A
Ahmed Hassan Egitto Luxor
:: مسافر ::
قصتي مع البرجليدنج بص البرجليدنج ده بيتعمل في جورجيا في مدينه Gudauri بتطلع جبل ارتفاع حوالي اكتر من 4000 متر طبعا الجبل بنطلعه بتفريك بس بيكون مكشوف في خطر الي حدا ما لازم يكون حد قلبه جامد شويه وبيستحمل الارتفاعات بتغير التليفريك مرتين كل 1500 وطبعا كل ما بتعلاه لفوق درجه الحراره بتقل بطريقه صعبه لدرجه اني الشوز بتاعي عمل طبقتين من التلج ووشي ودقني تقريبا عمله تلج برده بس الطيار اللي كان معايا كان بيقولي لازم تحرك رجلك باستمرار وتحط ايدك تحت باطك اول لما ايدك تتلج، وكل اللي فات ده حماده واللي جاي حماده تاني خالص لما توصل بقي اعلي قمه في الجبل بعد اكتر من 40 دقيقة بتضرب نفسك بالجزمه انك طلعت اصلا من الرعب اللي بتشوفه اسف علي اللفظ بس خلاص مش بيبقه قدامك حل غير التنفيذ بتحضر معداتك بتاعت التنفيذ انت و الطيار ويبدا يفرد المظله وانت طبعا لازم تساعده، بعد بقي ما بتبقه جاهزين بتجري انت وياه والمظله بتبدا تفتح اول لما تفتح لازم تدفع لقدام وتنط زي الباشا طبعا سعتها قلبك بينسحب منك بس اول لما بطير بقي بتبدا جمال الموضوع كله والمتعه بتاخد تقريب 25دقيقه متعه وتصوير وفيديو وهو بيسئلك بقي انت وفوق ويقولك قلبك جامد قولته عيب عليك ده انا مصري وصعيدي كمان وياريتني ما قولتله بقي بيعمل بيا خمسات في الجو بقينا راسنا تحت ورجلينا فوق، واول بقي منزلنت جريت احط ايدي في مياه مغليه ولا كان في اي تاثير لحد لما ايدي اتحرقت والله لولا ما شلتها بس للاسف حسيت بالحرق بعدها بساعه ودي حكايتي مع البرجليدنج. اسف للاطاله
