M
Mostafa Almisry
:: مسافر ::
السلام عليكم
بمناسبة تعليقاتي المتكررة حول مسألة كسر الفيزا في ماليزيا وإن مفيش فرص عمل وبعض الناس اللي بتقول إنت متشائم ومش عاجبهم كلامي!
طيب للتأكيد مرة أخرى وباختصار شديد جدًا هاقول رأيي تاني وعشان اللي إيده في الميه غير اللي إيده في النار فأنا مش هابطل كلام في الموضوع ده.
قبل أي شيء ماليزيا دولة جميلة ورائعة ومبهرة لكل من يسافر إليها بغرض السياحة الحقيقية وأنا دايمًا لما حد بيسأل في الجروب عن السفر لدولة في آسيا فورًا بارشح له ماليزيا وهذا الكلام اللي هاكتبه مالوش علاقة بالناس اللي بتسافر بغرض السياحة والترفيه نهائيًا.
كلامي كله مركز في نقطتين لا ثالث لهما:
النقطة الأولى إن ماليزيا مفيهاش فرص عمل للعرب لأسباب شرحتها في منشور سابق في نفس الجروب على اللينك ده
/Mostafa Almisry
النقطة الثانية موضوع كسر الفيزا هذه الأيام ماليزيا تتعامل معه بحسم وقسوة غير مسبوقة بسبب كثرة المهاجرين من جميع الدول المنكوبة سواء العربية أو الآسيوية ولو يعني سافرت بغرض السياحة وفي دماغك تبحث عن شغل ومش مصدق كلام الناس براحتك بس إياك ثم إياك ثم إياك أن تكسر الفيزا أو تسمع كلام حد إن التسوية سهلة وإن العملية بسيطة!
أنا مش ضد إن الناس تبحث عن لقمة عيش ولا بالوم على الشباب خالص خصوصًا في الظروف الصعبة دي بس أنا باكره قوي حد ينضحك عليه أو يمشي بمعلومات غلط وفي النهاية يقول محدش قالي ويخسر فلوسه اللي ممكن يكون مديون بيها زي ناس قابلتهم هنا بنفسي وبعضهم الآن أقصى أمانيه يرجع مصر ومش معاه فلوس التذاكر!
كسر الفيزا هنا يعني تعيش مطارد معرض في أي لحظة يتقبض عليك وتترمي في سجون مع ناس من جنسيات إفريقية وآسيوية لحد ما يبان لك صاحب والكسر هنا عقوبته تصل إلى الحبس 6 أشهر ومرمطة لو اتمسكت ومش بالسهولة اللي ممكن تكون فاكرها.
الكسر هنا عليه غرامة كبيرة ومغادرة لبلدك وبلاك لست 5 سنوات لو حضرتك طلبت بنفسك عمل تسوية (قبل ما تتمسك) وفي كلا الحالتين خسائر ضخمة ومصاريف ربما تكون في أمس الحاجة إليها.
ملاحظات مهمة:
1- مفيش دلوقتي ترحيل بمعنى إن السفارة المصرية أو الحكومة الماليزية تحجز لك تذاكر وتسفرك!
لا يا فندم حضرتك هتترمي في السجن لحد ما يبان لك صاحب ويشوفلك محامي تدفع له دم قلبك عشان يخرجك وهتشتري تذاكر السفر على حسابك وكافة الأتعاب!
2- مفيش سفر أستراليا من شرق آسيا عن طريق البحر وطلب لجوء خلاص الموضوع ده اتقفل بالضبة والمفتاح وأستراليا الآن لا تسمح بأي صورة دخول مهاجر غير شرعي حتى لو معاك أطفال أو امرأة إما هتوقفك في عرض البحر وتجبرك على العودة من حيث أتيت (ده لو المركب أصلا كمل نص المسافة ومغرقتش) وإما هتتمسك وتترحل على سجون خارج أستراليا لحد ما يبان لك صاحب وكل لحظة هتمر عليك هتندم عليها.
3- متكسرش الفيزا مهما كانت الظروف
4- مفيش شغل للعرب في ماليزيا إلا لو كنت طالع بعقد من بلدك ومعاك إقامتك ومتفق على كل شيء.
