تحذير هام لكل الناس "المصريين و العرب" اللي...

[Norhan Mohamed]

تحذير هام لكل الناس "المصريين و العرب" اللي مسافرة دلوقتي أو حتسافر أو بتفكر تسافر للبلاد دي (المجر - سلوفاكيا - صربيا - رومانيا) و خاصة #المجر...
حاولوا تتجنبوا تماماً السفر للدول دي عشان حاجات كتير أوي من أهمها:

١-البلاد دي إسمها "بلاد غجر أوروبا" يعني الأفقر و الأخطر و الأكتر إجراماً في كل القارة الأوروبية

٢- بيحصل بمعدل يومي مئات السرقات بالغاز المخدر شديد المفعول ملوش أي ريحة أو لون "يتم رشه عن طريق انبوبة صغيرة من تحت الباب او من اي فتحة" في القطارات و بيوت الشباب و الهوستل و بعض الفنادق و بيتم سرقة كل حاجة معاكم ده لو حظكم حلو "الموضوع ده منتشر بطريقة رهيبة في بلاد أوروبا الشرقية" و لسة جديد علي بقية دول العالم

٣-لو حظكم وحِش حيتم سرقة أعضائكم البشرية أو أطفالكم و إنتم فاقدين الوعي تحت تأثير الغاز المخدر و في ٩٩٪ من الحالات عمركم ما حتشوفوا أطفالكم تاني لأنهم بياخدوهم يشحتوا بيهم في بلاد تانية زي ألمانيا و إيطاليا و عمركم ما حتعرفوا مين سرق أعضائكم البشرية

٤-الشرطة في البلاد دي "شدييييدة الفساد" و كل اللي حيعملوه ليكم لو رحتم قسم الشرطة عشان تعملوا بلاغ إنهم حيكتبولكم محضر و بعدين حيقوللكم بما معناه "بلوه و إشربوا مايته"

٥-في بعض الحالات الناس اللي بتتسرق منها كمبيوترات أو كاميرات أو حتي عربيات، بعد يومين تلاتة بيلاقوا حاجاتهم معمولها إعلانات للبيع علي الإنترنت و لو "إنت لسة في البلد أصلاً" و رحت للشرطة، مش حيعملولك أي حاجة و حيقولولك روح إشتريها منهم !!

٦-البلاد دي الناس فيها عنصريين جدااااااااا لدرجة لا يمكن وصفها ضد العرب "مسلمين و مسيحيين" ، أي حد شكله عربي حتي لو مكانش عربي من الاساس

٧-أي حد مصري أو عربي حييجي الدول دي حيحس بالعنصرية الشديدة في كل مكان "كل الناس حتعاملك بإحتقار و إستفزاز شديد" زي ما الألمان كانوا بيعاملوا اليهود في بداية أيام هتلر ، لدرجة إنك أول ما حتدخل سوبرماركت أو محل عشان تشتري حاجة حتلاقي فرد أو فردين أمن ماشيين وراك زي ضلك "كأنك حرامي محترف" و بعدين حيفتشوك لما تشتري الحاجة !!

٨-لو لا قدر الله نويت تركب مترو أو ترام أو أوتوبيس أو قطار ده يبقي من حظك التعيس لأن السواق حيبلغ الأمن أو الشرطة و حتلاقيهم طالعين "الحاجة اللي إنت راكبها" و سايبين الناس كلها و جايينلك إنت و بيسألوك علي التذكرة و الباسبور بتاعك و حتي لو معاك، حينزلوك من المواصلات و حيبلطجوا عليك شوية و حيكون نفسهم إنك تتخانق معاهم عشان يخدوك علي القسم و يعملوا عليك حفلة "

٩-لو إنتي محجبة "بلااااش أبداً" تيجي البلاد دي حتي و الله لو ببلاش الرحلة ، عشان إنتي حتكوني بجد عملتي غلطة عمرك و كل الناس في الشارع و حتي في الأماكن السياحية حتهاجمك و تقولك كلام مهين "كتير منكم لو فهمت معناه حتعيط كتير أوي" و لسة الموضوع ده حصل قدام حجاجوفيتش في مترو الأنفاق في بودابست، شوية عيال شباب من المجر إتلموا علي شابة مسلمة شكلها زي الملاك "من ألمانيا" لابسة الحجاب و مردوش ينزلوها من المترو إلا لما تقلع الحجاب و لما رفضت ، إبتدوا يبلطجوا عليها و يحاولوا يقلعوهولها بالقوة لغاية ما #حجاجوفيتش و شابة تانية من أمريكا في المترو راحوا يدافعوا عنها و يسحبوها من البلطجية...
و الموضوع ده بيحصل بصفة يومية في القطارات في سلوفاكيا و رومانيا و المجر و صربيا و ساعات التشيك

