O
Omar Alaa
:: مسافر ::
سافرت اوكرانيا و المجر مع ايسيك "Aiesec"
بدأت السفر روحت تركيا فى 2014 كنت مسافر لناس صحابى كام يوم و رجعت .. بعدها اكتشفت حاجة اسمها ايسيك.
-ايه هى ايسيك ؟
هى منظمة طلابية للتبادل الثقافى بين الشباب "من سن ١٨ ل ٢٩" .. يعنى ناس بتسافر من كل الدول لمصر و ناس من مصر بتسافر ل دول كتير بغرض العمل التطوعى .. بيوفرولك سكن لمدة شهر و نص فى البلد اللى هتروحها بس اى مصاريف تانية عليك
-ايه العمل التطوعى ؟
بتعلم اطفال لغة .. بتساعد ناس من زوى القدرات الخاصة .. كلها حاجات بسيطة جداً
-ايه الميزة فى السفر مع ايسيك او هتستفاد ايه ؟
*الميزة ان انت بتروح تعيش مع مجتمع و ثقافة مختلفة تماماً عنك لمدة شهر و نص و ممكن اكتر
*فى اخر المدة اللى بتشتغل فيها بتاخد شهادة من البلد اللى كنت فيها بتقول انك اشتغلت شهر و نص عمل تطوعى فى البلد ديه
*الميزة الكبيرة و هى ديه المشكلة اللى كانت بتقابل اى حد عايز يسافر هى السكن .. ايسيك بتوفرلك سكن الشهر و نص من غير ما تدفع حاجة .. و اوقات بتوفر سكن و اكل كمان
ده غير ميزات بقى انك بيكون معاك ناس من جنسيات كتير جداً "بعد سفريتين ليا مع ايسيك اكتشفت ان بقى عندى صحاب من اكتر من 20 بلد" بنخرج و ناكل و نلعب مع بعض و بعد كدا بنستنى نشوف بعض تانى و ده اللى حصل لما صحابى الاتراك و الاوكرانيين و الامريكان جم مصر و اتقابلنا تانى
-ازاى تقدم عشان تسافر تبع ايسيك ؟
لو جامعتك فيها ايسيك بتروحلهم تقولهم انك عايز تسافر معاهم لو معندكش ايسيك فى جامعتك زيى كدا بتقدم تبع اى جامعة او بتبعتلهم على البيدچ "مش شرط تكون طالب ممكن تسافر عادى او مخلص جامعة بس معدتش ال٣٠"
-ايه البلاد اللى ممكن تطلعوها مع ايسيك ؟
بلاش تتوقع انك هتسافر المانيا او فرنسا أو امريكا و البلاد ديه لأنهم مش محتاجينا اعتقد
فى أوروبا " اوكرانيا روسيا تركيا أرمينيا چورچيا رومانيا بلغاريا" دول ممكن يكونوا اسهل شوية فى القبول و الڤيزا عشان مش شينجن
" المجر بولندا التشيك " صعب شوية عشان شينجن بس مش مستحيل
فى اسيا " ماليزيا هند صين فيتنام فيليبين اندونيسيا و الحتة بتاعت ازربيجان بقى و البلاد اللى جنبها"
فى افريقيا "كل دول افريقيا اعتقد"
فى امريكا " مكسيك برازيل كولومبيا ارجنتين تشيلى اكوادور و شوية بلاد تانية"
*انا بقى بدأت قصتى مع ايسيك فى أوكرانيا 2015 .. بلد جميلة و هادية و رخيصة جداً .. قعدت فى بلد اسمها لڤيڤ لمدة ٦ اسابيع و ديه من اجمل البلاد اللى شوفتها .. سافرت Carpathian mountains ديه سلسلة جبال كبيرة موجودة فى شوية بلاد فى أوروبا و سافرت محافظة تالتة صغيرة شوية ..