5- متكسرش الفيزا بالله عليك
6- ماليزيا حلوة قوي للسياحة والترفيه
والسلام عليكم
بمناسبة تعليقاتي المتكررة حول مسألة كسر الفيزا في ماليزيا وإن مفيش فرص عمل وبعض الناس اللي بتقول إنت متشائم ومش عاجبهم كلامي!
طيب للتأكيد مرة أخرى وباختصار شديد جدًا هاقول رأيي تاني وعشان اللي إيده في الميه غير اللي إيده في النار فأنا مش هابطل كلام في الموضوع ده.
قبل أي شيء ماليزيا دولة جميلة ورائعة ومبهرة لكل من يسافر إليها بغرض السياحة الحقيقية وأنا دايمًا لما حد بيسأل في الجروب عن السفر لدولة في آسيا فورًا بارشح له ماليزيا وهذا الكلام اللي هاكتبه مالوش علاقة بالناس اللي بتسافر بغرض السياحة والترفيه نهائيًا.
كلامي كله مركز في نقطتين لا ثالث لهما:
النقطة الأولى إن ماليزيا مفيهاش فرص عمل للعرب لأسباب شرحتها في منشور سابق في نفس الجروب على اللينك ده
/Mostafa Almisry
النقطة الثانية موضوع كسر الفيزا هذه الأيام ماليزيا تتعامل معه بحسم وقسوة غير مسبوقة بسبب كثرة المهاجرين من جميع الدول المنكوبة سواء العربية أو الآسيوية ولو يعني سافرت بغرض السياحة وفي دماغك تبحث عن شغل ومش مصدق كلام الناس براحتك بس إياك ثم إياك ثم إياك أن تكسر الفيزا أو تسمع كلام حد إن التسوية سهلة وإن العملية بسيطة!
أنا مش ضد إن الناس تبحث عن لقمة عيش ولا بالوم على الشباب خالص خصوصًا في الظروف الصعبة دي بس أنا باكره قوي حد ينضحك عليه أو يمشي بمعلومات غلط وفي النهاية يقول محدش قالي ويخسر فلوسه اللي ممكن يكون مديون بيها زي ناس قابلتهم هنا بنفسي وبعضهم الآن أقصى أمانيه يرجع مصر ومش معاه فلوس التذاكر!
كسر الفيزا هنا يعني تعيش مطارد معرض في أي لحظة يتقبض عليك وتترمي في سجون مع ناس من جنسيات إفريقية وآسيوية لحد ما يبان لك صاحب والكسر هنا عقوبته تصل إلى الحبس 6 أشهر ومرمطة لو اتمسكت ومش بالسهولة اللي ممكن تكون فاكرها.
الكسر هنا عليه غرامة كبيرة ومغادرة لبلدك وبلاك لست 5 سنوات لو حضرتك طلبت بنفسك عمل تسوية (قبل ما تتمسك) وفي كلا الحالتين خسائر ضخمة ومصاريف ربما تكون في أمس الحاجة إليها.
ملاحظات مهمة:
1- مفيش دلوقتي ترحيل بمعنى إن السفارة المصرية أو الحكومة الماليزية تحجز لك تذاكر وتسفرك!
لا يا فندم حضرتك هتترمي في السجن لحد ما يبان لك صاحب ويشوفلك محامي تدفع له دم قلبك عشان يخرجك وهتشتري تذاكر السفر على حسابك وكافة الأتعاب!
2- مفيش سفر أستراليا من شرق آسيا عن طريق البحر وطلب لجوء خلاص الموضوع ده اتقفل بالضبة والمفتاح وأستراليا الآن لا تسمح بأي صورة دخول مهاجر غير شرعي حتى لو معاك أطفال أو امرأة إما هتوقفك في عرض البحر وتجبرك على العودة من حيث أتيت (ده لو المركب أصلا كمل نص المسافة ومغرقتش) وإما هتتمسك وتترحل على سجون خارج أستراليا لحد ما يبان لك صاحب وكل لحظة هتمر عليك هتندم عليها.
3- متكسرش الفيزا مهما كانت الظروف
4- مفيش شغل للعرب في ماليزيا إلا لو كنت طالع بعقد من بلدك ومعاك إقامتك ومتفق على كل شيء.
5- متكسرش الفيزا بالله عليك
6- ماليزيا حلوة قوي للسياحة والترفيه
والسلام عليكم