W
Wael Haroun
:: مسافر ::
ا لجزء الثالث : (ملخص خوازيق) رحلتي إلى إيطاليا اللي بقت بالصدفة رحلتي إلى فرنسا وإيطاليا.
الان نحن بالطائرة المتجهة من إسطنبول إلى باريس وصلنا مطار شارل دي جول والمطار كبير كييييك وشنطنا على ظهرنا وبندور على البوابه اللي بتطلع على موقف أتوبيس رقم 591الي بيودي للفندق ومشينا في المطار اد تلت ساعه لحد ما لقينا أبواب كتير قولت اسئل حد من مكاتب شركات السياحة داخل المطار لقيت شابه فرنسية سمراء سئلتها قالتلي الأتوبيس بيقف قدام بوابة B12 على ما اتذكر وهي قالتلي بلدك ايه فندقك فين وقولتلها على اسم المنطقة قالتلي أتوبيس رقم 591 مش بيعدي على فندقك (وه وه يابوي) هي مرت بدري كده ليه.... روحت مطلع الموبيل من جيبي وقولتلها يبقى اكيد خريطة محطات الأتوبيس اللي معايا دي قديمه.. اخدت من الموبايل ورجعت اللي مكتوب وراحت قايلالي انت صح وانا غلط فعلا الأتوبيس بيعدي على منطقة فندقك (وهنا افتكرت اغنية والله وعملوها الرجالة ورفعوا رأس مصر بلدنا).... المهم الست دي حبت تساعدنا جابت خريطة المعالم وهات ياشرح عن أفضل المعالم (تشكر بصراحة) المهم قولنا باي باي. وسبناها ودخلت الحمام في المطار رجعت لاقيت مراتي بتقولى الست الفرنساويه كانت بدور علينا علشان فلوسك المصريه وكارنيه الشغل وقعوا منك... لحظة ذهول مني (ربنا يكرمك يا بطني... مكناش هنعرف نركب حاجه بعد ما نرجع مصر)... المهم ركبنا الأتوبيس ابن الجزمه ده واخد ساعة ونص لحد ما وصلنا قدام الفندق؛ طبعا آمين الشنط في الاوضه ويلا بينا على برج ايفل... محطة المترو جنب الفندق لقيت كشك عليه علامة المترو بسئل البرنس اللي جواه التذكرة اليوميه بكام.. قالي انت سايح.. اه قاللي تذكرة محطات المترو السياحية اليوميه بسبعة يورو... قشطة التنين.. هات تذكرتين قاللي هنا حجز بatm بس لكن ممكن تحجز بفلوس من جوه المحطة.. المهم دخلت المحطة لقيت بنوته فرنسويه ناصعة البياض (حاجه كدة تخليك تندم أن الفرنساويين طلعوا من مصر).. المهم أيتها 50يورو وعاوز تذكرتين يوميتين.. لقيتها مرجعالي 6 يورو بس وبتقولي التذكرة ب22 اليورو (واحدة. احييييه اسكندراني على واحدة لقد وقعنا في الفخ بتاعة عادل امام) وانا اقولها انتي متأكدة تقولي ايوة ببص لقيت واقف وراها الراجل اللي سئلته برة عن سعر التذكرة شورتلها عليه وقولتلها اسئليه وعرفت منه قصدي.. ورجعتلي باقي الفلوس والتذكرتين ب14يورو بس(أدى أخرت البصبصة)... المهم روحنا برج ايفل وقوس النصر والساكري كير وجيت اروح ساحة الكونكورد... لازم أوضح (المترو في باريس 16 خط.... قطارات المترو تنقسم الا ثلاث انواع مترو كلاسيكي وده عربياته تحس انها من أفلام ابيض واسود لكنها جميلة ومزينه.. مترو عادي جدا عامل زي قطار الأقاليم وحش. وتروح القاهرة برقبته... ومترو حديث. ودا عربياته مفتوحه على بعض كأنها عربيه واحدة ومغلق جيدا ومكيف ويعمل اتوماتيكي بدون سائق اه والله المهم ركبت انا والمدام لحد ما اكتشفنا اننا في الإتجاه الغلط وفاضل محطتين.. وبالحس المصري الأصيل قولت نركبه للآخر ونرجع معاه دخلنا المحطة اللي بعدها لقينا الاذاعه الداخليه للقطار بتغيير كلام بالفرنساوي بعد كدة قالت(next station is last station please leave the train) الكلام واضح اهو لقيت كل المترو نزل ماعدا جوز الابطال اللي انا واحد منهم لحظة وباب المترو قفل والمترو اتحرك ساب المحطة وراح وقف الاقي من ورا الشباك من ناحيتين طوب احمر بعد كده اسمعلك تشش صوت المحركات بيطفي قولت اه دا باين عليه بيجرش أو اوينهار اسود لو اللي بفكر فيه ده صحيح (مدام كل حاجه هنا اتوماتيك يبقى