السلام عليكم انا محتاج مساعدتكم في حاجه انا...

[Ahmed Hassan]

السلام عليكم
انا محتاج مساعدتكم في حاجه انا جايلي شغل في تركيا و انا مقلق اولا ثانيا اطلب مني عشان اعمل الفيزا اني احول فلوس باسمي استلمها من تركيا عن طريق ويسترن يونيون في تركيا
انا مش عارف ده صح ولا حوار ممكن لو حد سافر شغل يقلي ده صح ولا لا

 

[Hady Abu Al Khair]

المعروف ان مفيش عقود عمل بتتبعت من تركيا انت بتروح وبعد كده بتتعاقد ع العمل
التاشيره تطلعها من هنا ٦٠ دولار
الاقامه هناك بتعملها لمده سنه ب ٢٠٠ دولار او سنتين ٣٢٠ دولار
انا قولتك الى اعرفه لان كنت قاعد مع صاحبى امبارح وبجهز انى اسافر لهناك

 

[MhMd Said Sherif]

ابعت الميل للسفارة واستفسر عن الشركة بياناتها

 

[Osama Hakim]

فكك يا كبير ده حوار ... هو في حد هيشغل حد ياخد منه فلوس الاول .....

 

[Marina Nagy]

Nasbb mat7wsh felos

 

[Yahia Khaled]

وهو ايه العبرة من انك تحول فلوس لنفسك ؟ هو هيستفاد ايه ؟؟؟ ولو هو شغل بجد عمره ما هيطلب منك ولا فلوس ولا اي حاجة غير انترفيو , ولو شافوا انهم محتاجينك هما الى هيظبطوا كل حاجة ,

 

[Mohamed Taher]

نصب

 

[Mohammad Al-Massri]

اشتغالة

 

[Mahmoud Talaat]

نصابين
واتعملت معايا

 

[Ahmed Hassan]

هو مش هحوله فلوس هو السبب اللي كاتبينه اني يكون معايا فلوس اصرف علي نفسي لغايت ما اقبض اول مرتب
انا كلمت ويسترن يونيون دلوقتي وسالت لو انا ماسفرتش ينفع الغي المعامله قالولي اه ينفع بس هيتخصم العموله
مش عارف هو موضوع محير وانا مش عارف اعمل ايه

 

[Ahmed Hassan]

طيب ممكن لو حد يعرف ايه االي هما هيستفادو من اني احول لنفسي فلوس
انا شايف المستفيد الوحيد هو ويسترن لانها هتاخد عموله

 

[Osama Sifa]

نصب مفيش شغل في تركيا الا شغل خاص لأن قانون العمل التركي يشترط عند إستقدام أجنبي لابد من تعين إتنين أترك

 

[Osama Sifa]

ومخلفة القانون هناك فشخ غرامة ٥٠٠٠ دولار اول مره تاني مرةإغلاق المؤسسة

 

[Mohamed Abdo]

نصب وش طالما ويسترن ما تستلمه من مصر !!!!

 

[Usama Ahmed]

Fake, don't believe them, as every now and then I get so many offers from England even, but yet all of them are proven fake unfortunately, just scams ! Be careful !

 

[Mohamed Ragab]

صديقى انا موجود فى تركيا لو عاوز اسالك عليهم او اكلمهملك حتى، او تعمل الاتى حضرتك هتبعتلهم تقولهم مش هقدر ابعت التحويل وانه فيه عندك صديق هيضمنك ويتكفل بمصاريفك حتى مصاريف الاقامة وابعتلهم رقمى عادى وانا هقولهم هتكفل بمصاريفك وتكاليف اصدار الاقامة غير كده فكك منهم

 

[Ahmed Stohy]

نصب

 

[Omar El Khouly]

نصب يا كبير خد بالك

 

[Ame Elgandy]

فى حد رايح تركيا قريب

 

[Abdo Badawy]

نصب نصب نصب
الي في تركيا كلهم من غير عقود عمل هيجيب من بره ازاااي
العقد بيتبعت للسفارة و انت بتروح تمضي هناك و تاخد فيزة العمل من غير ما تحول مليم واحد