!
A
Ahmed Abdelaziz Sleem
:: مسافر ::
أحب اشكر أولاً كل الناس اللي اهتمت بمشكلتي .. وكل الناس اللي ساعدتني في السفريه ..انا واجهت مشاكل فعلاً في طنطا لأنهم بيواجهوا مشاكل تهريب ( الحمص ) من طنطا للمحافظات التانيه لا سيما اللي بيعتبروه الغذاء الرسمي وبيعتزوا بيه جداً وبيقدسوه خاصه في فتره العيد القومي لطنطا ( مولد السيد البدوي) واعتبروني ( مهرب حُمُّص ) خاصه إني مش مكتوب في باسبوري ( تاجر حُمُّص) او على الأقل ( تاجر لب ابيض) وتم ترحيلي لسفاره مصر في طنطا لحين البت في امري ..طبعاً السفير عمل نفسه من بنها وتجاهل مشكلتي تماماً ..تدخل بعض أهل الخير في الموضوع من رابطه ( المغتربين المصريين بطنطا ) والحمد لله المشكله اتحلت ووصلت كفر الشيخ وقريب حاعملكوا بوست بالصور عن حياه الناس هناك واهم المعالم السياحية والمشاكل والتحديات اللي بتواجهه سكان المناطق دي ووجباتهم المفضله ونشاطاتهم وعاداتهم الغريبه أحب اشكر كمان الصفحة دي المحترمه والادمن وبان كي مون وتامر هجرس .. شكراً لدعمكم ولنصائحكم