M
Marwa Ayyad
:: مسافر ::
موضوع السفر لوحدك و هتتبسطي ولا لاء ده مرتبط بشخصيتك انا سافرت لوحدي اسبوع و استمتعت و كانت من احلى الحاجات العملتها في حياتي، لو اخذتي القرار انك تسفري لوحدك ماتسفريش بفلوس كاش كتير اعتمدي اكتر على كروت السحب امان اكتر متتاخريش برة بعد 9/10بالكثير اوي بالذات في اوروبا
لو عايزة تسفري لوحدك و تبقي حاسة بأمان شوية ممكن تظبطي مع شركة سياحة تطلعي مع جروب ومش لازم تلتزمي بالبرنامج بتاعهم
لو عايزة تسفري لوحدك و تبقي حاسة بأمان شوية ممكن تظبطي مع شركة سياحة تطلعي مع جروب ومش لازم تلتزمي بالبرنامج بتاعهم
A
Amir Adel
:: مسافر ::
عن تجربه السفر لوحدك امتع مليون مره من الرفاق لسبب مهم ، مهما كنت انت و مرافقك متطابقين بردو في اختلاف بيمنعكوانك تستغلي كل لحزه لمتعتك . يعتي هو عاوز يسمع مزيكا و انت بتخبي اللوحات والتماثيل . هو بيسهر وانت بتصحي بدري . حاجه من دول هتبوظ الرحله و متستفاديش بكل لحظه لكن لوحظك هتبقي انت بتقرري تختاري تعمل ايه كل لحظه و تتمتعي
A
Ahmed Moftah
:: مسافر ::
ده ليه ميزة و عيب و ده ليه عيب و ميزة ... انا جربت السفر بره و هناك مع حد و لوحدي . نبدأ مع حد الميزة انك ها تحسي بالأمان لأنك مثلا لو بره مش ها تسهري لوحدك لكن لو معاكي حد ها تكوني مطمنه لان اي حد بره بيخاف من الشله .. لكن العيب أن ممكن كل واحد عنده هدف من الرحلة و الطباع مختلفة لازم يكون في تنازل من و محدش بيكون عاوز يتنازل لانه دافع فلوس و عاوز ابسط حاجه ممكن يكون هزاره يضايقك لكن لو المتجوزين الوضع مختلف ..اما بقي انك تسافري لوحدك الميزة انك حرة تكلمي حد ما تكلميش تاكلي اللي عاوزة بس انا بشوف بنات أجانب ديما تسأل السوال ده الفكرة في الاطمئنان
بس ممكن تعرفي علي ناس عادي من
Free walk
بتعمل في الفنادق
بس ممكن تعرفي علي ناس عادي من
Free walk
بتعمل في الفنادق
Y
Yasser Ali
:: مسافر ::
انا من هواة السفر لوحدى لكن الموضوع له مميزات وعيوب .. على سبيل المثال كنت مسافر استراليا من سنه ونص وليا اصدقاء هناك وفى يوم كنا بنتمشى وفجأة جالى هبوط مفاجىء فى الدورة الدمويه ودخلت فى غيبوبه ولولا ستر وعناية ربنا سبحانه وتعالى وصديق ليا كان معايا فى التوقيت ده هو اللى انقذنى وخدنى بالعربيه على اقرب مستشفى ودخلت العناية المركزه والله واعلم لو كنت لوحدى فى الموقف ده كان حصل ايه !!!!!
فى مصر هلاقى مليون واحد ينقذنى والجدعنة والرجوله عندنا موجوده وقت الشده انما بره مصر كل واحد فى حالة والله واعلم كنت هلاقى بنى ادم ينقذنى ولا لا !!!
بس موقفى ده حالة طارئة نادرا ما بتحصل لكن وارد جدا تحصل لاى شخص مهما كان صحته وساعتها هيحتاج ولو شخص واحد فقط معاه .. لكن بشكل عام انا بعشق السفر لوحدى بس لو ليا اصدقاء بنفس تفكيرى اكيد هحب انى اسافر معاهم افضل بكتير .
فى مصر هلاقى مليون واحد ينقذنى والجدعنة والرجوله عندنا موجوده وقت الشده انما بره مصر كل واحد فى حالة والله واعلم كنت هلاقى بنى ادم ينقذنى ولا لا !!!
بس موقفى ده حالة طارئة نادرا ما بتحصل لكن وارد جدا تحصل لاى شخص مهما كان صحته وساعتها هيحتاج ولو شخص واحد فقط معاه .. لكن بشكل عام انا بعشق السفر لوحدى بس لو ليا اصدقاء بنفس تفكيرى اكيد هحب انى اسافر معاهم افضل بكتير .
M
Mohammad Attia
:: مسافر ::
هو الموضوع مش على إجماله ... أنا سافرت 28 بلد منهم 25 مرة كنت وحدى ... من ناحية الخطورة دى بتتوقف على البلد وحالة الأمن فيها وأماكن تحركات حضرتك ... وطبعاً للراجل الموضوع أفضل جداً ... هتستمتعى فى رأئى أكتر مما تتخيلى من مميزات فكرة السفر هى العزلة عما نعرفه ومن نعرفه ... فللمساعدة أكتر يرجى تحديد بلد السفر ... بس فى إحتياطتيات أولية ... مثلاً خلى معاكى جزء قليل من فلوسك وخلى جزء تانى مخبأ فى مكان أمن غير متوقع بحيث لو تم سرقتك أو تهديدك تطلعى المبلغ الأول بهدوء وتقدرى تتحركى بالتانى ... حاولى ما تتأخريش عن 10 مساءاً ... مهم إنك تاخدى معاكى فيزتين بنك واحدة معاكى والتانية مع جزء فلوسك الأكبر فى الفندق ... هيكون عظيم لو معاكى إثباتين شخصية تمشى بواحد وتخلى الباسبور فى الفندق (زى رخصة قيادة مثلاً دولية )
A
Ayman El Semry
:: مسافر ::
لو اول مره يستحسن بلاش اما لو بتسافري يبقي ممكن و الاستمتاع علي حسب دماغك يعني تحبي تجلسي لوحدك و تتأملي الطبيعه و تسمعي موسيقه وًتحبي تمشي تشتري لوحدك و تأكلي لوحدك في بعض الأوقات ده بيكون مطلوب بس مش اكثر من ٥ ايّام و كمان ده يتوقف علي المدينه اللي هتذهبي لها ارشح لكي قبرص صغيره و ملمومه و ممكن تستمتعي لوحدك