أنا حرفياً محتاجة كل واحد يديني رأيه عشان...

[Hagar Ahmed]

أنا حرفياً محتاجة كل واحد يديني رأيه عشان إحساس التوهان ده نيلة
عايزة أعرف رأي و تجربة الناس إلس سفروا لوحدهم. قصدي من غير شركة سياحة. عملوا إزاي program الرحلة و إزاي أضمن إني متوهش و انشرد في أوروبا. و كمان هل أفضل ليا بما إني أول مرك أسافر خارج حدود مصر إني أسافر مع فوج و لا اعمل ايه. معنديش معلومات حتى ازاي اعمل program إني بعد ما وصلت البلد دي أبدأ ب ايه.
أرجوا الإفادة

 

[Ahmed Hasan]

الاحسن طبعا تشوفي حد سافر قبل كده و تروحي معاه
قولي عاوزة تروحي بلاد ايه و احنا نساعد

 

[Mohammed Salem]

عندك وقت تسمعي

 

[Yasmina SH]

لازم يكون معاكي إنترنت ونزلي google maps ونزلي كمان TripAdvisor واحجزي من البوكينج وتذاكر الطيران من الانترنت ...

 

[Maha Abd El Barry]

مستحيل تتوهى لو معاكى نت هناك .. و البرنامج سهل تعمليه من على visit a city

 

[Mohammed Salem]

شوفي الموضوع سهل
انا بعمله حاليا اول مره اسافر أوربا و لوحدي و عايش و بتبسط الموضوع كل اللي هتحتاجيه نت مش اكتر من كده برامج هتنزليه و تشتغلي عليه هو و الجوجل مآب و الجوجل مآب في أوربا مظبوط

 

[Morgana Kader]

انا كمان خايفه من انى اروح واجازف

 

[Aya Salim]

Download visit A city app will help you

 

[Khaled Alaadin]

الموضوع يطول الكلام فيه جدا, انا واحد من الناس لحد سنتين فاتو كانت معلوماتي ضئيلة جدا انما بحبة قراية كتير وصلت لمعلومات مفيدة جدا و في سنتين رحت 5 دول من تنظيمي لوحدي, سافر معايا مراتي و صحابي و ساعدت صحاب كتير يسافروا منهم اللي دلوقتي في المانيا , الموضوع مافهوش اي مجازفة, شوية ترتيبات و كل حاجة بتبقي تمام و اوفر علي الاقل 50% من شركات السياحة, لو فيه سؤال محدد قوليلي عليه و اقولك ممكن تعملي ايه

 

[شيماء علي مراد]

انا لسة كنت في اسبانيا
اول سفر سياحة برة مصر

و عملت كله كله لوحدي تمام و كانا رحلة رائعة
و برنامج مظبوط

مبدئيا محتاج وقت
يعني بما انها اول مرة
محتاج تبدا تخطيط قبل الرحلة ب ٤-٦ شهور

و محتاج ورق كتيييير
تتابع الجروب هنا كتير
و سكرين شوتس كتيييير
و جوجل سيرش

 

[No Ur]

الموضوع مش بيخلص فى كومنت
بصى اختصاراً للوقت
معاكى موبايلك وكام ابليكشن وخلص الموضوع
هتختارى البلد اللى عايزة تروحيها هتقدمى عليها تجيلك الفيزا .. تمسكى لاب توب بقى و تعملى سيرش وتكتبى فى نوت بوك كل الاماكن اللى نفسك تزوريها كتبتيهم وتمام
هتحجزى الاوتيل
وانتى هنا هتكتبى اسم الاوتيل فى جوجل و تحددى انك هتروحيه من مطار وصول البلد اللى ريحاها .. هيجبلك هتركبى ايه بالظبط و مواعيدهم كمان هتنزلى من المطار تمشى على الوصفة توصلى الاوتيل بالسلامة
تحطى شنطتك وتنزلى تكتشفى المنطقة حوالين الاوتيل وتكونى اخدتى كارت من الاوتيل بعنوانه علشان لو توهتى
قبل ما تنامى هتمسكى ورقة البرنامج اللى كنتى كتباها وانتى فى مصر وتحددى الاماكن اللى عايزة تروحيها وتكتبى فى جوجل وتكتبى الاتجاه من الاوتيل هيقولك تركبى ايه وكل حاجة بارقامها تاخديها سكرين شوت حلو
وبعد ما تكونى ظبطتى تلت ولا اربع مناطق بنفس الطريقة تعملى بقى العودة للاوتيل من اخر مكان هتكونى فيه وهتمشى على الوصفة وهتوصلى الاوتيل بالسلامة بردو
دى طريقة ال safe side اللى بزيادة بس انا شايفة انه التوهان حلو
كل الموضوع اينجلش حلو و موبايل وكام ابليكشن وخلاص
والناس برة بتساعد اووووى
انا اول مرة واحدة اجنبية سابت اللى وراها وفضلت واقفة معايا ساعة الا ربع علشان موبايلى كان فاصل شحن وقافلين الطرق ومسبتنيش غير لما ساعدتنى وقبل كدة واحد كندى قبلته فى فرنسا قالى هوصلك مكانك الاول وبعد كدة هروح مكانى
الناس حلوة هناك بتساعد جداً

