عايزة رد ف اسرع وقت انا دلوقتي رايحة تركيا ان...

  • بادئ الموضوع بادئ الموضوع Hagger Muhammad
  • تاريخ البدء تاريخ البدء
عرض العطلة
H

Hagger Muhammad

:: مسافر ::
#1
عايزة رد ف اسرع وقت
انا دلوقتي رايحة تركيا ان شاء الله الفيزا بتاعتي سينجل ٤٥ يوم
وكنت ناوية اروح جورجيا (معايا e-visa) من تركيا بري وارجع من هناك على مصر
انا كده فعلا بالنسبه لتركيا هكون كاسرة الڤيزا؟!!

حد جرب يدخل جورجيا بري بe visa قبل كده؟ ولا لازم طيران؟

لو حجزت التيكت مالتي سيتي. القاهره اسطنبول. اسطنبول تبليسي. تبلسي القاهره. هيسألوني في المطار هنا على تصريح امني لجورجيا؟

وانا مش فاهمة موضوع السينجل انتري و المالتبل انتري. يعني ينفع اروح جورجيا بري و ارجع على تركيا تاني و بعدين ارجع من تركيا على مصر (بوابة الدخول نفس بوابة الخروج) ولا مش هينفع ادخلها تاني؟ ياريت حد فاهم يرد
 
#4
Single entry لو ختمتي خروج من تركيا مش مسموح لك تدخلي تركيا تاني الا لو ترانزيت في نفس المطار و متخرجيش من المطار
 
#5
اتاكدى الاول اذا كانت الفيزا الالكترونيه تنفع تستخدم برى ولا فى المطار فقط... عمرو بدوى كان معاه فيزا تركيا الكترونى و حاول يدخل بيها من چورجيا بري لكن رجعوه تانى لانها تصلح فى حالة الطيران فقط، فممكن يكون نفس الموضوع فى فيزا چورچيا الالكترونيه Amr Badawy - عمرو بدوي
 
عرض العطلة
#7
١) فيزا سنجل يبقى دخول تركيا مره واحده فقط.
٢) من تركيا ممكن تتدخلى جورجيا جوي عن طريق طيران Pegasus وده مش غالى.
٣) يبقى الطيران القاهره اسطنبول - تبليسى القاهره
٤) لا اعتقد هايسألوا على تصريح جورجيا وانتى راجعه الكلام ده بيكون وانتى مسافره لمن انا مش متأكد من النقطه دي
 
#8
التصريح الامني وانتي خارجه بس من مصر وعموما كدا كدا البلدين التي رايحاهم محتاجين تصريح امني سواء تركيا او جورجيا
 
#9
Hagger Muhammad
سواء جوي أو بري أو بحري ولا حتي مشي
لازم بتاخدي ختم دخول و خروج
و إجباري ختم الخروج دة لأنك مش خارجة تهريب دة أولآ
ثانيآ
عشان تدخلي جورجيا
لازم ختم دخول و إذا مكانش معاكي ختم خروج مش هايدخلك و هاتتحجزي و يتحقق معاكي
فكك م كلام الناس دة
دي مش محطة رمسيس و شبرا هناك
و ع فكرة الكلام دة عن تجربة
أهم حاجة تخرجي م البلد قبل ميعادك بيوم أو يومين
 
#10
اكيد مش هتبقي كاسرة عادي جدا خروج و دخول من اي مخرج جوي او بري
اه بيرخموا ساعات في البري بالفيزة الالكتروينة بس نصيحة ابعدي عن البري
انا اخدها من تيبلسي لانقرة قي ٢٤ ساعة و كانت موهقة جدااا
طيران بيجاسوس لو حجزتي قبلها ممكن يبقي في حدود ٢٠٠ ليرة بس
متقدريش ترجي تركيا تاني الا لو فيزتك مالتي
 
عرض العطلة
#15
مس هينفع تروحي جورجيا بري بفيزا الكترونيه...ومش هينفع تخشي جورجيا اصلا بدون فيزا جورجيا..ومش هينفع ترجعي تركيا تاني..بصي جورجيا اصلا مالهاش لازمه كل اللي عاوزاه واكتر واجمل موحود في تركيا. شلالات ومنلظر طبيعيه شوبنج فسح سهر بحر تلج واكل جميل كله ده موجود في تركيا وفري وقتك وفلوسك واقضي اطول وقت في تركيا
 
عرض العطلة
#17
لأ مش كاسرة الفيزا ولا حاجة انتي طلعتي خلاص تروحي أي مكان عادي

الفيزا الألكترونية تدخلي بيها جورجيا بري عادي جدا أنا مجرب الموضوع بنفسي
 
#19
انتي طلعي تصريح لأول دوله انتي رايحاها وملهمش يسألوا عن البلد التانيه لأنك مش طلعاها من مصر .. والسنجل انتري دخول مره واحده بس يعني لو روحتي جورجيا بعد كده لازم تخرجي من جورجيا مش حاينفع تدخلي تاني تركيا الا لو معاكي تشنجن او فيزا أمريكا ممكن تطلعي فيزا اونلاين لتركيا
 
عرض العطلة
عرض العطلة
عرض العطلة
أعلى أسفل
عودة
قائمة