M
Mahmoud Samir Bedair
:: مسافر ::
دولة اوروبية غريبه جدا
تاريخها عريق لكن ثقافتها منقسمة تماما ,ثنائية اللغه رسميا(الهولندية و الفرنسية)مع بعض متحدثى الالمانية و شعبها منقسم 3 شعوب.
مشهورة بانها بلد الألماظ و افضل منتج للشيكولاته فى العالم واللى مجربش الشيكولاته البلجيكيه فاته كتير.
18 - بلجيكا
التنوع العرقى واللغوى فى بلجيكا انعكس على تاريخ من الصراعات و الحروب خصوصا فى الحربين العالميتين. ويمكن ده كان سبب انها خدت سمعة ان البلجيكيين من اكتر الشعوب عنصرية فى العالم. النهارده بلجيكا عشان توفق بين الاعراق المتنوعه عندها نظام حكم غريب جدا مكون من خمس حكومات منفصلة و حكومه فيدرالية مشرفه عليهم. ومع ذلك الخليط ده اثبت نجاحه و انتج دولة اوروبية قوية جدا وليها دور و حضور فى الاتحاد الاوروبى.
بلجيكا من دول الشينجن. لكنها تعتبر اصعب تاشيرة فى الشينجن بنسبة رفض عاليه جدا مقارنة بباقى دول اوروبا لكن زيارتها سهله لاى حد موجود فى هولندا او فرنسا او المانيا اللى مشتركين معاها فى الحدود بالاضافة الى لوكسمبورج.
خلونا نتكلم بقى عن بلجيكا سياحيا.بلجيكا فيها جوهره اوروبيه من اجمل المدن القديمة فى العالم
بروج Brugge اللى اليونسكو مصنفها من التراث العالمى.
مدينة قديمة جدا و محتفظة بنفس الشكل و الطابع من مئات السنين.يكفى انك تمشي فى الشوارع العادية فيها اللى مفيهاش عربيات خالص عشان تحس انك فجأه انتقلت لزمن تانى.
البيوت الحجرية الجميله و الشوارع المرصوفة بالاحجار و الطبيعه الجميله والكنايس القديمة والقنوات اللى فيها الجندولا زى مدينة البندقية و بحيرة من اجمل بحيرات اوروبا.
بروج فعلا تجربة و من اجمل المدن فى العالم وجوها رائع اللى مراحهاش لازم يروحها علما ان فى رحلات يومية مخصوصه ليها من عواصم اوروبا المحيطة زى امستردام و باريس.
بعد بروج على طول لازم نذكر مدينة جنت Gent اللى فيها نفس الطابع الهولندى القنوات و المبانى المحيطة بيها بالاضافة للقلاع و الكنايس القديمة . جنت مدينة جميله جدا اللى يروحها لازم يزور السيتي سنتر و قلعة جرافنستين و كاتدرائية القديس بافو بالاضافة طبعا لنزهه نهرية فى القنوات بتاعت جنت.
انتورب Antwerp مدينة ااكثر حداثه وان كانت برضه محتفظة زى باقى مدن بلجيكا بالطابع الاوروبى القديم . انتورب عاصمة الالماظ فى العالم وفيها بدأت صناعة و تجارة الالماظ اللى مسيطرين على تجارته حاليا اليهود البلجيكيين و الهنود المهاجرين. فيها نهر شيلده الجميل و معالم كتير و بنايات ليها طابع خاص.
و اخيرا العاصمة بروكسل اللى ناس كتير شايفاها اقل سياحيا لكن يمكن ده لانها العاصمة و طبيعي ان العواصم تكون مملة لكنن برضه فيها معالم سياحيه مهمه كتير.
الميزه فى بلجيكا صغر مساحتها و ده يسهل زيارة الاماكن دى كلها و برضه قربها من عواصم اوروبيه كتير زى باريس و امستردام.
