مساء الخير جميعا، سؤال بخصوص رحلات الطيران...

[Badr Mohamed]

....

 

[آثار سليم]

انا وصاحبتي من اقل من شهر سافرنا تركيا طيران يوناني ترانزيت اثينا 8 ساعات واحنا رايحين و7ساعات واحنا راجعين مصر ومش معانا فيزا ترانزيت ولا شينجن ومكنش فيه اي مشكله في المطار هنا ولا هناك وكمان دي اول مره نسافر اصلا، بالنسبة لمطار القاهره اهم حاجه التصريح الامني

 

[Boka Mamdouh]

انت نويتها خلاص يامان

 

[Eslam Amin]

Amr Badawy Khaled Badry
انا سافرت ع Aegean
من برج العرب لجورجيا ترانزيت اثينا 19 ساعه من غير اى مشكلة وسافرت بردو من تركيا للقاهره ترانزيت اثينا وبردو مفيش مشكلة
قبل ما سافر عشان اتأكد كلمت الكول سنتر بتاع الشركة فى اليونان قالو طالما اقل من 24 ساعة مفيش مشكلة
وكلمت القسم الخاص بالتاشيرات فى السفارة وبردو اكد المعلومه
معلومه تذكر انا كنت لسه مجدد الباسبور وكان ابيض خالى من اى تأشيرات او اختام
مقدرش اعمم بس اقدر احكى عن تجربتى ومصادر المعلومه اللى معايا

 

[Menna Ashraf]

احنا اكتوبر اللي فات كنا رايحين تركيا و اول ما حد بيعرف اننا نازلين ترانزيت اثينا سالونا كتير ليه و كده فا جوزي قالهم التيكت رخيصه و خنقونا اسئله و قالولنا اصل الدنيا هناك صعبه في الترانزيت و بلاش تعملوا كده تاني و في الترانزيت برضه استغربوا اوي و سالونا ليه عملنا ترانزيت عندهم و فتشوني كتير ذاتي و سافرنا و في العودة كان المفروض نفس خط السير ترانزيت اثينا و لما وصلنا المطار رحنا نعمل بوردينج لقينا واحده معاها كشف و ندهت علي اسامينا و اسامي 3 ركاب غيرنا منهم 2 عمانيين و عراقي و عاملين ترانزيت اثينا زينا اتنين رايحين علي عمان و العراقي جاي علي مصر و خرجونا من اللاين و قالولنا ان في اضراب للمراقبين الجويين في مطار اثينا و ان مش هيسافر عالرحله غير اصحاب الجنسيه اليونانيه فقط او المقيمين و رحلونا علي رحلات تانيه
الله اعلم ده كان صح او لا لكن الموضوع كان سخيف تاني حاجه مش معقول رحله كامله كلها يونانيين مافيهاش غير 5 فقط ترانزيت و سبحان الله عرب
اخر حاجه الموضوع جه مصلحه رجعنا علي الخطوط التركية صحيح قعدنا 7 ساعات علي معاد رحلتنا بس خلونا نقعد في ال VIP area كلنا و شربنا و اتبسطنا و ريحنا
كنا مسافرين مصر للطيران لاثينا و علي Aegean air لاسطنبول و الترانزيت كان ساعتين و باسبوراتنا مكنش عليها غير فيزا تركيا يعني ابيض