داتا من شركه جيو سيل ممتازه وتغطيتها حلوه افتكر كان ب ١٠ لاري... وبالمناسبة شركه رحلات اللي بره تبليسي بتديك خط تليفون ببلاش انت اشحنه زي منت عاوز....
10-الاماكن اللي رحاها بره العاصمه ..مستيخيا...جوري ...ابلستيخا...كازبيجي...كوتايسي...فالردزيا..بورجومي .انانوري.... جوردوي..طبعا لو ايامك اكتر في اماكن اكتر زي كاخيتي وباتومي وغيرها...بس رايي خلي كازبيجي وكوتايسي دول أساسيين هتتبسط فيهم جدا...والباقي طبعا ممتاز بس لو ايامك قليله ومعندكش غير يومين بره تبليسي يبقي روح دول...
11-عندهم حاجه سقعه كده مشهوره اسمها lemonade ...لما تطلبها متقلش ليموناد وتسكت ..لان دي اسمها انما في منها انواع كتير وعشان متلبس في حاجه بطعمGrasses النجيله يعني ..انا نصحتك اهو ..تطلب lemonade lemon ...
12- جوري دي موطن ستالين وفيها بيته ومتحفه والقطر اللي كان ليعقد اجتماعاته فيه ومكان تحس انك رجعت لايام الحرب العالمية الثانية.. وبالمناسبة وانا هناك صادفت الاحتفال ب مرور ٧٢ سنه علي انتهاء الحرب العالمية الثانية...
13- كازبيجي لازم تروحها دي احلي جبال وتلج وفي كل الفصول لازم تتراح..
14- كوتايسي لازم تروحها الكهوف اللي من ملايين السنين تحت الارض وفعلا مكان ساحر ...
15-فالردزيا مكان جميل جدا وكهوف محفوره في الجبال قريبه من الاف السنين وهتزو قلعه كمان من ايام الامبراطوريه العثمانيه مميزه جدا ...
16- ميستيخا وابلوستيخيا وبورجومي وانانوري وبقيت الاماكن تحفه طبعا وكل مكان مميز بحاجه..طبعا اعمل حسابك هتشوف كنايس كتير في كل حته بالقبب المخروطيه المميزه ليهم..اعمل حسابك تشرب ميه طعمها غريب من بورجومي بلد المياه النقية اللي بتطلع من الجبال ...في عز التلج والمطر اللي كنت فيه الميه سخنه وطعمها غريب بس حلو...
13- اخيرا اوعي تركز في السفر علي أنه مكان مستني توصله ركز فيه علي أنه بيعلمك وبيفيدك وبيخليك تكسب اصدقاء من كل حته في العالم ..استمتع بالرحله ومتركزش هتوصل امتي...طلعت من الرحله دي باصدقاء حقيقيين مايتنسوش من اماكن كتير من جورجيا - روسيا -كازاخستان- قرغيزستان- اليونان - كوريا الجنوبية- بولندا - السودان - عمان - الهند - وغيرهم...
اي معلومه عندي إجابتها مش هتردد في الاجابه عليها وان شاء الله تستمتعوا.....
Remember, Traveling is a way of travel not a destination...
Traveling—it leaves you speechless, then turns you into a storyteller.
فيديو ملخص الرحله مع اشهر اغنيه جورجيه عندهم...عمرو دياب بتاعهم ..
طبعا ناس كتير اتكلموا فيها بالتفصيل وعشان كده
هاحاول احطها في صوره نقط بسيطه....
1- بالنسبه للفيزا انا خدتها عند الوصول لان اي حد معاه اقامه ساريه اكتر من ست شهور في اي من دول الخليج يحق له ياخد الفيزا عند الوصول...بس احتياطيا اعمل تأمين سفر وتاخده معاك محدش سألني عليه...والحاجه التانيه تاخد بطاقتك المدنيه او الرقم المدني بتاعك في دولتك الخليجيه وده اتسالت عليه.
