يا جماعه كنّا فرحله أسبوع فرنسا وكنا ٣ أفراد وظابط الجوازات هناك عمل بصمة لاتنين مننا واحنا راجعين حد يعرف البصمة دى بتاعت ايه وهل ليها تأثير بعد كدا فحاجة
لو اول مرة تسافر بتبصم فى المطار
لو مش اول مرة تسافر بس عدى على تاريخ اخر بصمة 59 شهر بتبصم فى المطار
ممكن اتنين من المسافرين اول مرة يسافروا شنجن و التالت سافر قبل كده شنجن
الناس هنا في الكومنتات باسم الله ما شاء الله بتفتي كتير جدا
البصمة دي حاجة روتينة عادية بيتاكد من هويتك أنك الشخص صاحب الباسبور مالهاش علاقة اخدت شنجن قبل كدا أو سافرت قبل كدا ولا ليها علاقة بأي حاجة
ياسيدى عادى جدا هو لما بيبص فى صورة الجواز وكانت قديمة شوية ممكن يبصمك علشان يطابقها بالبصمة المسجلة عنده فى قاعدة البيانات وانا تانى مرة اسافر وضابطة الجوازات اخدت بصمتى وختمتلى دخول وعلى فكرة مش انا بس فيه ناس كتير حصلهم الموقف ده
ده اجراء امنى عشان يتاكد من هويتك .. ممكن شكلك في الباسبور غير شكلك في الحقيقه .. فبيطابق البصمه بتاعتك باللي عنده علي السيستم ..
مثلا الصينيين كلهم شبه بعض ، فالضابط في اوربا بيتعفرت ، فبيخليهم يبصموا ويريح نفسه ..
دى حاجة عادية جدا يا جماعة وملهاش علاقة اول مرة ولا الكلام دا
دي بس حاجة بتاكدلهم ان دا هو فعلا الشخص وفى ناس اوقات شكلها بيكون متغير جدا عن الصورة اللي قدّامه ومرة حصلت معايا وسألته قالي شكل الصورة متغير
