بعذ اذن الادمن يا جماعه aiesec منظمه فشله...

  • بادئ الموضوع بادئ الموضوع Konsh Salah
  • تاريخ البدء تاريخ البدء
K

Konsh Salah

:: مسافر ::
بعذ اذن الادمن
يا جماعه aiesec منظمه فشله جدا ف مصر و محدوده التعامل اخرها الهند ، و الهند افشل من مصر بجد لو اول مرة تسافر بلاش تطلع معاهم نهائي. دي تجربه شخصيه مش بيفرق معهم حد و لا حاجه غير التارجت بس لوضعك بره عامل ازاي و لا الناس بتتعامل معاك
فشله جداً اقسم بالله
تحديث
بسم الله الرحمن الرحيم
انا سافرت الهند ف professional مش تطوع و فالحاله دي بيكون الهند بس ع الرغم من وجود فرص ف كل دول العالم بس معظم الفرص بنسبه كبيره جدا جدا جدا توصل ٩٠٪‏ الهند و ده بشهادة الهنود ذات نفسهم .
اولا هو بيمشي معاك لحد لما تعمل الانترفيو و ضغط و اهتمام و ضغط رهيب ( علشان الترجت مش اكتر )
ايزك ف الهند فاشله جدا ، و بسبب اننا مش بنسافر غير الهند بشكل كبير لدرجة انهم مبقوش عايزين مصريين ،
اولا كنت مسافر ع عقد marketing روحت هناك لقيت الوضع مختلف تماما عن ال job description و اتكلمت مع الناس و محلوش اي حاجه لقيت نفسي بشتغل ف ال sales موقفتش الدنيا و قلت عادي لان ده ممكن يحصل و مش مشكله المهم اني اتعلم زمايلي ف الشغل كانو رافضين تماما انهم يسعدوني بشكل ( عنصري ) انا الوحيد الل كنت اجنبي معاهم ف الاداره دي و اصلا المفروض انها تبقي شركة محترمه لكن هي كانت شركة ف السطح بمعني الكلمه و لسه جديده و بتبيع فنكوش للناس .
الناس كان بتتعمد انها متعلمنيش او تفيدك باي شكل حتي لو سالت او حاولت تعزف لوحدك كانو بيسوحوك و بتوع ايزك الهند لما كنت بحكي الكلام ده ليهم مساعدونيش عير لما اتحولت عليهم ف الكلام اني هاخد اكشن تجاههم و حصلت مشاكل كتير مع صاحب الشركه لانه طلع حد مجنون و بيجيب اجانب علشان يقول انا عندي اجانب مش علشان يفيدوه او يستفادو منه ( ربنا شاهد عليا حاولت كذا مره اني اطور من الشغل و اتكلم معاه ع افكار جديده و اخلق فرصه لنفسي بس هو كان مبيسمعش غير للطقم الهندي اللي معاه اللي هما اصلا رفضين يساعدو لدرجه انهم ممكن يخبو الورق مني علشان معرفش التحديثات اللي حصلت ))
سبت الشغل و قعدت ف الييت لمده طويله ٣ شهور و محدش عمل اي حاجه مفيده و لحد جاب فرصه غيرها و لحد خد اكشن معاهم او مع الشركه كلهم ف ال لا لا لاند مش عايزين يبينو فشلهم و شغل عيل صغيره الهند فيها ٢٨ lc رفضو انهم يسالو علي فرصه تانيه حفاظا ع شكلهم و مش مهم ان ف راجل هنا جي عايز يتعلم و لو اشتغلت بره ايزك هيعملولك بان نهائي من ايزك يعني مفيش حل غير انك تستني لحد لما يتصرفو ،.
اما مصر بقي جابو فرص بس ف مجالات تانيه و اللي هو نظام ده اللي موجود و ده اللي لقيته و انت لازم تقعد مده اطول علشان اجيبلك حاجه مع العلم انهم فاهمين اني واخد اجازه من شغل ٦ شهور بالعافيه نظام ده اللي موجود او اقعد مده اطول الكلام ده بعد شهر ونص و بعد كده حول لنظام تاني و هو ده المتاح .
بعت ايميل للمسؤلين لاداة ايزاك العالميه ردو عليا ف ساعتها و نفخهم و بعد كلهم تواصلو معايا عالرغم اني كنت بعت للمسئولين فالهند و مصر قبلها محدش رد خلاص
انا تجربتي كانت سيئه جدا جدا جدا جدا ف الهند مع ايزك ده مش معناه ان الهند واحشه لكن ايزك هناك سئ جدا و ايزك ف مصر بشهادة الجميع هي رقم واحد ف انها تسفر ناس ع مستوي العالم و بالتالي المتابعه بتبيي سيئه جدا جدا
١-كان معايا حد زهق من الوضع و نزل مصر
٢- معايا حد ساب الشغل و فنفس موقفي و نفس الشركة و قاعد ف البيت برده ( يعني العيب مش فيا انا )
٣-الحلول المطروحه مش زي مكنت متوقع خالص
٤- الموضوع كله بقي متمركز ف الترجت بس مش ف الخبره او الاستفاده من التجربه
٥- السفر مفيد و مهم انا عشت تجربه سيئه مستفدتش ع المستوي المهني لكن استفدت ع المستوي الشخصي
خلصت القول لو عرفت تسافر مع نفسك هيبقي افيد من انك تسافر معاهم لان كده كده هما مش بيعرفو يجيبو دول الفيزا بتاعتها صعبه يعني تقدر تروح الدول دي من غيرهم و ممكن تشتغل و تظبط حالك لوحدك من غيرهم سهله و احسن و فرص اكتر
 
انا سافرت قبل كده مع AIESEC GUC في صيف ٢٠١٤ بلغاريا هما فعلا مش بيهتموا اوي بالواحد بس انت لازم تزن في اي اجراء عاوز تعمله
الحاجة المفيدة ان الموقع بتاعهم فاتحلك كل البلاد في العالم وانت تقدر تتواصل مع اي بلد عاوز تروحها وتتكلم مع aiesec اللي هناك وبيعموا الانترفيو معاك ويبعتولك ده بيوفر عليك الاقامة شهر ونص وساعات وجبات في ايام الشغل
هي مش منظومة فاشلة بس في مصر هي مش منظمة اوي لكن بتوفر فرص حلوة كتير وفي بلاد كتير مش بس الهند
 
بس ده اكيد وجهه نظرك علشان فى ناس كتير سافرت ورجعت مكلمتش زيك انا بكلمك بصراحه وانا من الناس لكنت هسفر اختى بس ماديا مقدرتش
متزعلش منى اكيد العيب مش فيهم العيب فيك
 
انا كمان كنت معاهم لمدة سنه في ٢٠١٣ وفي خلال السنه ماشوفتش اي عروض شغل الا في للهند، برازيل روسيا وكولمبيا حتى بولندا اللي كنت عايز اروحها مالقتش وراحت فلوسي هدر
 
انا شخصيا سافرت معاهم السنه الي فاتت روسيا وكانت اول سفريه ليا واستمتعت بيها جدا واعرف ناس شخصيا راحت العند رجعت مبسوطه جدا اه في الهند في مدن فيها ايزيك مش كويسه بس في المقابل برضو في مدن كويسه في الهند كويسه بروفشنال جدا كمان
 
احييك على البوست
انا بعتبر ايزيك مافيا فعليا وحرفيا
من اوسخ الحاجات اللي اتعملت في مصر تجار المخدرات انضف منهم
 


أكتب ردك...