شباب أنا في بشتغل في شركة خاصة ومثبت ده في...

[Solo Traveler]

شباب أنا في بشتغل في شركة خاصة ومثبت ده في باسبوري. روحت سألت عن التصريح الأمني عشان أسافر ماليزيا قالولي مالكيش تصريح أمني بس طلوعك يعتمد علي رأي ضابط المطار! ده يعني أني ممكن أرجع من المطار؟؟!! ورأيه ده بيعتمد على ايه! وهل ممكن أخد جواب من الHR يعزز موقفي في المطار أني رايحة وراجعة تاني خلال المدة اللي محدداها. أرجو النشر عشان أنا بحجز خلاص

 

[Moutaz Mohamed]

ده كلام مظبوط
لاسف بقت تعتمد علي راي ظابط الجوازات اذا كان مرتاح لشكل حضرتك او لا
بس عموما لو ظابط الجوازات رخم قوليلوا انا رحت و قالو ملكش

 

[Ziad Ragab]

بالنسبة لي لو ظابط المطار رجعني هطلع أي آلة حادة و أموت نفسي

 

[محمد أبو المجد]

هو السفر كمان فى مصر بقا بإذن ههههههه دولة الهلاهؤه. أعتقد مفيش إنسان حر هيرضى أنه يعيش فى السجن المصرى بعد كده

 

[Semsema Ahmed]

عملها معايا البيه ظابط المطار وانا رايحة دبي وكان معايا فيزا وحجوزات وكل حاجة قعد باة اسئلة معاكي كام ومسافرة ليه وعشان ايه ورايحة تعملي سياحة برة ليه مروحتيش وادي الريان وباباكي بيشتغل ايه ووريني متيثبت انه شغال ف الجامعة طب هل منطقي واحدة مسافرة تاخد مايثبت شغل باباها مش شغلها هي حتي ورغي رغي كتير

 

[Amira Youssef]

خدى معاكى شهادة التخرج وكونفرم بحجز الاوتيل والتذكرة رايح راجع
واى ورق تانى مثلا لو حاجزة طيران داخلى هناك ..

 

[Abd Elaziz Abd Elmnem]

حجز الفندق الماكد وحجز الطيران ذهاب وعوده و٢٠٠٠$ او ١٠٠٠$ ع الاقل وان شاء الله الامور تمشي علي خير