كان شغلى فى أوكرانيا التصوير و الدعاية للبلد على بيدچ على الفيسبوك و اكونت انستجرام بشتغل عليهم مع ال team اللى كان معايا "كانوا من مصر چورچيا البرازيل البوسنة والهرسك هولندا الصين تركيا اندونيسيا رومانيا" و كلنا كنا صحاب جداً.
*2016 حبيت اخد risk و احاول اسافر حاجة شينجن قررت احاول اطلع المجر .. قدمت و عملت interview و اتقبلت .. بعتولى الدعوة " invitation letter" و ظبط ورقى و قدمت فى السفارة بصراحة مكونتش متوقع انى أقبل بس الحمدلله قبلت و سافرت المجر .. كان شغلى هناك مع ذوى القدرات الخاصة "متلازمة داون" " down syndrome " .. كنت عايش معاهم بساعدهم فى شغلهم فى الاكل فى كل حاجة
سافرت من المجر لڤيينا , روما , باريس لأنهم شينجن فا الموضوع كان اسهل بالنسبالى .. اه نسيت اكتب انى فى كل دول صرفت من ٣٠٠ ل ٤٠٠ يورو من سنة كانوا يعادلوا من ٣٠٠٠ ل ٤٠٠٠ جنيه .. ايوة والله فى ٥٤ يوم .. كنت بوفر فلوس الاكل و السكن لدرجة ان لما روحنا ڤيينا انا و اتنين من تركيا و واحد من رومانيا مرضيوش يباتوا فى هوستيل أو فندق نمنا جزء من الليلة فى ماكدونالدز لحد ما قفل روحنا كملنا نوم فى جنينة كبيرة .. و كانت مغامرة بالنسبالنا كلنا و حاجة جديدة.
اللى عايز يسافر هيسافر .. هيدور على مليون طريقة .. هيوفر فى اى فلوس .. اتمنى اقدر اسافر تانى و اكمل ال ١٠ بلاد السنة ديه
)
لو حد محتاج اى سؤال عن حاجة تبع ايسيك أو عن المجر أو اوكرانيا يسأل طبعاً
بدأت السفر روحت تركيا فى 2014 كنت مسافر لناس صحابى كام يوم و رجعت .. بعدها اكتشفت حاجة اسمها ايسيك.
-ايه هى ايسيك ؟
هى منظمة طلابية للتبادل الثقافى بين الشباب "من سن ١٨ ل ٢٩" .. يعنى ناس بتسافر من كل الدول لمصر و ناس من مصر بتسافر ل دول كتير بغرض العمل التطوعى .. بيوفرولك سكن لمدة شهر و نص فى البلد اللى هتروحها بس اى مصاريف تانية عليك
-ايه العمل التطوعى ؟
بتعلم اطفال لغة .. بتساعد ناس من زوى القدرات الخاصة .. كلها حاجات بسيطة جداً
-ايه الميزة فى السفر مع ايسيك او هتستفاد ايه ؟
*الميزة ان انت بتروح تعيش مع مجتمع و ثقافة مختلفة تماماً عنك لمدة شهر و نص و ممكن اكتر
*فى اخر المدة اللى بتشتغل فيها بتاخد شهادة من البلد اللى كنت فيها بتقول انك اشتغلت شهر و نص عمل تطوعى فى البلد ديه
*الميزة الكبيرة و هى ديه المشكلة اللى كانت بتقابل اى حد عايز يسافر هى السكن .. ايسيك بتوفرلك سكن الشهر و نص من غير ما تدفع حاجة .. و اوقات بتوفر سكن و اكل كمان
ده غير ميزات بقى انك بيكون معاك ناس من جنسيات كتير جداً "بعد سفريتين ليا مع ايسيك اكتشفت ان بقى عندى صحاب من اكتر من 20 بلد" بنخرج و ناكل و نلعب مع بعض و بعد كدا بنستنى نشوف بعض تانى و ده اللى حصل لما صحابى الاتراك و الاوكرانيين و الامريكان جم مصر و اتقابلنا تانى
