M
Mariam Mohamed Osama
:: مسافر ::
الناس الكتير الي طلبت مني اعمل بوست على مرسى علم
١- مرسى علم بحر فقط بكل اشكاله العالمية
باليل معندكش حل غير حفلات الفندق الي قاعد فيه وبورت غالب لو قريبة منك
٢- لو رحتوا هناك تعملوا حسابكوا علشان متزهقوش تصحوا بدري يعني يوموكوا بيبتدي الساعة ٦ الصبح وبيخلص ٧ باليل
٣- هناك مفيش تاكسي خالص التاكسي من القصير وليموزين الفندق ومفيش حاجة قريبة من التانية يكون احسن لو معاك عربية علشان تروح كل حتة وتنبسط
٤-او هتطلع رحلاتك تبع الشركات الي جوة الفندق ودوّل مستعبطين في أسعارهم وتقدر تفاصل معاهم
٥-هناك البحر كله مليان شعب بس في مناطق مصنفة ان هي محميات وفِي مناطق لا
٦-مرسى علم بتبتدي من بعد القصير علطول لكن مدينة مرسى علم السكنية بعد القصير بحوالي ساعتين والقصير بردو بلد جميلة بس انا بعشق تراب مرسى علم واي حاجة ليها علاقة بيها
٧-مرسى علم اول منطقة فيها ومفضلة بالنسبة لية منطقة محمية ابو ضباب او ابو دباب
المكان ده عبارة عن منطقة شعب هلالية اتصنفت من كذا سنة من احسن شواطئ العالم
*في فندقين بس جوة المنطقة دي
المليكية وهيلتون نوبيان مرسى علم ودلوقت الليلة عاملة حوالي ٩٥٠ جنيه all inclusive في الغرفة الدبل
٨-ولو نازل في فندق غير ال٢ دول في مدخل هناك عن طريق شاطئ بيعملوا فيه حفلات باليل بتقطع تذكرة الصبح وتنزل
٩-في المكان ده في بيت السلاحف في اخر الهلال من عند فندق المليكية ولو حظك حلو هتشوف الsea caw او جاموس البحر
اما بالنسبة للسمك والشعب فإنت بتشوفها اول ماتحط رجلك في المية عالم تاني غير اي مكان بحر نزلته في العالم
١٠-في هناك ظاهرة مش موجودة في مصر كلها اسمها شجر المنجروف ده شجر بيطلع في المياه المالحة
١١- في شاطئ المنجروف هناك وطول الطريق في مناطق كتير فيها الشجر ده مش هتحس انك في مصر
١٢-بعد مدينة مرسى علم محمية وادي الجمال دي محمية صحراوية وبحرية بتشتهر بوجود الجمال فيها بس حاليا بقوا بيعملوا سوق جمال فيها كل شهر فمش هتشوف حيوانات صحراوية كتير
١٣- اماالناحية المائية في المحمية هتلاقي كذا حاجة منها ١٤- شاطئ حنكوراب
١٥- محمية حماطة
١٦-ومرسى نيزك
١٧-وستايا اوسطايح (بيت الدولفين)
واي بقعة مائية هناك ليها اسم ومعظمهم محميات وتحس انك في الجنة
١٨-في منطقة وادي لحمي دي جنب وادي الجمال وجنب
١٩-محمية برنيس وبينها وبين
٢٠-محمية جبل علبة ومثلث حلايب حوالي ساعتين
٢١- الي عايز يروح المحمية لازم قبلها يكون واخد تصاريح علشان الدخول
٢٢-وفِي جزيرة هناك اسمها جزيرة سيال بيبيض فيها طيور النورس والطيور المهاجرة وسط أشجار المنجروف انا بفضل فندق أزور وادي لحمي هناك هو ٣ نجوم بس قريب من كل حاجة لو انت غاوي تنطيط الليلة اليومين دول حوالي ٤٥٠ جنيه في الغرفة الدبل
******وقبل اي حاجة في دول يكون معاك واقي من الشمس (sun block) علشان متولعوش من المية وتقفلوا باب غرفكوا كويس ومتنسوش البيبان بتاعة التراس مفتوحة علشان هناك حشرات مرعبة زي العنكبوت الكبير الي بشعر وابراص عملاقة (جو صحراء)
اتمنى اكون افادتكوا اسفة مش عندي صور احطها علشان بفصمن كل انواع التكنولوجيا اول ما أوصل هناك
في طبعاً فنادق تانية كتير هناك
الي غاوي اكوا بارك في فندق أكاسيا بعد القصير في فنادق زي تيوليب مهتمين بنقطة شهر العسل وفِي فنادق ريستا ريف وريستا جاردن أسعارهم معقولة
*نصيحة متحجزش عن طريق شركة سياحة او بوكنج هتوفر كتير لو اتصلت بالفندق وطلبت مكتب المبيعات وسألت على سعر وخصوصاً لو انتوا اكتر من غرفة