 

[Muhammad Abdel Rahman]

1- Google flights for getting cheap tickets
2- Hostelworld and booking to get cheap accommodation
3- Trip advisor to know where to go and points of interest in every city
4- Google maps to know how to reach your points of interest
5- Couch surfing to meet with locals and get to know the culture

 

[Ahmed Img]

شعور طبيعي لأي حد سافر لوحده اول مره.. في الاول مش عارفه ايه الأماكن اللي تزوريها.. نزلي visitacity وشوفي الtop sights وادخلي على اليوتيوب وشوفي ليها فيديوهات.. ومتخفيش محدش بيتوه.. عليكي وعلى Google maps والأهم انك تكوني منزله الأماكن اللي هتزوريها اوفلاين..أغلب المدن المشهوره هتلاقي ليها city transportation map على الموبايل هتفيدك في المواصلات ومهم جدا يبقى معاكي خريطة ورق...و لو مش عايزه تبقى لوحدك على طول فى طرق كتير تتعرفي بيها على ناس زيك.. انزلي في هوستيلز واختاري مكان على الأقل جنب محطه مترو أو أتوبيس هتقابلي هناك ناس كتير زيك.. نزلي couchsurfing أو meetup على الموبايل وهتلاقي ناس مسافره في نفس مواعيدك وبتدور على صحبه.. روحي free tours منها تتعرفي على المعالم بشكل سريع وتتعرفي على الناس هناك (هي free tours بس بتدفعي تبس انتي وتقديرك).. الموضوع مش مرعب اكتر من شعورك وانتي رايحه الجامعه اول مره

 

[Somaia Hussein]

Amna Hussain

 

[Khaled M. Hassan]

انا بسافر دايما لوحدي
اختاري فندق جنب محطة مترو او باص
احفظي اللوكيشن بتاعه
اي مكان هتروحي هتشوفي علي النت اقرب محطة مترو
لو توهتي في اي مكان دوري في جوجل ماب علي اقرب محطة مترو
اهم حاجة انك اول ماتنزلي من الطيارة و انتي في المطار اشتري خط تليفون و فيه انترنت ده هيساعدك كتير جدا

 

[Passant Wael]

خديني معاكي وهقولك

 

[Mahy Taher]

دوري على جوجل على معالم البلد و شوفي ايه الحاجات اللي عاوزة تروحيها و اعملي ليست و لما تروحي تسألي في الاوتيل على المواصلات او ممكن بردة تعرفيها من النت و معاكي على موبايلك google maps, trip advisor و ان شاء الله تتبسطي. 4ي كمان ع اليوتيوب فيديوهات كتير عن السفر و معالم بلاد كتير. انت مسافرة دولة ايه؟ اخدتي التأشيرة؟؟!

 

[Hebaa Allh Monji]

قبل ما نسافر جوجل ونشوف معالم المشهوره في البلد جوجل دا نعمه من نعم ربنا والله
ولما بنروح المطار بيبقي فيه خرائط للبلد
Trip advisor شي لطيف جداا
الhup in hup out الباص بيشرح كل حاجه طول الرحله وبيلف بيكي معالم البلد
ولو من غيره اعرفي شبكه المواصلات بس في البلد اللي رايحاه والدنيا هتبقي زي الفل

 

[Dalia Hussien El-araby]

في برامج زي زاد المسافر بتشرح خطوه بخطوه وفي مواقع زي المسافرون العرب بتكون مفيده بس قبل ماتسافر تدخل تعملsearch كويس وتعمل برنامج للايام اللي قاعدها بالضبط علشان ماتضيعش ولا يوم في الرحله لازم تتعب في التخطيط

 

[Maged Zarief]

لو حضرتك مسافرة لوحدك خالص من غير اصحاب ولا قرايب يفضّل شركة سياحة بتبقى احسن ولو معاكى شخص واحد بس فى أوروبا يبقى لوحدكم أفضل