H
Heba Salah
:: مسافر ::
صباح الخير حكملكم برنامجى لزيارة طرابزون فى الشمال التركى
حجزت طيران داخلى من اسطنبول لطرابزون المسافه تقريبا ساعه ونص طيران
طرابزون وما حولها طبيعتها ساحرة كلها جبال خضرا وسهول وانهار وشلالات فبالتالى مفينفعش فيها لا ترام ولا مترو فالمواصلات بتعتمد على المينى باص والدولموش ( زى الميكروباص كدة بس بابه بيتقفل بالكهربا ) وهما متوافرين وبيغطوا كل الاماكن فلو انتو عددكو صغير مفيش اى احتياج لشركة سياحية ولا تأجير عربيه .. اجرة الدولموش 2 ليرة للمشوار
اليوم الاول : الوصول الساعه12 الحمد لله الشقه الى كنا مأجرنها فيها خدمة التوصيل من المطار مجانا .. اخدنا دولمش لوسط البلد اسمها بالتركى (ميدان مركز )وبيبقى مكتوب على الدولموشmydan .. من وسط البلد اتمشينا واخدنا دولموش تانى لاكتر منطقه مرتفعه فى طرابزون اسمها (بوز تبه )والله اسمها كدة على اساس انها فعلا بوز للتبه المرتفعه وفوقها كافية راااائع والمنظر تحفه وبيقدم شاى فى ابريق غريب كدة ب 20 ليرة لو مش عايز تدفع اقف شويه واتصور ولما يجى الراجل امشى
بعد ما نزلنا من البوز اخدنا دولمش لمنطقه اسمها بحيرة سيراجول sera golu الساحرة وفيها مطعم رائع ومتنساش تأجر بدال النص ساعه ب30 ليرة بس يستحق
اليوم التانى : اخدنا مينى باص الى ازونجول بيطلع كل ساعه ب14 ليرة مع العلم ان شركة السياحة كانت عايزة 50 ليرة
ازونجول لو حكيت عنها ممكن احكى سنه ادخل جوجل واكتب ازونجول وشوف حيطلعلك ايه
اليوم التالت : غلطنا وطلعنا مع شركة سياحة قريه ايدر وريزا واكتشفنا ان فى اتوبيسات بتروح بنص التمن الى دفعنا .. وبعدين مشكله شركة السياحة انه بيوقفك كذا مرة فى محلات تبعهم علشان تشترى
فنصيحة اكتب كل الاماكن الى عايز تزورها فى ورقه واسأل اهل البلد اوصل ازاى وهما ناس متعاونين جداا بس المشكله انهم مش بيتكلموا انجلبزى فحمل برنامج جوجل ترانسليت عربى تركى علشان تستخدمة اوفلاين
اليوم التالت والرابع جالى برد فلغيت رحله هامسيكوى بس بردو مهمة لازم تتراح .. نصيحة خد جاكت تقيل لان درجه الحرارة فى اخر شهر مايو 6 درجات
ورحلة سعيدة للكل
حجزت طيران داخلى من اسطنبول لطرابزون المسافه تقريبا ساعه ونص طيران
طرابزون وما حولها طبيعتها ساحرة كلها جبال خضرا وسهول وانهار وشلالات فبالتالى مفينفعش فيها لا ترام ولا مترو فالمواصلات بتعتمد على المينى باص والدولموش ( زى الميكروباص كدة بس بابه بيتقفل بالكهربا ) وهما متوافرين وبيغطوا كل الاماكن فلو انتو عددكو صغير مفيش اى احتياج لشركة سياحية ولا تأجير عربيه .. اجرة الدولموش 2 ليرة للمشوار
اليوم الاول : الوصول الساعه12 الحمد لله الشقه الى كنا مأجرنها فيها خدمة التوصيل من المطار مجانا .. اخدنا دولمش لوسط البلد اسمها بالتركى (ميدان مركز )وبيبقى مكتوب على الدولموشmydan .. من وسط البلد اتمشينا واخدنا دولموش تانى لاكتر منطقه مرتفعه فى طرابزون اسمها (بوز تبه )والله اسمها كدة على اساس انها فعلا بوز للتبه المرتفعه وفوقها كافية راااائع والمنظر تحفه وبيقدم شاى فى ابريق غريب كدة ب 20 ليرة لو مش عايز تدفع اقف شويه واتصور ولما يجى الراجل امشى
بعد ما نزلنا من البوز اخدنا دولمش لمنطقه اسمها بحيرة سيراجول sera golu الساحرة وفيها مطعم رائع ومتنساش تأجر بدال النص ساعه ب30 ليرة بس يستحق
اليوم التانى : اخدنا مينى باص الى ازونجول بيطلع كل ساعه ب14 ليرة مع العلم ان شركة السياحة كانت عايزة 50 ليرة
ازونجول لو حكيت عنها ممكن احكى سنه ادخل جوجل واكتب ازونجول وشوف حيطلعلك ايه
اليوم التالت : غلطنا وطلعنا مع شركة سياحة قريه ايدر وريزا واكتشفنا ان فى اتوبيسات بتروح بنص التمن الى دفعنا .. وبعدين مشكله شركة السياحة انه بيوقفك كذا مرة فى محلات تبعهم علشان تشترى
فنصيحة اكتب كل الاماكن الى عايز تزورها فى ورقه واسأل اهل البلد اوصل ازاى وهما ناس متعاونين جداا بس المشكله انهم مش بيتكلموا انجلبزى فحمل برنامج جوجل ترانسليت عربى تركى علشان تستخدمة اوفلاين
اليوم التالت والرابع جالى برد فلغيت رحله هامسيكوى بس بردو مهمة لازم تتراح .. نصيحة خد جاكت تقيل لان درجه الحرارة فى اخر شهر مايو 6 درجات
ورحلة سعيدة للكل