وشكراً
١- مرسى علم بحر فقط بكل اشكاله العالمية
باليل معندكش حل غير حفلات الفندق الي قاعد فيه وبورت غالب لو قريبة منك
٢- لو رحتوا هناك تعملوا حسابكوا علشان متزهقوش تصحوا بدري يعني يوموكوا بيبتدي الساعة ٦ الصبح وبيخلص ٧ باليل
٣- هناك مفيش تاكسي خالص التاكسي من القصير وليموزين الفندق ومفيش حاجة قريبة من التانية يكون احسن لو معاك عربية علشان تروح كل حتة وتنبسط
٤-او هتطلع رحلاتك تبع الشركات الي جوة الفندق ودوّل مستعبطين في أسعارهم وتقدر تفاصل معاهم
٥-هناك البحر كله مليان شعب بس في مناطق مصنفة ان هي محميات وفِي مناطق لا
٦-مرسى علم بتبتدي من بعد القصير علطول لكن مدينة مرسى علم السكنية بعد القصير بحوالي ساعتين والقصير بردو بلد جميلة بس انا بعشق تراب مرسى علم واي حاجة ليها علاقة بيها
٧-مرسى علم اول منطقة فيها ومفضلة بالنسبة لية منطقة محمية ابو ضباب او ابو دباب
المكان ده عبارة عن منطقة شعب هلالية اتصنفت من كذا سنة من احسن شواطئ العالم
*في فندقين بس جوة المنطقة دي
المليكية وهيلتون نوبيان مرسى علم ودلوقت الليلة عاملة حوالي ٩٥٠ جنيه all inclusive في الغرفة الدبل
٨-ولو نازل في فندق غير ال٢ دول في مدخل هناك عن طريق شاطئ بيعملوا فيه حفلات باليل بتقطع تذكرة الصبح وتنزل
٩-في المكان ده في بيت السلاحف في اخر الهلال من عند فندق المليكية ولو حظك حلو هتشوف الsea caw او جاموس البحر
اما بالنسبة للسمك والشعب فإنت بتشوفها اول ماتحط رجلك في المية عالم تاني غير اي مكان بحر نزلته في العالم
١٠-في هناك ظاهرة مش موجودة في مصر كلها اسمها شجر المنجروف ده شجر بيطلع في المياه المالحة
١١- في شاطئ المنجروف هناك وطول الطريق في مناطق كتير فيها الشجر ده مش هتحس انك في مصر
١٢-بعد مدينة مرسى علم محمية وادي الجمال دي محمية صحراوية وبحرية بتشتهر بوجود الجمال فيها بس حاليا بقوا بيعملوا سوق جمال فيها كل شهر فمش هتشوف حيوانات صحراوية كتير
١٣- اماالناحية المائية في المحمية هتلاقي كذا حاجة منها ١٤- شاطئ حنكوراب
١٥- محمية حماطة
١٦-ومرسى نيزك
١٧-وستايا اوسطايح (بيت الدولفين)
واي بقعة مائية هناك ليها اسم ومعظمهم محميات وتحس انك في الجنة
١٨-في منطقة وادي لحمي دي جنب وادي الجمال وجنب
١٩-محمية برنيس وبينها وبين
٢٠-محمية جبل علبة ومثلث حلايب حوالي ساعتين
٢١- الي عايز يروح المحمية لازم قبلها يكون واخد تصاريح علشان الدخول
٢٢-وفِي جزيرة هناك اسمها جزيرة سيال بيبيض فيها طيور النورس والطيور المهاجرة وسط أشجار المنجروف انا بفضل فندق أزور وادي لحمي هناك هو ٣ نجوم بس قريب من كل حاجة لو انت غاوي تنطيط الليلة اليومين دول حوالي ٤٥٠ جنيه في الغرفة الدبل
******وقبل اي حاجة في دول يكون معاك واقي من الشمس (sun block) علشان متولعوش من المية وتقفلوا باب غرفكوا كويس ومتنسوش البيبان بتاعة التراس مفتوحة علشان هناك حشرات مرعبة زي العنكبوت الكبير الي بشعر وابراص عملاقة (جو صحراء)
اتمنى اكون افادتكوا اسفة مش عندي صور احطها علشان بفصمن كل انواع التكنولوجيا اول ما أوصل هناك
في طبعاً فنادق تانية كتير هناك
الي غاوي اكوا بارك في فندق أكاسيا بعد القصير في فنادق زي تيوليب مهتمين بنقطة شهر العسل وفِي فنادق ريستا ريف وريستا جاردن أسعارهم معقولة
*نصيحة متحجزش عن طريق شركة سياحة او بوكنج هتوفر كتير لو اتصلت بالفندق وطلبت مكتب المبيعات وسألت على سعر وخصوصاً لو انتوا اكتر من غرفة
وشكراً