A
Ahmed Ibrahim
:: مسافر ::
أنا بس عايز أرد على الناس اللي بتقول التصريح الأمنى إجراء روتينى وبيطلع عادي ولو معندكش مشكلة هيطلع بسرعة.....أنا كنت مسافر أحضر إجتماع عمل في تركيا عشان شركتنا المكتب الإقليمي هناك وقدمت ع التصريح عادي وروحت أستلمه في الميعاد الضابط قاللي عندك مشكلة أمنيه ومش هيطلعلك تصريح حاولت أتكلم معاه وأفهم قعد يتخانق ويتكلم بكل قلة ذوق....بإختصار قبل ميعاد السفر بيومين جبت واسطة جامدة فشخ جابتلي ورق المراسلة بين مكتب الاتصال والأمن الوطني والبهوات كانوا كاتبين اسمي غلط عشان كدة التصريح مطلعش وصلحوه وطلع التصريح في نفس اليوم.....يعني سفري كان هيتلغي وشغلي يتأثر بسبب موظف بصمجي مابيعرفش يقرا كويس....بس التصريح الأمنى سهل وحاجة روتينية