-ازاى تقدم عشان تسافر تبع ايسيك ؟
لو جامعتك فيها ايسيك بتروحلهم تقولهم انك عايز تسافر معاهم لو معندكش ايسيك فى جامعتك زيى كدا بتقدم تبع اى جامعة او بتبعتلهم على البيدچ "مش شرط تكون طالب ممكن تسافر عادى او مخلص جامعة بس معدتش ال٣٠"
-ايه البلاد اللى ممكن تطلعوها مع ايسيك ؟
بلاش تتوقع انك هتسافر المانيا او فرنسا أو امريكا و البلاد ديه لأنهم مش محتاجينا اعتقد
فى أوروبا " اوكرانيا روسيا تركيا أرمينيا چورچيا رومانيا بلغاريا" دول ممكن يكونوا اسهل شوية فى القبول و الڤيزا عشان مش شينجن
" المجر بولندا التشيك " صعب شوية عشان شينجن بس مش مستحيل
فى اسيا " ماليزيا هند صين فيتنام فيليبين اندونيسيا و الحتة بتاعت ازربيجان بقى و البلاد اللى جنبها"
فى افريقيا "كل دول افريقيا اعتقد"
فى امريكا " مكسيك برازيل كولومبيا ارجنتين تشيلى اكوادور و شوية بلاد تانية"
*انا بقى بدأت قصتى مع ايسيك فى أوكرانيا 2015 .. بلد جميلة و هادية و رخيصة جداً .. قعدت فى بلد اسمها لڤيڤ لمدة ٦ اسابيع و ديه من اجمل البلاد اللى شوفتها .. سافرت Carpathian mountains ديه سلسلة جبال كبيرة موجودة فى شوية بلاد فى أوروبا و سافرت محافظة تالتة صغيرة شوية ..
كان شغلى فى أوكرانيا التصوير و الدعاية للبلد على بيدچ على الفيسبوك و اكونت انستجرام بشتغل عليهم مع ال team اللى كان معايا "كانوا من مصر چورچيا البرازيل البوسنة والهرسك هولندا الصين تركيا اندونيسيا رومانيا" و كلنا كنا صحاب جداً.
*2016 حبيت اخد risk و احاول اسافر حاجة شينجن قررت احاول اطلع المجر .. قدمت و عملت interview و اتقبلت .. بعتولى الدعوة " invitation letter" و ظبط ورقى و قدمت فى السفارة بصراحة مكونتش متوقع انى أقبل بس الحمدلله قبلت و سافرت المجر .. كان شغلى هناك مع ذوى القدرات الخاصة "متلازمة داون" " down syndrome " .. كنت عايش معاهم بساعدهم فى شغلهم فى الاكل فى كل حاجة
سافرت من المجر لڤيينا , روما , باريس لأنهم شينجن فا الموضوع كان اسهل بالنسبالى .. اه نسيت اكتب انى فى كل دول صرفت من ٣٠٠ ل ٤٠٠ يورو من سنة كانوا يعادلوا من ٣٠٠٠ ل ٤٠٠٠ جنيه .. ايوة والله فى ٥٤ يوم .. كنت بوفر فلوس الاكل و السكن لدرجة ان لما روحنا ڤيينا انا و اتنين من تركيا و واحد من رومانيا مرضيوش يباتوا فى هوستيل أو فندق نمنا جزء من الليلة فى ماكدونالدز لحد ما قفل روحنا كملنا نوم فى جنينة كبيرة
.. و كانت مغامرة بالنسبالنا كلنا و حاجة جديدة.اللى عايز يسافر هيسافر .. هيدور على مليون طريقة .. هيوفر فى اى فلوس .. اتمنى اقدر اسافر تانى و اكمل ال ١٠ بلاد السنة ديه
)لو حد محتاج اى سؤال عن حاجة تبع ايسيك أو عن المجر أو اوكرانيا يسأل طبعاً