يا اهل الخبرة...معلش انا عرفت انى لو عايزة...

  • بادئ الموضوع بادئ الموضوع Nahed Mostafa
  • تاريخ البدء تاريخ البدء
عرض العطلة
N

Nahed Mostafa

:: مسافر ::
#1
يا اهل الخبرة...معلش انا عرفت انى لو عايزة احجز فندق جوة مصر بلاش
Booking
واحجز عن طريق الفندق علطول...انا كلمتهم وسالتهم ده بيحصل ازاى...قالى انه بيبعتلى فورم بملى فيها بيانات الكريديت كارد وببعتله صورتها وصورة بطاقة صاحبها...حسيت مش امان ابدا اللى بيقوله ده فسالته لو معنديش كريديت كارد بعمل ايه...قالي بحطلهم الفلوس في حساب البنك وبعدها بيبعتلى الحجز على الميل ...بس هو انا مش متطمنة بردو..انا اضمن منين انه يبعتلى حاجه فعلا...واضمن منين ان رقم الحساب اللى هيديهولى ده بتاع الفندق اصلا؟ هو المفروض الطبيعي ايه اللى بيحصل؟
 
#2
فعلا ده اللى بيحصل لما بتحجزى مباشرة مع الفندق
يا بتبعتى بيانات الكريديت
يا اما بتعملى ايداع فى حساب البنك و لما بتاخدى الايصال بتبعتى لهم صورة منه بيبعت لك تاكيد الحجز
 
#3
انا دايما بحجز من خلال بوكينج، و بحطلهم بيانات كريديت عادي، واوقات بيكون مفيش فيه فلوس ، والحجز بيمشي تمام و مجرباها اكتر من مره، ده غير اني لما قارنت اسعار بوكينج بأسعار مواقع تانيه كتير، لقيت ان بوكينج ارخص بكتير، ولما كنت بتصل اسأل عن سعر الحجز عن طريق الفندق بلاقيه نفس الرقم اللي علي بوكينج مبيزيدش
أما بالنسبه لأنك تبعتيلهم بيانات الكريديت والحاجات دي مش امان خالص، واللي انا اعرفه ان الفنادق عموما مش بالضروري انك تحولي فلوس لحسابهم قبل الحجز، الا لو ده بيحصل ف وقت موسم و مقلقين من ان الحجز يضيع لو العميل مالتزمش وراح، علي عكس الكمبوندات و الشقق العاديه دول بيبقو عايزين يضمنو فلوسهم اكتر
 
#5
الكلام اللى قالك علبه دة سليم
وممكن تريحى نفسك وتحجزى مع شركة سياحة وهيبقى السعر ارخص كمان
 
عرض العطلة
#8
مش شرط شركة السياحة ارخص .. بس الاكيد ان داخل مصر لازم تشوفي كل المصادر يعني شوفي مع الفندق وكلمي شركة السياحة وشوفي انهي ارخص مش هتخسري حاجه .. وطريقة الحجز عن طريق دفع ديبوزت في حساب البنك مظبوط وممكن تبعتي ميل للفندق ويرد عليكي بالكونفرميشن عشان تبقى حاجه ترستد انها من ميل الفندق قبل ماتحطي اي فلوس
 
#10
من رسيبشنست سابق بقول لحضرتك ان الكلام دا كله مزبوط ومفيش اي مشاكل فيه وموضوع الاسعار دا لازم تشوفي بوكينج والفندق وشركات السياحة وتقارني مابينهم لان اوقات بتبقي في عروض عند شركات السياحة وساعات تاني بيبقي اللي بيحجز عن طريق الفندق ليه اوفر معين او حاجة فري علي اساس ان مجمل المبلغ هيدخل للفندق ومفيش ويب سايت او شركة سياحة هتاخد منه نسبة علي الحجز....انا شايف انسب حاجة لو هتحجزي مع الفندق وانتي قلقانة كدا يبقي اتفقي معاهم انك هتدفعي اول ليلة او ليلتين بس عن طريق تحوسل الفلوس علي حسابهم ف البنك وبعدها هيبعتولك الكونفرميشن وبكدا مكانك موجود ولما تروحي ابقي ادفعي باقي المبلغ بالطريقة اللي تحبيها.بالتوفيق
 