القطار هيدخل يتنظف اتوماتيك ومدافع الميه والرغوي هتغرقنا طيب انا استحمل والمسكينه اللي جنبي دي ذنبها ايه) 9 دقايق عدووا عليا 7 ساعات وانا خيالي مشوه لحد ما اتحرك تاني ودخلنا على المحطة الأخيرة واستعدت انفاسي وكملت باقي الفسحه وروحنا الفندق بليل.... بكرة جايلك يا ايطاليا ظبطت المنبه الساعه 5الصبح عشان اركب أتوبيس 591اللي رايح المطار معاه الساعه 5.55 المنبه مرنش لاني ظبطته 5بس بليل عادي جدا صحيت لقيت الساعه 5.35 لبسنا ولمينا الشنط وطبعا ملحقناش الاتوبيسبراجع مواعيد الأتوبيس لقيت الميعاد اللي بعده كان بعد ربع ساعة ركبنا واخد أقل من ساعه في الوصول لأن الشوارع كانت فاضيه جدا..... دخلنا المطار وصلنا لمكان easy Jet تم قياس أبعاد شنطنا ادونا البوردنج دخلنا على الاكس راي.. اخدوا مننا كل المعلبات اللي فيها سوائل وزنها أكثر من 50جرام وده لأن الشنط هتبقي معانا مش في بطن الطيارة..... الجزء الأسوء جي لقيت تلاته داخليين عليا 2 رجالة بيض ضخام وواحدة بنت سمراء والبنت بتطلعلي كارنيه مكتوب بالفرنسي قولتلها كلميني انجليزي قالتلي انت معاك 10000 يورو قولتلها مرة اه ومرة لا عادت السؤال تاني بصيتلها بصه حادة وقولتلها هذا ليس من شأنك انتي مش بوليس المصري معروف بجبروته راحت بصالي بقرف وطلعتلي الكارنيه تاني وقالتلي انا بوليس وبات مان اللي معاها لقيته شاور على مسدس في بنطلونه... امانه لله انا شفت المسدس مكنتش عارف اعيط من فوق ولا من تحت.. المهم قولتهم انا بحترم شغلكم وانا بشتغل في مطار القاهرة وطلعت لهم الكارنيه اللي وقع مني امبارح وعارف اني لازم اتعاون معاكم وشافوا تذاكر سفرنا وباسبورتنا وفتحوا الشنط الخاوية من المعلبات وفتشونا وقالوا لي دا شغلنا واحنا اتعاملنا معاكم بكل أدب ونتمنى ليكوا رحلة سعيدة.... وهو احنا لينا غير فرنسا.... إلى نابولي إيطاليا... يتبع
الان نحن بالطائرة المتجهة من إسطنبول إلى باريس وصلنا مطار شارل دي جول والمطار كبير كييييك وشنطنا على ظهرنا وبندور على البوابه اللي بتطلع على موقف أتوبيس رقم 591الي بيودي للفندق ومشينا في المطار اد تلت ساعه لحد ما لقينا أبواب كتير قولت اسئل حد من مكاتب شركات السياحة داخل المطار لقيت شابه فرنسية سمراء سئلتها قالتلي الأتوبيس بيقف قدام بوابة B12 على ما اتذكر وهي قالتلي بلدك ايه فندقك فين وقولتلها على اسم المنطقة قالتلي أتوبيس رقم 591 مش بيعدي على فندقك (وه وه يابوي) هي مرت بدري كده ليه.... روحت مطلع الموبيل من جيبي وقولتلها يبقى اكيد خريطة محطات الأتوبيس اللي معايا دي قديمه.. اخدت من الموبايل ورجعت اللي مكتوب وراحت قايلالي انت صح وانا غلط فعلا الأتوبيس بيعدي على منطقة فندقك (وهنا افتكرت اغنية والله وعملوها الرجالة ورفعوا رأس مصر بلدنا).... المهم الست دي حبت تساعدنا جابت خريطة المعالم وهات ياشرح عن أفضل المعالم (تشكر بصراحة) المهم قولنا باي باي. وسبناها ودخلت الحمام في المطار رجعت لاقيت مراتي بتقولى الست الفرنساويه كانت بدور علينا علشان فلوسك المصريه وكارنيه الشغل وقعوا منك... لحظة ذهول مني (ربنا يكرمك يا بطني... مكناش هنعرف نركب حاجه بعد ما نرجع مصر)... المهم ركبنا الأتوبيس ابن الجزمه ده واخد ساعة ونص لحد ما وصلنا قدام الفندق؛ طبعا آمين الشنط في الاوضه ويلا بينا على برج ايفل... محطة المترو جنب الفندق لقيت كشك عليه علامة المترو بسئل البرنس اللي جواه التذكرة اليوميه بكام.. قالي انت سايح.. اه قاللي تذكرة محطات المترو السياحية اليوميه بسبعة يورو... قشطة التنين.. هات تذكرتين قاللي هنا حجز بatm بس لكن ممكن تحجز بفلوس من جوه