هما ال2000دولار الي بتدخل بيهم لبنان بيسالو...

[Michael Mickey]

هما ال2000دولار الي بتدخل بيهم لبنان بيسالو عليهم ف مطار القاهرة هنا ولا لما اوصل مطار بيروت بيسالو عليهم؟
وهل ممكن ميسالوش عليهم اصلا!! حد حصلت معاه قبل كده

 

[Mustafa Haikal]

Beruit

 

[Michael Karam]

لو جبت تأشيرة من هنا مش بتحتاج موضوع ال2000 دولار

 

[Bassant Younes]

في مطار بيروت

 

[Mohamed Adawy]

هنا وهناك وهتحتاج ٢٠ دولار لطابع الفيزا كمان من بيروت

 

[Mohamed Sayed]

بيسالوا هنا وانتا بتقطع البوردنج ولما توصل هناك المطار بيعدهم كمان

 

[Wael Fathy]

هنا وهناك

 

[Nemo Mohamed]

انا سافرت اربع مرات هنا في مصر بيشوفهم معايا وهناك في مطار بيروت نفس النظام
لو جبت تاشيره من هنا خلاص انت مش محتاج للمبلغ ده

 

[Shady Yahia]

لما توصل هناك

 

[Mezyana Barsha]

كنت هناك السنة اللي فاتت وكنت واخدة الفيزا عندهم في المطارومحدش سالني على حاجه

 

[Ahmed Nageeb Sallam]

انت و حظك .. ساعات محدش بيسأل .. و ساعات بيسأل على البوردنج و يعدهم .. و بوابة الترانزيت و يعدهم برضه

 

[Ahmed Saleh]

ايوة بيسأل في مصر ومطار بيروت انا لسة راجع أمس وبياخد منك 20 دولار طابع في مطار بيروت

 

[Mohamed Zedan]

ساعات وساعات
انا اتسلت مرتين من الكم الى سافرتة دا كله
ومش بيمسكهم يعقد يعد
لا هو بيشوفهم فى ايدك وخلاص
بس خليهم معاك طبعا
وهناك هاتحتاج فى حدود ال٢٠ دولار عشان الطابع بتاع التاشيرة

 

[Noha Mahmoud Elsherbiny]

بيسألوا هنا وهناك بس محدش بيعدهم

 

[Khaled M. Hassan]

لو معاك كريديت ماحدش هيسألك علي حاجة . ولما سافرت ماحدش سألني وريتلهم بس الكريديت

 

[Dina Awad]

محدش سال و لا حد عد حاجة

 

[Mostafa Osman]

بيسالو عنها فى القاهرة و انت بتاخد البوردينج تيكت و بيشوفو حجز الفندق
فى بيروت و لا بيشوفو حاجة
بيخلوك بس تشترى طابع 20 دولار

 

[Mina Tharwat Nazim Ibrahim]

انا لسة راجع من لبنان من 5 ايام.. سألوني في مصر وانا بعمل check in..في لبنان ما سألونيش

 

[Khalid Taha]

شوف حضرتك الموضوع منقسم لشقين - مطار القاهرة - ومطار رفيق الحريري ف بيروت
بالنسبة لمطار القاهرة بيسأل طبعا ولو مش معاك مش هيطلعك الطيارة وتضيع عليك التذكرة وحجز الفندق
بالنسبة لمطار رفيق الحريري الموضوع متوقف علي المهنة ف الباسبور - انا دخلت ومسألنيش عن المبلغ المالي ولا شيك علي حجز الفندق لان المهنة ف الباسبور مهندس بترول
اخويا كان معاه المبلغ المالي وكان معاه حجز الفندق وتذكرة عودة ومدخلش لان المهنة ف الباسبور طالب بكلية تجارة
اني واي متخاطرش وتطلع بدون المبلغ المالي لانك ممكن ترجع ويضيع عليك التذكرة وحجز الفندق
احجز الفندق ليلتين فقط تحسبا لاي ظرف ممكن يحصل
كل دي متطلبات انك تحصل علي تأشيرة من مطار بيروت ف لو معاك تأشيرة من السفارة هنا ف مصر تبقي مش محتاج اي حاجة من دي
ربنا يوفقك وتتبسط اللهم امين

 

[Mai Khaled]

انا روحت مرتين و المرتين مسألوش عليهم