A
Ahmed Abdel Basset
:: مسافر ::
بناءا على طلب النجم معتز باشا اكلمكم عن رحلة مرسى علم بورتو غالب للاسف معنديش تفاصيل كتير لأنها كانت فى ٢٠١٣ كل إللى فاكره انى قعدت فى فندق كراون بلازا و الصراحة كان تحفة و جنبوا انتركونتيننتال فى منتجع واحدsahara resort وتقدر تتجول بينهم عادى وكانت ٤ ايام فل بورد و سى فيو ب ٤٠٠٠ جنيه لشخصين والأكل هناك غير عادى وعلى ما اتذكر اخدنا اتوبيس جو للسياحة من القاهرة وبعد العشا بيبقا فى عروض و مسرح و رقص وكل يوم عرض مختلف و فى ركوب خيل تأجير عجل و ملاهى ماءية وشاطىء راءع وأسماك ملونة على الشاطىء و مش محتاج تغوص او حتى تعرف تعوم عشان تشوفها و فى مرسى يخوت هناك و سوق فى مشغولات ولبس و اكسسوارات محلية و جيم و عيادة و مساج الصراحة المنتجع كله مجهز و كل حاجة متوفرة حتى سوبرماركت و كافيهات و مطاعم غير بوفيه الفندق والجروبات كلها هناك سياح والمكان كله هدوء واسترخاء عموما واسيبكوا مع الصور
