البوست ليس للسخرية الناس اللى سافرت اوروبا...

  • بادئ الموضوع بادئ الموضوع Hazem Kotb
  • تاريخ البدء تاريخ البدء
عرض العطلة
#21
جالى اكتئاب اه ... هو مش بيروح هو بيقل مش اكتر بيخلى عندك دايما احساس انك عايز تسافر تانى او تسيب البلد ... وبيتجدد الاكتئاب مع كل سفرية
 
#23
مشكلة مصر فينا احنا في سلوكياتنا ، تلاقي الواحد فينا ملتزم بالقوانين حرفياً برا. يجي في شوارع بلدة ونبدأ الهرجله ، وبالنسبة للمسؤولين طالما حضرتك شايف الزباله ماليه الشارع عندك ومفكرتش تعترض علي رئيس الحي. هيفضل رئيس الحي مستمر في السرقه ، وطالما راضي اني تمشي علي طريق غير ممهد يبقي سيادة الوزير الحرامي هيكون فخور بيك .وهكذا مع كل المسؤولين. عندنا سلبيه في التعامل معاهم تشجع أي مسئول علي السرقه والمشي البطال . لكن بلدنا هي فعلا اجمل بلد في الكون ومشوفتش زيها .
 
#24
انا عندي عم عبده البواب بيجيب لي طلباتي و انا باشا هم مافيش هنا المحلات فاتحه لقرب الفجر هناك مافيش هنا ساكن في اقل حاجه 2 اوضه و صاله هناك استديو تزق الشباك برجلك و انت علي الباب هنا لو جعت هتلاقي الف هناك لا و كتيييييير
 
عرض العطلة
#26
الاكتئاب تبدأ أعراضه عندي في مطار الدولة الأوروبية اللي انا فيها ويكمل معيا أسبوع إلى 10 أيام كده الوقت اللي استوعب فيه اني رجعت للقاهرة، يمكن انك تخفف منه أول ماترجع تسافر داخل مصر يومين حتفرق معك، لان تلوث الجو في القاهرة عنده دور كبير في حكاية الاكتئاب
 
#30
احساس طبيعي جدا اسمه Culture shock
او الصدمة الحضارية
وعلى فكرة الاكتئاب هايجيلك لو سافرت حتى محافظة تانيه فى مصر وقضيت يومين حلوين وبعدين رجعت لحياتك وشغلك وروتينك
وعلى فكرة بردو الاوروبيين لما بينزلوا مصر سياحه اسبوع ويرجعوا بلدهم بيجلهم اكتئاب
انتوا بس اللى رابطين الاكتئاب بالسفر كالعاده يعنى
انا عن نفسي اول مره سفر بس حسيت احساس غريب لما رجعت مصر من اختلاف نمط الحياه وبعد كده اتاقلمت تانى واديني عايش فى هولندا بقالى سنين وباحلم باليوم اللى بانزل فيه مصر
 
عرض العطلة
#31
أول ما الطيارة بتدخل ارض الوطن بيجيلي اكتئاب وبقعد كذا يوم مش مستوعبه اني رجعت تاني خصوصا اني من سكان القاهرة حيث التراب والعفار والزحمه والكلاكسات يعني حتى لو سافرت بره القاهرة ورجعتلها تاني بحس بنفس الاكتئاب بس كله بيعدي بقى والاكتئاب بياخدله كام يوم لحد ما افوق منه
 
#33
انا من قبل ما اسافر اصلا بيجيلى اكتئاب انى هسافر وارجع تانى
لما بتسافر برا مصر خصوصا لو اول مره بيجيلك صدمه حضاريه وبيصعب عليك نفسك انك ضيعت عمرك فى البلد دى وبيصعب عليك انك اهلك انهم عايشين فى البلد دى
 
#35
تبدأ اعراض الاكتئاب بمجرد وصولى المكتب الخاص بشركة مصر للطيران للحصول على بوردنج للعودة إلى تراب الوطن ويتزايد الاكتاب بوصولى باب الطائرة ومع الدخول للأجواء المصرية ينتابنى شعور باختناق مع ضيق فى الصدر وبابقى مش طايق نفسى ويستمر الاكتئاب لمدة من اسبوع لاسبوعين مع حالة صمت وحسرة لحين التعود مره اخرى على القضاء والقدر
 
عرض العطلة
#36
انا حياتي اتغيرت للاحسن كان نفسي بلدي تكون زي لندن بس اما رجعت انصدمت بالواقع حاولت تعيش بس بجد تعبت جدا جدا سافرت تاني كان نفسي اكمل برة بس بعد ١٠ سنين ارف سافرت اشتغل قطر كنت مبسوطة بردو بقول لي مصر مش كدة لوفي راتب كويس بلدي نظيفة والله مااسيب بلدي انا برة مصر كنت صراحة بشتاق لاهلي اصحابي جو مصر
 
#38
لما رجعت كنت حاسس اني غريب في مصر
رغم انها مكانتشي فترة طويلة في أوروبا ومع ذلك كنت حاسس ان وجودي في مصر مجرد وضع مؤقت
 
#39
أنا بكون مبسوط أن الرحلة عديت علي خير ورجعت وأسرتي بالسلامة وبرؤية أمي واخواتي، وبفضل أسبوع أكل جبنه بيضا وطماطم وولادي بيكونوا مبسوطين ويروحوا لصحابهم، بس زوجتي العزيزة بتبقي زعلانه شويه، وكان احساسي زماني اني كنت في فيلم بالألوان ورجعت لفيلم أبيض وأسود. السفر جميل بس مستغناش عن بلدي.
 
#40
هى اول صدمه ممكن تقابلها فى الجوازات والله لو عازمينا فى بيتهم و هيدونا فلوس اكيد المعامبه ممكن تكون احسن ده الظابط وبعدين بعد كده امين شرطه يتاكد ان الظابط ختملك ... مسخره طبعا ... وبعد بتاع الجمارك اللى بحركه بهلوانيه و دبل كيك يفتح الباسبور بتاعك على اى صفحه و يسالك اعظم سؤال جاى منين ومعاك ايه و يبصلك وكانه مركب اشعه تحت الحمراء فى عينه و هيكنشف معاك ايه ... و اخيرا الصراع الابدى مع سواقين التاكسى ... واخيرا اهلا بيك فى مصر
 
عرض العطلة
عرض العطلة
عرض العطلة
أعلى أسفل
عودة
قائمة