A
Amr Fadlallah
:: مسافر ::
أيسيك تقدر تسافر معاها أكتر من 140 دولة .. أنا لسه راجع من أوكرانيا، استفدت جدا من فترة تواجدي هناك والناس هنا وهناك عملوا اللي عليهم وزيادة والباقي كله عليك انت، انت بتسافر كجلوبال ڤالنتير، عايز تشتغل وتستفيد هتشتغل وتستفيد عايزها فسحة وسيلفيات هتعرف تعمل دا، انت بالنسبة لهم شخص بالغ مسئول عن قراراته .. وممكن أسافر أي دولة في أوروبا حاليا لو عايز بس مش معايا فلوس لدا .. أيسيك مش مكتب سياحة، هي بس بتساعدك تاخد تأشيرة البلد اللي انت رايحها وبتحاوطك بدايرة معارف هايلة وبتديك مجال شغل (تطوعي وساعات براتب) وبتقابل ناس من كل حتة في الدنيا، يا ريت اللي عنده خبرة مبنية عن تجربة سابقة يحكيها واللي معندوش يبطل هري. أيسيك منظمة ناجحة جدا، أنا مش ميمبر في أيسيك لحد يفتكر اني بدافع عنهم للسبب دا، ودا ميمنعش إنه في أخطاء. إنما الكلام العايم بتاع منظمة فاشلة وبتسفر الهند بس دا كلام غير موضوعي بالمرة .. أيسيك مسفرة زميلي في السكن لما كنت في أوكرانيا تسع دول منهم المغرب وبولندا وروسيا وغيرها .. العاشرة كانت أوكرانيا (المدة أربع سنين) .. موقع المنظمة موجود ومحدش يقدر يجبرك تسافر دولة انت مش عايزها ولا تشارك في نشاط انت مش حابه .. نبطل هري بقى الله يرضى عنكم ونقول كلام موزون