١٠-أي حد حيضطر لأي سبب إنه يبدل فلوس بلاش تماماً إنك تبدلت من الصرافات "لأنهم في معظم الوقت حيدوك فلوس مضروبة" و دايماً روح بدلها من البنك، و لو حتستخدم كارت البنك بتاعك لسحب فلوس من ماكينة السحب خلي بالك إنهم دايماً بيكونوا حاطين قطعة بلاستيك إليكترونية صغيرة جداااا في فتحة الكارت عشان تقرا المعلومات بتاعة كارتك و عليه العوض و منه العوض في فلوسك اللي في الحساب لأنهم حيسرقوها كلها

يا ريت اللي بيفكر يسافر بلاد أوروبا الشرقية عشان أسعارها الرخيصة، يراجع نفسه و يسافر أي بلاد تانية...

Ahmed Haggagovic - أحمد حجاجوفيتش

 

[Sameh Mohamed]

هجص

 

[Ahmed Galal]

انسان موجه
بودابست م أفضل الوجهات السياحية فى العالم

 

[Shaimaa Zaki]

مش معنى ان حد حصل معاه تجربة سيئة في مكان يبقي نعمم الدنيا كدا ..

 

[Hend Salem]

هو حظه انه حاجته اتسرقت فكتب بوست اوفر الاوفر عن اوروبا الشرقية كلها ... رغم ان اى حد معرض انه يتسرق فى اى مكان ... فى امريكا نفسها ممكن تتثبت و تتسرق

 

[Mostafa Morsy]

فاكس تماماً اوروبا الشرقية احسن من الغربية من حيث المزارات السياحية و المناظر الطبيعية و ناسها فريندلي أكثر

 

[Ahmed Shawky]

انا لسه راجع من براغ - براتيسلاڤا - بودابست و مفيش حاجة من الهجص ده طول مانت ماشي عدل

 

[Sherine Adel Imam]

انا اختي لما سافرت المجر سياحه مع جوزها، سواق التاكسي في بودابست رجعلها الباقي فلوس مزوره و لما لجأت للشرطه حست انهم متواطئين و قفلوا علي الموضوع و هاجموها هي فمش بعيد ان بعض الحاجات دي تحصل

 

[Ahmed Abd Elsattar]

وسعت منك اوى كده

 

[Ahmed Rezk]

هجص وهايدي سهدي حطت عليه

 

[Malek Riahi]

Zeyneb Naffeti

 

[Adham EL Shekheby]

,هو تقريبا كتب البوستر ده واترد عليه وقتها من اكتر من واحد ، هو كان محروق بس من حاجته اللي اتسرقت

 

[Amin Mahmoud]

بودابست افضل بلد امنه اصلا ممكن تمشى الساعة 2 بليل و ميحصلكيش حاجه صباح الفل

 

[Mustafa A. Mohamed]

كوبي وبيست من غير فهم = الموضوع الكذب ده

 

[Norhan Mohamed]

معظم الكومنتات عنده ع الصفحه بتاييد الكلام ده و النص التاني بينفي ف هو صح زي ما قالوا مش مبدا ممكن يكون زي اي بلاد ممكن تتسرق و يضحك عليك طول ما انت غريب

 

[Abd El-Rahman Hassan]

Amin Yacoub mnwr

 

[Mohamed Rabei]

Mohamed Maged
Mohab Kibaa

 

[Ahmed Rezk]

Heidi Sohdy لا دا انت تيجى تتكلم بقي انت يا عصام يا نمر :-D

 

[Mohammed Adel Emara]

Sherif El-Masry

 

[Mohamed Essam Zaghloul]

الكلام ده صح . أي حد عاش هناك لفترة قصيرة حتي حيعرف أن الكلام ده صح جدا. لما تروح زياره كام يوم غير لما تعيش و تشوف طباع الناس. خاصة أنها دول لغتها صعبه و يبقي غبي اللي يحكم عليها من زيارة و من مجموعه زيارات لفترات صغيره. افتكروا أن بسبب الدول الصغيرة ديه أن بريطانيا خرجت من الاتحاد الأوروبي و يمكن كمان قريبا الاتحاد كله حيتفكك لنفس الأسباب و خاصه بعد عصابات أوروبا الشرقية أصبحت بتتحرك بسهوله في جميع أرجاء أوروبا