محتاجه مساعدتكم ضروري.... كل الي سافرو الهند...

  • بادئ الموضوع بادئ الموضوع Esraa Mohamed
  • تاريخ البدء تاريخ البدء
عرض العطلة
E

Esraa Mohamed

:: مسافر ::
#1
محتاجه مساعدتكم ضروري.... كل الي سافرو الهند يجمعو هنااا.... عايزه اسافر الهند بس في حاجات خايفه منها جدا... اولا انا هروح مومباي بيقولو البلد وحشه جدا و رطوبه عاليا اوي اكل مش نضيف و حراميا كتير ممكن يتنصب علينا مع العلم هيبقا معنا هنود صحابنا هناك ... ثانيا انا معايا بيبي سنه و نص.... هل في خطر عليه هنا من ناحيه الجو مثلا و خايفه جدا من موضوع الاكل ده مش عارفه هو ممكن ياكل ايه هنا .... ثالثا... انا هاخد طيران مباشر من مصر لمومباي ممكن تقولولي ازاي احدد الفندق المناسب و مش عايزه تبقا التكلفه عاليه اوي برضو........ لاني رايحه شغل...... ياريت بجد الي سافرو الهند ينصحوني اعمل ايه.... و انا هسافر بعد العيد هل فعلا لو حجزت التيكيت بدري هيبقا ارخص ؟؟؟ على فكره دي اول تجربه سفر بره مصر....... و قلقانه جدا
s3AdwyLmcWlchzmT0-cAj_Y3zPRAKGTE.jpeg
 
#2
انا روحت دلهي ، البلد لطيفه خالص لما روحت كانت لسه اواخر الشتا فكان الجو لطيف لكن دلوقتي الحرارة عندهم في رينج ٣٨ ل ٤٢ ده في دلهي
مومباي أنضف من دلهي كمدينة لانها تعتبر العاصمة الأقتصادية
بالنسبة للحراميه فخلي بالك علي شنطتك وموبايلك والدنيا هتبقي تمام الوضع مش سئ زي مانتي متخيلة
اما عن النصب فمتقلقيش ، هما عملتهم رخيصه اوي مقارنه بالدولار ، وانا هناك تقريبا كان الدولار ب ٦٠ روبي فمثلا هتلاقي التوكتوك بياخد منك ١٢٠ روبي في عشر دقايق بالمناسبة التكاتك هي وسيله المواصلات الاوسع انتشارا هناك زي التاكسي عندنا
بالنسبة للأكل الصراحه هما أكلهم وحش جدا وبيحبوا الصوص أد عنيهم وطبعا حرااااق جدا ، بس ممكن تروحي مطاعم بتعمل أكل غربي هتلاقي فيها الاكل اللي متعودين عليه
 
#3
بصى انا مسافرتش الهند غير ترانزيت لاكن اولا بحكم انى عايشه فى وسطهم عشر سنين هما زينا بالظبط من ناحيه فى الحراميه والفقرا والدكاتره والهاى كلاس والعاديين ، اقصد يعنى ناس عاديين زي المصريين! ثانيا بقه من ناحيه التذاكر طبعا احجزى من بدرى والاكل ممكن جدا تاكلى ابنك فاكهه وزبادى وبسكويت وعصاير وحاجات خفيفه ، أكلهم طبيخ معظمه حار وبريانى وده رز مع لحمه او خضار او سمك او فراخ دى الاكله الشعبيه هناك ، اما بالنسبه للجو ادخلى شوفى درجه الحراره من اى ابليكيشن ومتقلقيش فى اماكن مكيفه طبعا ، اصحابى راحوا الهند كتير محدش اشتكى من حاجه الناس طيبه وفى حالها اخر حاجه بالنسبه للفندق ، لازم تشوفى هتقعدى فين والمشاوير بتاعتك مثلا هتكون فين اختارى حاجه جنبها او فى وسط المدينة علشان ميكونش مكان متطرف وبعيد عن الخدمات وتكون المواصلات كلها حواليكى، اخيرا تروحى بالسلامه انت والبيبى متقلقيش خالص وان شاء الله تتوفقى فى السفريه ، والناس أصحابك الى هناك ممكن يساعدوكى فى مكان الفندق ادخلى على تيريفاجو او بوكينج ودخلى التاريخ وشوفى الأسعار موفقه
 
