يا جماعة جالي استفسارات كتيرة عن فيزا سريلانكا...

[Jiji Hashem]

يا جماعة جالي استفسارات كتيرة عن فيزا سريلانكا في طريقتين السفارة او اونلاين ... انا بشتغل في السفارة و افضل عن طريقنا اسهل واضمن والاوراق المطلوبة هي: صورتين خلفية بيضا .... حجز طيران.... ذهاب و عودة مؤكد.... حجز الفندق ...... استمارة هتملاها في السفارة ..... و ٦٥٠ جنيه .، وطبعا يكون معاك الباسبور..... و في خلال اسبوع او اقل بتاخدها و دي بالنسبة للفيزا السياحية.... هقولوكوا علي الفيزا البيزنيس بعدين .... اي استفسار ؟؟...

 

[Mohamed Sanad]

ليه عن طريق السفارة اضمن... هوا فيه مشكلة بتحصل من الاونلاين ؟؟

 

[Eslam Elsayed Elmahdy]

شكرا جداااا

 

[Jiji Hashem]

في الحقيقة ساعات الناس بتغلط في الداتا اللي بتدخلها علي السايت ... و ده عامل مشاكل كتير اووي ... و اخيرا بيضطروا يرجعوهوم من مطار كولومبو ... و السفارة مبتقدرش تساعدهم

 

[Jiji Hashem]

لو من السفارة احنا بناخد مسئولية كاملة ...

 

[Maro K Maro]

مفيش مدد طويلة او مثلا لو واحد اخد فيزا سياحة وحب يمد هناك ممكن ولا لا؟

 

[Jiji Hashem]

اجراء اننا ناخد الفيزا من المطار ده اتلغي من زماان.. اللي باسبور المصري لازم ياخد موافقة قبل السفر ...

 

[Jiji Hashem]

خطاب من جهة العمل او حساب بنكي ده مش لازم اوي ... بس طبعا اسأل عني وانا هساعداك

 

[Jiji Hashem]

احنا بندي شهر بس هناك لكن لو حد عاوز يمد لازم من هناك و ده لازم يكون في سبب وجيه لكده ..

 

[Islam Fares]

انا كنت معتقد ان سيريلانكا المصريين بياخدوا تأشيرتها عند الوصول

 

[Jiji Hashem]

لا ابدا يا مستر اسلام الإجراءات دي اتلغت تماماً

 

[Jiji Hashem]

الصلاحية بتاعتها بتبقي ٣ شهور من تاريخ الاصدار يعني نقدر نسافر في خلال ٣ شهور من تاريخ للموافقة لكن هناك شهر بس

 

[Ahmed Mohamed]

هي لو اونلاين بندفع 650 جنيه برضو ولا بندفع اكثر بالدولار ؟

 

[Semsema Ahmed]

Ehsan Mohamead Wageah
نروح سريلانكا ط

 

[Jiji Hashem]

يا اسلام كبابي الطبيعة تحفة هناك .. انا سافرت متير ولفتها تقريبا كلها .. وبالنسبة للغة هما اساسي بيتكلموا انجليزي بس الشغل لازم بقي حد يظبطك هناك .، لكن هما بيحتاجوا ناس تتكلم عربي اوووووووي... احنا بالنسبة لهم عباقرة عشان بنتكلم اللغة دي ...

 

[Jiji Hashem]

لو اولاين هتكون ٣٥ دولار و هتدفع طبعا بالكريديت بتاعك

 

[Maro K Maro]

يعنى لو حد سافر هناك فيزا سياحة ممكن يلاقى شغل خصوصا الانجلش بتاعه كويس ولا صعب يلاقى شغل؟

 

[Ahmed Ali]

يعني لو الواحد سافر هناك علشان يشتغل هيلاقي شغل ولا لا ارجو الرد ضروري

 

[Jiji Hashem]

اتلفت من حوالي ٣ سنين .. بالنسبة للخليجيين اتلفت برده بس مش عارفة من امتي ... هم لغوها لكل الجنسيات بس الفرق هو المدة اللي بتاخدها الموافقة تختلف من جنسية والتانية .. يعني مثلا لو معاك باسبور امريكي.. بتاخدها في ٢٤ ساعة بس

 

[Jiji Hashem]

اساسي هتلاقي شغل بس لازم يكون معاك شهادة متميزة ...او بتعمل حاجة مختلفة .... بس المرتبات بتاعتهم مش اوي والايجارات غالية اووووي