لو سمحتم انا نازل مصر قريب و عايز اعرف ايه...

[Ziad Moustafa]

لو سمحتم انا نازل مصر قريب و عايز اعرف ايه افضل الاماكن اللي ممكن تتزار في القاهرة و الجيزه و الإسكندرية بعيدا عن الاهرامات لأن كله يشتكي من المعامله هناك

 

[Anio Anio]

شارع المعز
الجمالية
باب الفتوح
خان الخليلى
مسجد الحسين
الجامع الازهر
جامع عمرو بن العاص

 

[BeBo Saleh Abdallah]

المطار يا باشا. احسن مكان

 

[Dmdm Mohamed]

البانوراما
شارع المعز
خان الخليلى
حديقه الازهر
لو هتسوق العتبه ووسط البلد وهايبر

 

[Ola Saad]

المتحف المصري
المتحف الاسلامى
قصر عابدين
ممكن تحضر عروض و حفلات ف الاوبرا
متحف الفن الحديث

 

[sara Mostafa]

اسكندرية
جزيرة نيلسون
مكتبة اسكندرية
القلعة
الشيخ وفيق تاكله منه احلى رز بلبن بالأيس كريم بالمكسرات مش هتنساه
المتحف الرومانى
حديقة المنتزه
حديقة انطونيادس و جنبها قرية الأسد

 

[Wafaa Mahdy]

مصر القديمه وشارع المعز ليلا تحفه
اسكندريه ايا كان المكان فاستمتع انت في احلي مكان

 

[Hany Adel]

المتحف المصري-سقارة-دهشور-شارع المعز و خان الخليلي و لف كتير في المنطقة ده من الصبح-جامعي السلطان حسن و الرفاعي-اسكندرية بقي كوم الشقافة-عمود السواري-حدائق و قصر المنتزه-المتحف القومي-قلعة قايتباي-متحف المجوهرات و لو لقيت وقت يوم فاضي و انت في اسكندرية روح رشيد و اتفرج علي جمال الطراز الاسلامي في المباني كأنها متحف مفتوح تروح يوم و ترجع اخر النهار

 

[Khaled Saleh]

الأهرامات مافيهاش شكوي مين قالك تواجد أمني مكثف ومنظم ويمكن ده المكان الوحيد اللي اشتغلته الشرطة صح

 

[Arch Lolah]

قصر الأمير محمد على فى المنيل ،، منطقه الرفاعى ومدرسه السلطان حسن ،، بيت الكريتليه أو متحف جايير أندرسون ف شارع الصليبه ،، طبعاً شارع المعز بالليل بيبقى تحفه هو وخان الخليلى ،،

 

[Alaa Mahmoud]

اوعى تفوت شارع المعز حاجه كده روعه بس استمتع بيها

 

[Hany Adel]

بس شارع المعز الصبح بدري احلي من بلليل ده فيه شويه بيوت و اسبله و جوامع تحفة معمارية و بتبقي فاتحه الصبح بس و طبعا بيت السحيمي

 

[Ballo Mo Balo]

لو عايز تروح الاهرامات و محدش يضيقك و تستمتع قوللي بس و انا هظبطلك الدنيا هناك

 

[Arch Lolah]

شارع المعز الصبح لزيارة المنشأت الأثريه وبالليل لندوات الشعر وحفلات التنورة وجلسات الطرب وف الغالب بتبقى ف بيت السحيمى أو وكاله الغورى