عرض العطلة
#11
كلام الفندق مظبط حضرتك بتعملى الاتى :
١- كلمى الفندق و اعرفى السعر و قوليلوا اوك تمام عاوزه احجز احجزلى غرفه كذا من يوم كذا ليوم كذا لعدد افراد كذا هيقولك السعر كذا
٢- بعد الاتفاق على السعر قوليلهم طيب هبعتلكم ايميل فيه طلب الحجز و حضرتك ابعتلى ايميل برقم الحساب اللى هسدد فيه المبلغ لتأكيد الحجز و خدى منهم الايميل اللى هتبعتى عليه
٣- هتبعتى ايميل بكل التفاصيل اللى قولتيهالهم وهتاخدى رقم الحساب من الايميل اللى هيردوا عليكى بيه و فى البنك هتتأكدى انه رقم حساب الفندق الفولانى
٤- بعد ما تعملى ايداع بالمبلغ هتخدى ايصال الايداع اسكان و تبعتيلهم ايميل بيه و تقوليلهم ابعتولى تأكيد الحجز و رقمه
٥- هيبعتولك رقم الحجز تطبعيه و تاخديه معاكى وقت الاتشيك اين
 
#12
لا خالص انا بحجز في الفنادق ومش بتكون كده خالص
احجزي عن طريق مكتب المبيعات والحجوزات في الفندق لما تتصلي اطلبي يحولوكي عليه وبتكلميهم وبيدولك رقم حساب البنك بتعملي ايداع عليه وتبعتي الوصل بالإيميل انا بعمل كده لو معرفش حد في الفندق لكن لو فندق اعرف فيه حد بحجز بالاسم ولما بروح بدفع الفلوس
 
#13
هقول لحضرتك انتي لو مش عايزه حجز من البوكنج مع انه بيبقي حاجه بسيطه خاصه ف الاعياد احنا عندنا بنستقبل مقدم الحجز ع البنك و مثلا بيكون ليله و ده ف حالتين لما يكون موسم او لما يكون جروب كبير و طبعا امان للطرفين بس عندنا في دهب مثلا لو الزبون خلاص عرف الفندق بنكتفي بمكالمته
 
عرض العطلة
#16
انا بحجز يا بتحويل بنكي يا بالكريدت عادي جدا لاني انا متصل علي رقم الفندق مش رقم مجهول
وساعات بيبقي الايداع في حسابات شخصية باسم صاحب الفندق او مفوض
بس المهم يبقي الفندق معروف علشان ضمان الحرص علي سمعته
 
#19
يا جماعه الى عاوز يحجز عن طريق النت سواء من بوكينج او غيرها يجب التاكد من الفندق عن السعر احيانا كثير يكون بوكينج غالى جدا عن سعر الفندق واحيانا العكس بوكينج ارخص من الفندق اما موضوع الامان بوكينج امان 100% انا بحجز منه بقالى 10 سنين
 
#20
اسوا ء شيء حجز غردقه أو شرم مع شركه سياحه لانها بتحجز لك أرخص عرض كن الفندق وتديه لك بسعر عالي مثلا في الغردقه فندق زي هيلتون سهل حشيش الشركه بتحجز غرف بعيد عن المبني الرئيسي للفندق وديه بتبقي بسعر أقل في الفندق وتحاسب الناس علي سعر الغرف في المبني الرئيسي وتعرف ذلك عند وصولك ويكون خلاص تم الحجز و الفندق يقولك ده حجز الشركه أفضل شي الاتصال بالفندق ومعرفه الأسعار والحجز بنفسك نوع الغرف الي تعجبك
 
عرض العطلة
عرض العطلة
عرض العطلة
أعلى أسفل
عودة
قائمة