اللى يزور بلجيكا لازم يشترى شوكلاته كتير حتى لو بألافات مش حتندموا و متنسوش تزوروا متاحف الشوكلاته اللى فى كل مكان
باقى الرحلات من هنا
/Traveller experience
حقوق النشر محفوظه B-|
تاريخها عريق لكن ثقافتها منقسمة تماما ,ثنائية اللغه رسميا(الهولندية و الفرنسية)مع بعض متحدثى الالمانية و شعبها منقسم 3 شعوب.
مشهورة بانها بلد الألماظ و افضل منتج للشيكولاته فى العالم واللى مجربش الشيكولاته البلجيكيه فاته كتير.
18 - بلجيكا
التنوع العرقى واللغوى فى بلجيكا انعكس على تاريخ من الصراعات و الحروب خصوصا فى الحربين العالميتين. ويمكن ده كان سبب انها خدت سمعة ان البلجيكيين من اكتر الشعوب عنصرية فى العالم. النهارده بلجيكا عشان توفق بين الاعراق المتنوعه عندها نظام حكم غريب جدا مكون من خمس حكومات منفصلة و حكومه فيدرالية مشرفه عليهم. ومع ذلك الخليط ده اثبت نجاحه و انتج دولة اوروبية قوية جدا وليها دور و حضور فى الاتحاد الاوروبى.
بلجيكا من دول الشينجن. لكنها تعتبر اصعب تاشيرة فى الشينجن بنسبة رفض عاليه جدا مقارنة بباقى دول اوروبا لكن زيارتها سهله لاى حد موجود فى هولندا او فرنسا او المانيا اللى مشتركين معاها فى الحدود بالاضافة الى لوكسمبورج.
خلونا نتكلم بقى عن بلجيكا سياحيا.بلجيكا فيها جوهره اوروبيه من اجمل المدن القديمة فى العالم
بروج Brugge اللى اليونسكو مصنفها من التراث العالمى.
مدينة قديمة جدا و محتفظة بنفس الشكل و الطابع من مئات السنين.يكفى انك تمشي فى الشوارع العادية فيها اللى مفيهاش عربيات خالص عشان تحس انك فجأه انتقلت لزمن تانى.
البيوت الحجرية الجميله و الشوارع المرصوفة بالاحجار و الطبيعه الجميله والكنايس القديمة والقنوات اللى فيها الجندولا زى مدينة البندقية و بحيرة من اجمل بحيرات اوروبا.
بروج فعلا تجربة و من اجمل المدن فى العالم وجوها رائع اللى مراحهاش لازم يروحها علما ان فى رحلات يومية مخصوصه ليها من عواصم اوروبا المحيطة زى امستردام و باريس.
بعد بروج على طول لازم نذكر مدينة جنت Gent اللى فيها نفس الطابع الهولندى القنوات و المبانى المحيطة بيها بالاضافة للقلاع و الكنايس القديمة . جنت مدينة جميله جدا اللى يروحها لازم يزور السيتي سنتر و قلعة جرافنستين و كاتدرائية القديس بافو بالاضافة طبعا لنزهه نهرية فى القنوات بتاعت جنت.
انتورب Antwerp مدينة ااكثر حداثه وان كانت برضه محتفظة زى باقى مدن بلجيكا بالطابع الاوروبى القديم . انتورب عاصمة الالماظ فى العالم وفيها بدأت صناعة و تجارة الالماظ اللى مسيطرين على تجارته حاليا اليهود البلجيكيين و الهنود المهاجرين. فيها نهر شيلده الجميل و معالم كتير و بنايات ليها طابع خاص.
و اخيرا العاصمة بروكسل اللى ناس كتير شايفاها اقل سياحيا لكن يمكن ده لانها العاصمة و طبيعي ان العواصم تكون مملة لكنن برضه فيها معالم سياحيه مهمه كتير.
الميزه فى بلجيكا صغر مساحتها و ده يسهل زيارة الاماكن دى كلها و برضه قربها من عواصم اوروبيه كتير زى باريس و امستردام.
اللى يزور بلجيكا لازم يشترى شوكلاته كتير حتى لو بألافات مش حتندموا و متنسوش تزوروا متاحف الشوكلاته اللى فى كل مكان
باقى الرحلات من هنا
/Traveller experience
حقوق النشر محفوظه B-|
