لو عايزه اعمل عمره ايه افضل وقت وميكونش زحمة...

[Rana Ali]

لو عايزه اعمل عمره ايه افضل وقت وميكونش زحمة واروح طياره ولا باخره واحسن الفنادق هناك ايه والتكلفة اد ايه تقريبا شكرا ليكوا ياريت تفيدوني

 

[Moutaz Mohamed]

Islam Mohamed Elhady

 

[Moutaz Mohamed]

Ahmed Anwar

 

[Mira Nasr]

فوتي عمرة المولد النبوي و احجزي بعدها يفضل تروحي من شهر 12 الى شهر 2 .. درجة الحراره بتكون معقوله.. و التقديم لازم عن طريق شركه

 

[Ahmed Samy]

افضل وقت هو شهر محرم من كل عام الكعبة بتكون فاضية

 

[Mohamed Nabil El Bana]

اولا الوقت ده حتى نهاية شوال بيكون زحام لأنهم موسم العمرة مدوا حتى نهاية شوال ثانيا الطيران افضل و ثالثا عمرة المولد النبوي الشريف بيكون الوقت اخف زحاما و لكن لازم يأخذ فى الحسبان أن المسجد الحرام بيكون زحام طول السنة

 

[Moatasem Elnily]

بعد الحج مباشرة أحجزى
تقريبا مكة فاضية
فيه فنادق كتير و أسعارها حلوه فى الفترة دى
حسب إمكانياتك 5 أو 4 أو 3 نجوم

 

[Ahmed Elshahat]

افضل عمرة هى اول ما يفتح الموسم بتاع العمرة على طول اول رحلة عمرة بعد موسم الحج
الاسعار ارخص
الحرم فى افضى اوقاته - فى ايام فى وسط الاسبوع على الساعة 2 او 3 بالليل ممكن تلمس الحجر الاسود بسهولة عن اى وقت تانى

 

[Mira Nasr]

النقطه الاهم ان لازم يكون معاكي محرم لو اقل من 45 سنه حتى لو مع شركه

 

[Ahmed Elkhayat]

ارخص وقت اليومين دوول لحد رمضان، لا انصح بالباخرة تماما

 

[Ahmed Elshahat]

الباخرة هتوديك لضباء وبين ضباء ومكة اكثر من 1000 كيلو هتخدهم اتوبيس حوالى 16 ساعة

 

[Mohamed Alsayed]

العمره بتقفل بعد رمضان لحد الحج وبعد الحج بتفضل قافله برضو لحد مولد النبي

 

[Abeer Rashed]

العمرة بتقفل من بعد رمضان للحج
فلو تقدرى تحجزى الان يبقى افضل
بس طبعا دا يعتبر هاى سيزون و هتبقى التكلفة اغلى
خصوصا بعد انهيار الجنية و ارتفاع الريال بشكل كبير
افضل الشركات ممكن الطيار ترى جولى و فيه طبعا اعلى روح
و فيه اقا من كدة حسب امكانياتك
طبعا لو السن اقل من 45 سنة يبقى لازم محرم و المحرم يعنى زوج او اخ او اب

فى مكة و المدينة يفضل طبعا الفنادق القريبة من الحرم
بس المدينة لو بعيدة شوية مفيش مشكلة لان الشوارع ممهدة و ممكن المشى براحتك
فى مكة بفضل جدا الفنادق القريبة علشان تلحقى كل الصلوات داخل الحرم و تقدرى تقعدى براحتك
احياينا بيقفلوا الدخول قبل الصلاة ب نص ساعة علشان الزحام

لو ملحقتيش فى السيزون دا
كنا فى السنوات السابقة بتفتح العمرة تانى من اول شهر محرم تقريبا او صفر و كانت بتسمى عمرة مولد النبى
و كان بيكون الطقس هناك كويس جدا
السنة دى فى مصر قفلوها و اقتصروا الامر فقط على رجب و شعبان و رمضان

 

[Marwa Elshnnawy]

Walid Mohamed Helmy

 

[محمد فؤاد شريف]

العمرة اتحددت فى مصر 3شهور فقط
رجب وشعبان ورمضان وهذا للعلم

 

[Mahmoud El Kak]

اولا العمره تتم عن طريق شركات السياحه مينفعش تعمل ذي اي رحله سياحيه
ثانيا أفضل لأوقات بعد الحج في عمرة محرم

 

[Abeer ElGendi]

افضي وقت اللي بيكون بعد العيد الكبير يعني في شهر 10 بتبقي رايقه خاااااالص

 

[أبو محمد]

والله يا جماعة أحسن حاجة في الدنيا العمرة والله بتنسى الدنيا وما فيها يا رب سهلها للمسلمين كلهم يا رب

 

[Fatma Hussien]

العمره بتقفل ده في مصر بس ولا السعوديه نفسها

 

[Yasser Adel Mourad]

اوعى و احذرك انك تروحى باخره. .قمه المهانه و الذل