ممكن أعدي من المطار للبنان من غير ٢٠٠٠ دولار ؟...

[Aml Hilmi]

ممكن أعدي من المطار للبنان من غير ٢٠٠٠ دولار ؟
باسبوري صيدلانيه

 

[Moutaz Mohamed]

لا يكون معاك فيزا لبنان او ٢٠٠٠ دولار

 

[Aml Hilmi]

يعني الظابط بيطلب يشوف الفلوس ؟

 

[Elsayed Elshamy]

اه بيطلب

 

[Kholoud Hassan]

طيب 2000 دولار بيشوفوها بس مش بيخدو حاجة

 

[Mohamed Zedan]

فى الاغلب بيشوفها بس مش بيعدهم
بس بلاش مجازفة دى دولة تانية وترحيل ووجع قلب

 

[Mohamed Sayed]

صعب

 

[Fady Bernaba]

لا مش هيطلعوك من مصر اصلا

 

[Fady Bernaba]

الفلوس دي بيشفوها فمطار القاهره مش في لبنان

 

[Mohammad Omran]

نصيحه منى بلاش تسيبى حاجه للحظ او الظروف .. دا سفر و تعب بهدله .. تخيلى رجعوكى من مطار القاهره او الاسوء مطار بيروت .. متديش فرصه لحد يتنطط عليكى .. البنك ممكن يديلك $ بالتذكره فقط لان لبنان بدون فيزا و هما عارفين كدا كويس .. و كملى من الصرافات او اى حد بيبيع اصلا مش هيبقى فى فرق اكتر من ربع جنيه يعنى مفيش سوق سوده تقريبا .. و لو قفلت معاكى قوى استلفيهم من اى حد .. المهم متسافريش من غير فيزا او 2000 $

 

[Aml Hilmi]

شكرا يا جماعه علي ردودكم
شكرا ❤

 

[Zahrat Elyasmin]

وبالنسبه لضابط الاتصال اللى بممجمع التحرير مش بتخدى منه موافقه

 

[Mohammad Omran]

لو عايزه رخصه دولى ممكن اطلعلك واحده من امريكا .. حاجه شيك و محترمه و مقبوله ى كل دول العالم و صلاحيه 10 سنين ب 150 $ (فقط صوره الباسبور و صوره الرخصه المحليه و هسلمهاك فى مصر بعد اسبوعين ان شاء الله)

 

[Dina Almorsi Salem]

لازم ال 2000 دولار او عالاقل 500 و معاكي كريدت كارد يغطي الباقي بدل ما يرجعوكي متسيبهاش للظروف

 

[Nemo Mohamed]

بلاش مجازفه علشان هترجعي من المطار
ليكون معاكي فيزا
او 2000 دولار
انا شفت بنفسي كذا حد رجع علي نفس الطياره علشان السبب ده

 

[Dina Almorsi Salem]

و الفيزا بتاخد وقت عالاقل شهر

 

[Nardin Nazmy]

الفلوس هيسألوكى عليها فى مطار القاهرة و فى لبنان...انا سألونى معاكى ٢٠٠٠ دولار بس مشفوهمش بس ده بالحظ ساعات كتير بيشفوهم بلاش تسيبيها للظروف ممكن يرجعوكى.