W
Wessam Salman
:: مسافر ::
طيب بما إن البوست فيه فتي كتير وأنا قلبي الصغير لا يحتمل. الطالب في الجامعة الحكومية بيكلف الدولة فلوس، كونه حاجز مكان أصلا هو تكلفه، وعشان كده الجامعات بتخرج كل سنه علي أد ما تقدر، مش لان الطلبه دي يستحقوا التخرج أو لوجه الله مثلا انما عشان تخلص منهم وتوسع سكه للي جاي. ولو كل واحد دخل الجامعه وقعد ياجل لما لانهاية وهو بيشتغل مثلا وفي نفس الوقت بيعمل إشتراك مترو وإشتراك أتوبيس وبيقعد في بيوت الشباب باسعار مخفضة لمده تلاتين سنه (ما هو طالب بقى) مش هنخلص ومش منطقي متهيالي!!! التاجيل يا إما يكون لظروف صحية عضوية أو نفسية لمده محددة (بشهادة من مستشفي حكومي ويفضل مستشفي الطلبة) أو لرعاية طفل ودي الأسباب الإجتماعية للطالبه المتجوزه. و بس كده للجامعات الحكومية أما لو حد في دكان من دكاكين التعليم الخاص فدي معرفشي ظروفها وإن كان بالمنطق ممكن يقل للابد طالما بيدفع والحسابة بتحسب.