المحطة.. المهم دخلت المحطة لقيت بنوته فرنسويه ناصعة البياض (حاجه كدة تخليك تندم أن الفرنساويين طلعوا من مصر).. المهم أيتها 50يورو وعاوز تذكرتين يوميتين.. لقيتها مرجعالي 6 يورو بس وبتقولي التذكرة ب22 اليورو (واحدة. احييييه اسكندراني على واحدة لقد وقعنا في الفخ بتاعة عادل امام) وانا اقولها انتي متأكدة تقولي ايوة ببص لقيت واقف وراها الراجل اللي سئلته برة عن سعر التذكرة شورتلها عليه وقولتلها اسئليه وعرفت منه قصدي.. ورجعتلي باقي الفلوس والتذكرتين ب14يورو بس(أدى أخرت البصبصة)... المهم روحنا برج ايفل وقوس النصر والساكري كير وجيت اروح ساحة الكونكورد... لازم أوضح (المترو في باريس 16 خط.... قطارات المترو تنقسم الا ثلاث انواع مترو كلاسيكي وده عربياته تحس انها من أفلام ابيض واسود لكنها جميلة ومزينه.. مترو عادي جدا عامل زي قطار الأقاليم وحش. وتروح القاهرة برقبته... ومترو حديث. ودا عربياته مفتوحه على بعض كأنها عربيه واحدة ومغلق جيدا ومكيف ويعمل اتوماتيكي بدون سائق اه والله المهم ركبت انا والمدام لحد ما اكتشفنا اننا في الإتجاه الغلط وفاضل محطتين.. وبالحس المصري الأصيل قولت نركبه للآخر ونرجع معاه دخلنا المحطة اللي بعدها لقينا الاذاعه الداخليه للقطار بتغيير كلام بالفرنساوي بعد كدة قالت(next station is last station please leave the train) الكلام واضح اهو لقيت كل المترو نزل ماعدا جوز الابطال اللي انا واحد منهم لحظة وباب المترو قفل والمترو اتحرك ساب المحطة وراح وقف الاقي من ورا الشباك من ناحيتين طوب احمر بعد كده اسمعلك تشش صوت المحركات بيطفي قولت اه دا باين عليه بيجرش أو اوينهار اسود لو اللي بفكر فيه ده صحيح (مدام كل حاجه هنا اتوماتيك يبقى القطار هيدخل يتنظف اتوماتيك ومدافع الميه والرغوي هتغرقنا طيب انا استحمل والمسكينه اللي جنبي دي ذنبها ايه) 9 دقايق عدووا عليا 7 ساعات وانا خيالي مشوه لحد ما اتحرك تاني ودخلنا على المحطة الأخيرة واستعدت انفاسي وكملت باقي الفسحه وروحنا الفندق بليل.... بكرة جايلك يا ايطاليا ظبطت المنبه الساعه 5الصبح عشان اركب أتوبيس 591اللي رايح المطار معاه الساعه 5.55 المنبه مرنش لاني ظبطته 5بس بليل عادي جدا صحيت لقيت الساعه 5.35 لبسنا ولمينا الشنط وطبعا ملحقناش الاتوبيسبراجع مواعيد الأتوبيس لقيت الميعاد اللي بعده كان بعد ربع ساعة ركبنا واخد أقل من ساعه في الوصول لأن الشوارع كانت فاضيه جدا..... دخلنا المطار وصلنا لمكان easy Jet تم قياس أبعاد شنطنا ادونا البوردنج دخلنا على الاكس راي.. اخدوا مننا كل المعلبات اللي فيها سوائل وزنها أكثر من 50جرام وده لأن الشنط هتبقي معانا مش في بطن الطيارة..... الجزء الأسوء جي لقيت تلاته داخليين عليا 2 رجالة بيض ضخام وواحدة بنت سمراء والبنت بتطلعلي كارنيه مكتوب بالفرنسي قولتلها كلميني انجليزي قالتلي انت معاك 10000 يورو قولتلها مرة اه ومرة لا عادت السؤال تاني بصيتلها بصه حادة وقولتلها هذا ليس من شأنك انتي مش بوليس المصري معروف بجبروته راحت بصالي بقرف وطلعتلي الكارنيه تاني وقالتلي انا بوليس وبات مان اللي معاها لقيته شاور على مسدس في بنطلونه... امانه لله انا شفت المسدس مكنتش عارف اعيط من فوق ولا من تحت.. المهم قولتهم انا بحترم شغلكم وانا بشتغل في مطار القاهرة وطلعت لهم الكارنيه اللي وقع مني امبارح وعارف اني لازم اتعاون معاكم وشافوا تذاكر سفرنا وباسبورتنا وفتحوا الشنط الخاوية من المعلبات وفتشونا وقالوا لي دا شغلنا واحنا اتعاملنا معاكم بكل أدب ونتمنى ليكوا رحلة سعيدة.... وهو احنا لينا غير فرنسا.... إلى نابولي إيطاليا... يتبع