2- بالنسبه للطيران انا خدت multiple airlines..
Emirates and flydubai.وترانزيت خمس ساعات في مطار دبي...لو حظك زيي ووقع في
Emirates A380 Airbus
...متنزلش منها..قلهم هبات فيها. دي اكبرطياره ركاب في العالم ودورين وحركات...هتحس انك في اوتيل مش طياره....وهتتمني الرحله تبقي عشر ساعات....
3-دول معلومتين ممكن يفيدوا حد في مطار دبي الأولي أن في shower room for men and women.
وببلاش لو عندك ترانزيت كبير وحابب تاخد دش ونظبط امورك انا جربته اكتر من رائع بس اعمل حسابك في الهاند باج تحط حاجتك اللي هتستخدمها...والمعلومة التانيه أن في اماكن ممتازه للنوم لو ترانزيتك كبير اسمها snooze cube. ودي بتبقي اوضه صغيره في منها بسرير ومنها بسريرين وبتتاجر بالساعه اقل وقت ممكن تاجره ساعتين وممكن تحجزها اون لاين ..مجهزه ومكيفه وتليفزيون وحمام وزي الفل..ب 75درهم اماراتي بالساعه..حاليل بيجددوا بتاعه تريمنال ٣ اللي موجود في تريمنال ١ حاليا.وده موقعهم لو حابب تحجز اون لاين
/Snooze Cube
4-وصلت مطار تبليسي الحمد لله وخدت التاشيره بدون اي مصاريف ودخلت ...عندك ممكن تغير من المطار حاجه بسيطه زي ٢٠ او ٣٠ دولار والباقي لما تنزل تبليسي...
5-بالنسبه الاقامه انا قعدت في Homestay وده عباره عن شقه لاسره جورجيه مكونه من غرفتين انا اخدت غرفه وهما قاعدين بغرفه..الغرفه كانت ممتازه من ناحيه الموقع لانها في قلب تبليسي القديمه وقريبه من كل الاماكن وعلي شارع افخازاي وده شارع تبليسي القديمه الرئيسي ... أصحاب الهوم ستاي ناس ممتازين جدا وانصح اي حد عاوز اوضه لوحده ومكانها حلو يروحها..وانا ممكن اظبطه معاهم كمان...
5-بالنسبه لتبليسي طبعا مفيش كلام يتقال بعد مقال الرائع عمرو بدوي..فعلا احب اشكره جدا علي مقاله الرائع ويعتبره ال guidelines لتبليسي....تحفظوه لو عاوزين تتبسطوا....
/كل ما تريد معرفته عن تبليسي - جورجيا - Couch Traveler
مش هتكلم عليه لان فعلا غطي كل حاجه وانا شخصيا كنت ماشي عليه وظبطني فعلا...
6- بالنسبه للاكل طبعا مشهوره بالمعجنات ولازم تجرب الخاشبوري وياريت بالجبنه ( ممكن تطلب مملحه أو من غير ) ..وفي مطاعم مصريه وتركيه في أغلب الاماكن .طبعا لازم تجرب الفواكه والعصائر عندهم حاجه تانيه ..والأسماك حلوه برده..وطبعا الاسعار رخيصه في جورجيا بصفه عامه..
7- كده انت خلصت تبليسي في يومين زي ما عمنا عمرو بدوي قال..عاوز تطلع بره تبليسي بقي عندك في شركات كتير بطلع الرحلات دي بتبقي جروبات يعني تنزل تبليسي القديمه هتلاقي شركات كتير تحجز معاهم وتطلع في الغالب الرحلات بتبقي من تسعه الصبح وترجع اوقات سبعه بليل وعشره بليل...انا استقريت بعد مشوره ناس وشفت بنفسي علي الوضع هناك علي شركه معينه مش هينفع الاسم عشان سياسه الجروب بالاعلانات ..لو حد حابب اسم الشركه اللي رحت معاها يبقي يبعتلي خاص واقله
8- التحرك في تبليسي بيكون مشي وده افضل عشان تكتشف المكان وتستمتع بيه اكتر وتدخل في حواري وشوارع تبليسي القديمه وسيب نفسك تتوه بقي...هتتبسط جدا...طبعا كل الاماكن موجوده بجوجل مابس في تقرير عمرو بدوي مش هاكررها هنا تاني...
