اولا الحمدلله الدنيا كويسة بس مش الجنة بمعنى انه العيشة غالية جدا و في مناطق كتيير مش سهل تلاقي فيها شقق بس اذا مجالك مطلوب و لقيت شغل هتبقى عايش كويس ان شاءالله يعني شقة صغيرة بس في مكان كويس و خدمات معقولة جدا بس اهم حاجة تبقى عامل حسابك اذا جاي و مش معاك شغل ان دي مخاطرة وممكن تفضل وقت لحد ما تلاقي فلازم تسأل كويس على مجااك هناك لو هتعمل ماجيستير هتحتاج تدور على شغل 20 ساعة بس في الأسبوع لان ده البتسمح بيه التأشيرة و غالبا هتقعد في اوضة في شقة مع حد او سكن طلبة(بفلوس بارضو) لحد ماتخلص دراستك و تعرف انه العيشة في المانيا في الاول عالاقل مش معناها رفاهية خالص بالعكس هتعتمد على نفسك في كل حاجة اكتر من مصر علشان كدة لازم تحسبها كويس قبل ما تقرر البلد زي ما قلتلك كويسة والحمدالله بس في كذا حاجز لازم تعمل حسابهم اولهم العنصرية و هي موجودة نسبيا لمجرد الملامح الغير اوروبية فتوقع ده من بعض الناس و تانيهم اللغة و دي هتحتاج وقت
اكيد و مجهود و لازم في يوم هتتعلمها و الغربة مرة بضم الميم مهما الناس قلتلك اي كلام صحيح مصر متعبة ربنا يصلح حالها و حالنا لكن في اوقات هتحتاج فيها اهلك جنبك و هتضطر تستحملها وأخيرا الجو في المانيا مختلف خالص عن مصر و دي مش حاجة سهلة و بتاخد وقت على ما تاخد عليها مش بقولك متسافرش و لا بقولك انها تجربة فاشلة بالعكس سافر خاصة لو لسة مكونتش أسرة بس اعمل حسابك كمان على التحديات القدامك علشان متتصدمش ربنا يوفقك و يقدملك الخير
