انا اول تجربه ليا و محتاج مساعده كنت بحاول...

[Mido Kan]

انا اول تجربه ليا و محتاج مساعده
كنت بحاول احجز من مصر لاوكرانيا في اول اسبوعين يوليو ذهاب و عوده و هرجع اول اسبوع في ستمبر
بدور علي برامج سكاي سكانر و شيب فلايتس
مش لاقي غير الايطاليه و النمساويه و التركيه
عايز اعرف انا كدا هحتاج فيزا شنجن و لا هتحصل مشكله و مش هطلع من مصر اصلا بالنسبه للايطاليه و النمساويه
و لو حجزت عالتركيه هحتاج فيزا ترانزيت و كمان تصريح امني ؟
ولو حد يعرف خطوط تانيه بنفس الاسعار ياريت يقترحها
معلش اساله كتير لانها اول سفريه ليا و شكرا مقدما

 

[Yasser Omar]

انت مش هتخرج من المطار ودي لا تعتبر زيارة علشان تحتاج فيزا .. فيه بعض الدول بتطلب فيزا للترانزيت زي إنجلترا بس الدول اللي قلتها دي كلها مش بتطلب فيزا ترانزيت
اتكل على الله متخافش

 

[Mohab Reda]

مفيش غير التركيه ، اي ترانزيت تاني في دوله من دول الشنجن مش هيسمحولك بيه . و لو هتنزل ترانزيت في مطار اسطنبول مش اقل من ٣ ساعات علشان الطيارة التانيه متروحش عليك ، لان بيكون فيه طابور طويل جدا بعد الوصول لل ( security check ) علشان تطلع لصاله الترانزيت فوق و محدش هيسأل فيك و لازم تقف في الطابور علشان تطلع فوق .