#4
طيب بعيداً عن كل الأسئلة اللي سألتيها طالما دي اول رحلة ليكي الطيران خارج مصر .... نصيحة ليكي خدي معاكي لبان وانتي طالعة الطيارة واول مالطيارة تتحرك امضغيه ..... علشان الضغط الجوي اول مرة هتحسي ان ودانك عليها ضغط جامد ومش هتبقي سامعه كويس .... فا ماتتخضيش وامضغي كمية لبان كتير بقوة علشان تخركي عضلة فكك وده هيفك الضغط عن طبلة ودنك ..... ورحلة سعيدة بإذن الله
 
عرض العطلة
#8
هتروح موباي برجلك وقاعد ساكت كده اقراء قران :D
موباي اسواء بلد من حيث تلوث الجو و الهند بوجه عام ريحتها سيئه بسبب الرطوبه و كثره التوابل في الاكل
بس عمرك مهتاكل فراخ احلي من الهند ولا هتنبهر بحد زاي الهنود الي قادرين يعيشو في الظروف دي بس عموما متقوتكش كيرلا حيث الطبيعه بقي و لازم اجراء عشان تشوف تاج محل ومش هتاخد هناك اكتر من نهار ومش هتبات ولو رحت اجرء ممكن يومين تلاته في جابور كمان "بينك سيتي" فيها مزارات كتير هتتبسط فيها الحركه هناك بسياره خاصه عشان معاك طفل او قطار لو عايز توفر
 
#9
الهند بلد فظيعه عموما وهاتتبسطي فيها جدا، مش هاتحسي بغربه، هاتحسي انك في مصر بالظبط، اماكن نضيفه جدا واماكن شعبيه جدا،
الاكل صعب شويه علشان مختلف بس هاتلاقي اماكن نضيفه جدا ورخيصه نسبيا عن مصر كمان، الفنادق انا بحجزها عن طريق booking.com,
الجو هايكون حر جدا جدا، بس العربيات هناك لو هاتحجزي تور بتكون مكيفه والاسعار لطيفه يعني فعلا زي مصر ويمكن اقل، الهنود مش نصابين ولا حراميه، بالعكس ودودين جدا، خدي بالك بس من اللي شغالين في مجال السياحه خصوصا لو روحتي تعملي شوبينج معاهم علشان هايودوكي اماكن غاليه علشان بياخدو عموله، في اجرا لو روحتي علشان تاج محل ابعدي عن الفنادق اللي قدام تاج محل علشان المنطقه وحشه جدا جدا وخليكي في فندق نضيف مش اقل من ٣ نجوم في وسط البلد، الانتقالات، في قطارات نضيفه وسهل تحجزيها واكيد اصدقائك الهنود هايساعدوكس كتير
 
#10
Mumbai mn a7la el amaken el momken tro7eeha, el nas gameela gedan w kwiesa tool manti kwiesa, hat7seeha Zai Alex gedan el raseef wel taxi eswed Fi asfar, el ree7a wel rotooba qazera 7'odi tshirts 7'afeefa, el toktok" reksha" hya ashal w 22man mowasalat henak, el swa2een labseen uniform w Fi 3dad, el akl sahl gedan fl mata3em a7san 3shan r7'ees w ndeef, dayman m3aki umbrella 3shan btmattar Fi Ai w2t, haty Laban bta3 el baby m3aki, balash maya ml 7anafya 7'ales 7'aleeki fl ma3dania, wipes kteer wenti ry7a 3shan ml2tsh henak 3shan eidk Wl baby, el hygiene henak qazer fa matbyneesh enk 2rfana est7meli, 7'aleki bjeans adman w kotchi 3shan el shware3 Msh a7san 7aga, bs el nas kwiesa gedan wel dunia Aman bs brdo balash lwa7dk 7'aleki m3 7d dyman, w faslli fl shera
Bs w mt2l2eesh hat7bbi hnak gedan
 
