M
Mina Makram Fahim
:: مسافر ::
تجربة السفر من اجمل التجارب اللي ممكن تعيشها فى حياتك ... نصيحتى لاى حد لسة مقررش يسافر او شايف انها تجربة مش مهمة او ممكن يستغنى عنها احب اقوله انك غلطان و فايتك كتيييييير اويييييي , اى نعم السفر مكلف انما ممكن بشوية مجهود مع شوية استشارات تسافر بتكلفة اقل و المجهود دة عبارة عن انك تتابع اسعار تذاكر الطيران و تدور على اكتر من موقع و تدور قبل السفر بفترة و تتابع اسعار الفنادق و الاماكن اللى ممكن تستضيف السياح بأسعار رخيصة و حاجات تانية كتير و كمان مع شوية توفير للمصاريف اللى ملهاش لازمة و اللى اكيد كلنا بنصرفها فى حاجات متستاهلش ممكن تسافر و تنبسط و تعيش تجربة عمرك ما هتنساها و احب اقولك انك مش لازم تسافر تخربها فى المصاريف هناك عشان تنبسط بالعكس هتنبسط بأبسط الحاجات هناك , مجرد انك تتمشى فى الشوارع دة هيخليك مبسوط , كل حاجة بتعملها هنا بشكل روتينى هتلاقى نفسك بتعملها هناك و انت مبسوط زى المشى فى الشوارع و المواصلات و الكلام مع الناس و الجو المختلف و حاجات بسيطة تانية كتير و لما تسافر اول مرة مش هتقدر تبطل سفر و هتلاقى نفسك بتفكر فى السفرية اللى بعدها بعد ما ترجع من السفرية الاولى علطول . اوعى حد يقولك وفر فلوسك علشان تتجوز و الشغل دة لان متعة السفر متتقدرش بفلوس و لما تكتفى من السفر و اللى اعتقد انه صعب ابقى حوش و اتجوز لان الجواز جميل برده