9- بالنسبه للانترنت والتليفون...انا شخصيا اعتمدت علي الراوتر بتاعي واشتريت خط داتا من شركه جيو سيل ممتازه وتغطيتها حلوه افتكر كان ب ١٠ لاري... وبالمناسبة شركه رحلات اللي بره تبليسي بتديك خط تليفون ببلاش انت اشحنه زي منت عاوز....
10-الاماكن اللي رحاها بره العاصمه ..مستيخيا...جوري ...ابلستيخا...كازبيجي...كوتايسي...فالردزيا..بورجومي .انانوري.... جوردوي..طبعا لو ايامك اكتر في اماكن اكتر زي كاخيتي وباتومي وغيرها...بس رايي خلي كازبيجي وكوتايسي دول أساسيين هتتبسط فيهم جدا...والباقي طبعا ممتاز بس لو ايامك قليله ومعندكش غير يومين بره تبليسي يبقي روح دول...
11-عندهم حاجه سقعه كده مشهوره اسمها lemonade ...لما تطلبها متقلش ليموناد وتسكت ..لان دي اسمها انما في منها انواع كتير وعشان متلبس في حاجه بطعمGrasses النجيله يعني ..انا نصحتك اهو ..تطلب lemonade lemon ...
12- جوري دي موطن ستالين وفيها بيته ومتحفه والقطر اللي كان ليعقد اجتماعاته فيه ومكان تحس انك رجعت لايام الحرب العالمية الثانية.. وبالمناسبة وانا هناك صادفت الاحتفال ب مرور ٧٢ سنه علي انتهاء الحرب العالمية الثانية...
13- كازبيجي لازم تروحها دي احلي جبال وتلج وفي كل الفصول لازم تتراح..
14- كوتايسي لازم تروحها الكهوف اللي من ملايين السنين تحت الارض وفعلا مكان ساحر ...
15-فالردزيا مكان جميل جدا وكهوف محفوره في الجبال قريبه من الاف السنين وهتزو قلعه كمان من ايام الامبراطوريه العثمانيه مميزه جدا ...
16- ميستيخا وابلوستيخيا وبورجومي وانانوري وبقيت الاماكن تحفه طبعا وكل مكان مميز بحاجه..طبعا اعمل حسابك هتشوف كنايس كتير في كل حته بالقبب المخروطيه المميزه ليهم..اعمل حسابك تشرب ميه طعمها غريب من بورجومي بلد المياه النقية اللي بتطلع من الجبال ...في عز التلج والمطر اللي كنت فيه الميه سخنه وطعمها غريب بس حلو...
13- اخيرا اوعي تركز في السفر علي أنه مكان مستني توصله ركز فيه علي أنه بيعلمك وبيفيدك وبيخليك تكسب اصدقاء من كل حته في العالم ..استمتع بالرحله ومتركزش هتوصل امتي...طلعت من الرحله دي باصدقاء حقيقيين مايتنسوش من اماكن كتير من جورجيا - روسيا -كازاخستان- قرغيزستان- اليونان - كوريا الجنوبية- بولندا - السودان - عمان - الهند - وغيرهم...
اي معلومه عندي إجابتها مش هتردد في الاجابه عليها وان شاء الله تستمتعوا.....
Remember, Traveling is a way of travel not a destination...
Traveling—it leaves you speechless, then turns you into a storyteller.
فيديو ملخص الرحله مع اشهر اغنيه جورجيه عندهم...عمرو دياب بتاعهم ..