عرض العطلة
#11
انا لسه راجعه من 10 ايام كنت في تدريب الناس كويسه جدا و مومباي امان عالي. الاكل مش اللي متخيلاه بس في امكان للاكل كويسه و كل المولات فيها مطاعم الفاست فوود و مطعم شاليمار في ش محمد علي من افضل المطاعم و جوده عاليه..متتخضيش من الزحمه هناك زحمه جدا و الركشا منتشره جدا و انا كنت نازله في بيت طلبه في حته شعبيه معنديش للاسف فكره عن الفنادق و لا اسعارها و بالتوفيق.
 
#13
الجو في شهر ابريل حر للاسف ديه شهور الصيف هناك دلوقتي و الرطوبه عاليه خلي معايا كاب لو هتمشي في الشمس و مياه علي طول. و نزلي ابليكشن ola cab او اوبر لوهتركبي مواصلات و كله مشغل عداد متقلقيش. و الناس طيبه و بيساعدوا و تلاقيهم بيضحكوا في وشك.
 
#14
بصي مومباي بلد زحمه جدا،،صداع رهيب،، لا مش حراميه بس الشحاتين كتير جدا حاولي تبعديهم عنك،،النصب بيكون حد يقولك تعالي اوريكي الاماكن بسياره خاصه بسعر عالي جدا

حاولي تقعدي جنب باب الهند اي فندق قريب منه ،، اوعي تقعدي قريب من المطار،،،فيه سوق جنب باب الهند لفي حواليه وفاصلي كتير وفيه مطعميم حلال جانبه بس عاديين جدا،، بالنسبه للطفل هيعاني معاكي لكن فيه مول هناك تروحيه هتلاقي مطاعم كتير،، ركزي ع اكل الفاكهه لانها هناك حلوه جدا والخصروات وفي اي مطعم ابعدي عن لي اكله مكتوب جنبها مسالا وعندك دجاج البرياني افضل اكله

الاماكن اللي تقدري تزوريها باب الهند وجنبه مركب بيطلع الصبح الساعه ٩ و ١٠ يوديكي جزيره اليفنتا حلوه،، وجنب باب الهند متحف وفيه مسجد الحاج علي في وسط مومباي تقدري تروحيه لو فيه جزر في البحر

المواصلات اوبر ارخص حاجه

ابعدي عن اي هندي يدخلك محل معين او فندق لانه له نسبه وبيدخلك اماكن مش حلوه

الفندق استخدمي تطبيق ويجو لكن في الهند اغلب الفنادق مابتكون علي بوكنج وتعرفي تفاصلي معاهم افضل من انك تحجزي ع النت،، الحجز بس عشان في المطار لازم يكتبوا اسم الفندق اللي هتنزلي فيه
 
عرض العطلة
#17
بالنسبه للأكل أضمن حاجه الفاكهة و حلوه جدا و الفراخ برضه و فيه مطاعم انترناشونال كتير زي ماك و كنتاكي
 
#20
مومباي ماهي الا زحمة وسوق كبييييير روحيها في اخر سبتمبر علشان عيد جانيشا وهتدعيلي... بس حرام متشوفيش الباقي.... روحي بانجالور... چايبور...الشمال تحفة... وفي الاخر استرخي في كيرلا "بلاش جوا" وهتدعيلي والله... الاكل تمام كلي فاكهة وخضار وفي اماكن كتير اوي حلال وهاتي baby sling علشان هتتحركي كتير اوي والدنيا زحمة اوي وفوضي كتير فتبقي مريحة بالك وابنك قدامك... ربنا يخليهولك
 
عرض العطلة
عرض العطلة
عرض العطلة
أعلى أسفل
عودة
قائمة