M
Muhammad Rashed
:: مسافر ::
أسعد الله صباحكم أو مساءكم (حسب الوقت اللي الأدمن هاينشر فيه البوست 
)
.
بما إني لسة واخد رحلة طوييييييييلة من القاهرة لفرانكفورت لسان فرانسسكو (٢٤ ساعة .. منهم حوالي ١٧ ساعة طيران ونص ساعة تدقيق أمني عشوائي في فرانكفورت و٣ ساعات تدقيق تاني عشوائي في أمريكا) فأحب اقولكم على شوية نصايح للرحلات الطويلة من النوع ده تجنبًا لأخطاء أنا عملتها
.
بلاش تلبس جينز نهائيًا في الرحلات الطويلة (الشباب فاهمني =D ).. هاتكره نفسك وتكره اللي قاعد جنبك.. ممكن تلبس بنطلون قطن أو أي حاجة قماش خفيفة .. بلاش الشورت لان غالبا الجو بيبرد شوية في مطارات أوروبا وأمريكا (حتى في الصيف)
.
البس شوز خفيف سهل القلع (لازم تقلعه خلال الرحلات الطويلة وإلا رجليك هاتورم).. أو ممكن تخلي معاك شبشب خفيف في شنطة إيدك (كان معايا واحد في الطيارة بيتحرك بالشراب عادي =D
.
بلاش تختار الكرسي جنب الشباك.. غالبًا مش هاتشوف حاجة طول الرحلة غير سحاب أبيض، بينما لو كنت بتقضي ربع حياتك عموما في التويلت فهاتعاني وانتي بتصحي اللي جنبك كل شوية وانت داخل وانت خارج… أفضل مكان في الطيارة في رأيي هو الكراسي جنب الأبواب ومخارج الطوارئ (Exit Seats) ودي مش هاتاخدها إلا لو روحت بدري شوية المطار في أول الحجز وطلبتها بالاسم
.
ممكن تاخد معاك من المنطقة حرة أو من البيت زجاجة ميا معدنية صغيرة فاضية (مش هايطلعك بيها مليانة على الطيارة)… ودي هاتستخدمها كشطافة عالطيارة.. أيوا زي ما سمعت كدة: شطافة =D
.
لو مابتعرفش تنام في المواصلات عموما يبقى نام كويس أوي قبل الرحلة.. السفر طويل والزهق هايطاردك في كل مكان وكل شبر على متن الطيارة.. ممكن تاخد معاك كتاب لو بتحب القراءة، أو تشحن اللاب كويس وتقلل الإضاءة علشان يعيش معاك أطول فترة، والآيباد والموبايل نفس الكلام… وبالمناسبة انا كنت خايف انهم مايسمحوش بطلوع اللاب معايا في شنطتي، لكن بما اني عملت ترانزيت قبل أمريكا فماتكلموش عالنقطة دي (لو مسافر مباشرة من مصر لأمريكا مش هاتقدر تاخد غير الموبايل فقط في شنطة ايدك، والباقي ينزل بطن الطيارة)
.
خلي معاك جاكت احتياطي في شنطة إيدك.. هاتحتاجه أول ما تخرج من الطيارة.. لكن طول الرحلة الجو بيكون كويس
.
لو تقدر تختصر كل حاجات في شنطة واحدة متوسطة وتاخدها معاك في الكابينة يكون أفضل من الشنط الكبيرة المشحونة في بطن الطيارة… هاتستفيد انك تمشي بسرعة وماتستناش الشنط بعد هذه الرحلة الطويلة، وكمان حالات ضياع الشنطة أو تأخرها بتتكرر كتير حاليا
.
ماتنساش وانت نازل تشكر المضيفات والكابتن… الناس دول بيشقوا والله طلبات وخدمة ومرمطة طول الرحلة
.
وأخيرًا بوجه ندائي لكل المقيمين والمسافرين إلى سان فرانسسكو وما حولها بانهم يرفعوا ايديهم
).
بما إني لسة واخد رحلة طوييييييييلة من القاهرة لفرانكفورت لسان فرانسسكو (٢٤ ساعة .. منهم حوالي ١٧ ساعة طيران ونص ساعة تدقيق أمني عشوائي في فرانكفورت و٣ ساعات تدقيق تاني عشوائي في أمريكا) فأحب اقولكم على شوية نصايح للرحلات الطويلة من النوع ده تجنبًا لأخطاء أنا عملتها
.
بلاش تلبس جينز نهائيًا في الرحلات الطويلة (الشباب فاهمني =D ).. هاتكره نفسك وتكره اللي قاعد جنبك.. ممكن تلبس بنطلون قطن أو أي حاجة قماش خفيفة .. بلاش الشورت لان غالبا الجو بيبرد شوية في مطارات أوروبا وأمريكا (حتى في الصيف)
.
البس شوز خفيف سهل القلع (لازم تقلعه خلال الرحلات الطويلة وإلا رجليك هاتورم).. أو ممكن تخلي معاك شبشب خفيف في شنطة إيدك (كان معايا واحد في الطيارة بيتحرك بالشراب عادي =D
.
بلاش تختار الكرسي جنب الشباك.. غالبًا مش هاتشوف حاجة طول الرحلة غير سحاب أبيض، بينما لو كنت بتقضي ربع حياتك عموما في التويلت فهاتعاني وانتي بتصحي اللي جنبك كل شوية وانت داخل وانت خارج… أفضل مكان في الطيارة في رأيي هو الكراسي جنب الأبواب ومخارج الطوارئ (Exit Seats) ودي مش هاتاخدها إلا لو روحت بدري شوية المطار في أول الحجز وطلبتها بالاسم
.
ممكن تاخد معاك من المنطقة حرة أو من البيت زجاجة ميا معدنية صغيرة فاضية (مش هايطلعك بيها مليانة على الطيارة)… ودي هاتستخدمها كشطافة عالطيارة.. أيوا زي ما سمعت كدة: شطافة =D
.
لو مابتعرفش تنام في المواصلات عموما يبقى نام كويس أوي قبل الرحلة.. السفر طويل والزهق هايطاردك في كل مكان وكل شبر على متن الطيارة.. ممكن تاخد معاك كتاب لو بتحب القراءة، أو تشحن اللاب كويس وتقلل الإضاءة علشان يعيش معاك أطول فترة، والآيباد والموبايل نفس الكلام… وبالمناسبة انا كنت خايف انهم مايسمحوش بطلوع اللاب معايا في شنطتي، لكن بما اني عملت ترانزيت قبل أمريكا فماتكلموش عالنقطة دي (لو مسافر مباشرة من مصر لأمريكا مش هاتقدر تاخد غير الموبايل فقط في شنطة ايدك، والباقي ينزل بطن الطيارة)
.
خلي معاك جاكت احتياطي في شنطة إيدك.. هاتحتاجه أول ما تخرج من الطيارة.. لكن طول الرحلة الجو بيكون كويس
.
لو تقدر تختصر كل حاجات في شنطة واحدة متوسطة وتاخدها معاك في الكابينة يكون أفضل من الشنط الكبيرة المشحونة في بطن الطيارة… هاتستفيد انك تمشي بسرعة وماتستناش الشنط بعد هذه الرحلة الطويلة، وكمان حالات ضياع الشنطة أو تأخرها بتتكرر كتير حاليا
.
ماتنساش وانت نازل تشكر المضيفات والكابتن… الناس دول بيشقوا والله طلبات وخدمة ومرمطة طول الرحلة
.
وأخيرًا بوجه ندائي لكل المقيمين والمسافرين إلى سان فرانسسكو وما حولها بانهم يرفعوا ايديهم