A
Abdul Salam Sayed
:: مسافر ::
صباح الروقان وجمعه مباركه عليكم يا جماعه الخير .. اثناء رحلة البحث عن الذات العقيمه فى بلدنا المحروسه تقطعت السبل واتصلت فى منحه تبع جامعه الشرق الادني فى قبرص التابعه لتركيا ده على حسب كلام المندوب المعلن .. انا عجبتني فكره ان كل التخصصات متاحه .. بس فيه كام نقطه شغلت بالى .. المصاريف هتبقا 1700 يورو فى السنه ده خارجعن الاقامه والسكن طبعا .. سالته قالى بتتكلف من 300 ل 500 ليره ديه بالنسبه للاقامه بس بالنسبه لاني لا افقه شيئ فى اجراءات السفر ومش فاهم الفرق بين الاقامه والتاشيره بس هو قالى بتاخد الاقامه كطالب وبالنسبه للسكن الجامعه بتوفره بس بيبقا اجمالى تكاليف من 2800 ل 5400 علي حسب نوع الخدمه وبالنسبه لان مافيش حد بيصرف عليا واني لسه بعافر اني الاقي شغل ثابت فبالنسبالى الارقام ديه تعتبر تعجيزيه نوعا ما بس عادي مقدور عليها لكن الفكره هنا هتبقا في تكاليف المعيشه هناك وفرص اني الاقي شغل جنب الجامعه لان اكيد ال1700 دول هيوصلو 2000 وزياده على ما اعتقد يعني وانا مش مستعد اني اخد قرار فى وقت زي ده يندمني على نفسي كمان كام شهر انا عارف انها مساله فكر وقناعه اني اقدر احقق الى انا عايزه فانا بناقش معاكو الخيارات الى هتبقا متاحه ولو لقيت انها هتبقا مجرد رفاهيه سهل الاستغناء عنها اكيد هعيد النظر فى الفكره بشكل عام .. بس مهم جدا بالنسبالى اني ارجع لطريق كنت سايبه من فتره كبيره لظروف بس زهقت من كتر مانا مستسلم وفاقد املي فى اى شهاده من البلد دي بصراحه وفى نفس الوقت هي مش مهمه باالنسبالى هنا بس لان حياتي حاليا مش متوقفه عليها بس اهو سلم الانجازات عايز يكمل .. معلش طولت عليكو بس محتاج رايكو بجد