E
Eslam Amin
:: مسافر ::
طبعا السفر خارج مصر ممتع و الممتع كمان انك تبقى حاجز ومرتب كل حاجه مع نفسك دون اللجوء ِلشركة سياحة طالما انك متأكد ان التكلفة هتبقى اقل بس طالما بتعمل كل حاجة مع نفسك دا طبعا بيخليك عرضة لمواقف مش فى الحسبان بس بتكون بيها خبرات وبتشجعك اكبر على السفر خلينى احكى شوية مواقف مش ظريفة و نصائح عن تجارب شخصية بما انى ذكرت انها شخصية فلا يجوز التعميم خالينى ابدأ ب الأحدث
1- التصريح الأمنى يستحسن ان فترة سفرك تكون على الاقل شهر قبل التقديم على التصريح
كنت مسافر تركيا وقدمت قبل السفر بأسبوعين وفى ميعاد التسليم قالى انه لسه قيد البحث تعالى كمان شهر طبعا لولا الواسطة مكنتش لحقت خلصته قبل السفر
2-لو بتحجز الفندق قبل ما توصل المدينة على طول يبقى الافضل حدد الفندق ولما توصله فاصل معاه هتاخد سعر اقل من بوكينج انا فى كوتايسى فى جورجيا نزلنا السعر 20 لارى عن سعر بوكينج وفى اسطنبول 40 ليره فى الليلة عن السعر المعلن
3-لو عندك ترانزيت بالذات لو اكثر من مطار طبعا لازم تسأل هتستلم شنطك فين وتبص كمان على التاج بتاع الشنطة انه اخر مطار كنت مسافر فيتنام ترانزيت دبى وبانكوك سألت وانا بعمل بوردينج قالت هتستلم فى فيتنام بس عملتلى الشنط على بانكوك وانا عشان سألت بس مابصتش وراها اتسوحت
4-لو انت فى تركيا وفاتح واى فاى من هناك مش ها تعرف تحجز فنادق جوه تركيا على بوكينج عشان مقفول بس لو فاتح داتا رومينج هيفتح معاك عادى
5-لو مقدم شينجن خلى كل الورق والحجوزات على البلد اللى انت بتقدم فيها بس حتى لو انت ناوى تسافر فى كذا بلد –اخدت rejection فى فرنسا وسويسرا فى 2015 ومكنتش اعرف المعلومة
6-فى موقع اسمه TripHobo استخدمة وانت بتظبط البرنامج بتاعك
هيساعدك ترتب الاماكن اللى هتزورها على حسب بعدهم عن بعض
وهيطلعلك معلومات عن الاماكن اللى انت مختارها زى المواعيد والايام اللى فاتح فيها المكان وافضل وقت للزيارة وهتحتاج وقت قد ايه فى زيارة المكان وسعر التيكت كام.
7-لو نازل ترانزيت فى اليونان اقل من 24 ساعة مفيش مشكلة عشان قبل ما اسافر فى ناس عاملتلى افلام وقالو معلومات غلط
8-خلى دايما معلوماتك من المصدر نفسه او حد مر بنفس التجربة بالظبط مش بيحكى على واحد صاحبه انا كنت مسافر على
Aegean
كلمت الكول سنتر فى اليونان والسفارة فى مصر عشان اجيب المعلومة الصح.
9-جرب دايما وانت بتحجز الطيران لكذا دولة اوبشن المالتى بيبقى ارخص لو انت مش عندك مشكلة فى الترانزيت انا حجزت على Aeagen
من برج العرب رحلة مالتى جورجيا وتركيا 4100 ج بس ترانزيت طويل شوية وانا رايح فى اثينا
وحجزت قبل كدا على رحلتين لفيتنام والامارات تيكت واحدة ب 5600 ج )Flexible ( Emirates
10-بلاش تسأل حد اروح باريس ولا برشلونه كوتايسى ولا باتومى انا ممكن تعجبنى حاجة متعجبكش بص ايه اللى بيتعمل فى الاتنين وقرر على حسب اهتماماتك.
11-لو فى مدينة فيها ريسك فى الجو وانت هتعمل اكتفيتى مرتبط بيه بلاش احسن حتى لو انت حسيت ان الدنيا تمام انا روحت مستيا فى جورجيا عشان ازور اشغولى مكان تحفة لو حد يعرفة وصلت والجو كان تحفة وكل حاجة كانت خضرا تانى يوم تلج ودرجة الحرارة 1
12-بلاش تاكسى وانت برا استخدم ال جى بى اس وامشى لو المسافات مش بعيدة هتتبسط واركب المواصلات العامة اكيد هتبقى افضل من مصر ركبت قطار النوم فى فيتام وكان معانا ناس تانية فى الكابينة عادى جدا امان وركبت المارشوتكا فى جورجيا والباص والمترو والترام فى اسطنبول
وكمان روحت اسطنبول من جورجيا بالباص مش طيران
13-حاول تتعلم كام كلمة للبلد اللى انت رايحة بالذات لو الانجليزى بتاعهم ضعيف بينفعوا وطبعا جوجل اوفلاين
14-اقرا كتير عن البلد اللى انت رايحة واعرف اسماء المدن واسأل كتير على المواصلات
وانا فى جورجيا طلعت رحلة لبورجومى وتانى يوم المفروض اطلع على كوتايسى بدل ماارجع على تبليسى مع الرحلة نزلت فى مكان اسمه خاشورى ركبت منه باص لكوتايسى ووفرت يوم كان هيضيع فى مواصلات من تبليسى لكوتايسى.
15-دايما افتح الموقع بتاع تغير العملة قبل ما تغير فلوس عشان تعرف متوسط السعر كام فى اليوم دا
XE.com
16-جورجيا وتركيا من وجهة نظرى مش غالين اكيد مقارنة باروبا بس مش ارخص من مصر بعد التعويم ال لارى ب 7.44 والليره 5 جنية
فى ناس كتير عملت تقارير عن جورجيا وتركيا وفيتنام والامارات مش عايز اكرر معلومات هكتب اسماء المدن الللى روحتها واختاروا لو عايزين انزل صور انا مصورها ومعلومات عن المدينة
Dubai-Hanoi-Halong Bay-Saba-Ho Chi Minh-Tblisi- Borjomi- Gudauri-Kutaisi-Mestia-Batumi-Istanbul
1- التصريح الأمنى يستحسن ان فترة سفرك تكون على الاقل شهر قبل التقديم على التصريح
كنت مسافر تركيا وقدمت قبل السفر بأسبوعين وفى ميعاد التسليم قالى انه لسه قيد البحث تعالى كمان شهر طبعا لولا الواسطة مكنتش لحقت خلصته قبل السفر
2-لو بتحجز الفندق قبل ما توصل المدينة على طول يبقى الافضل حدد الفندق ولما توصله فاصل معاه هتاخد سعر اقل من بوكينج انا فى كوتايسى فى جورجيا نزلنا السعر 20 لارى عن سعر بوكينج وفى اسطنبول 40 ليره فى الليلة عن السعر المعلن
3-لو عندك ترانزيت بالذات لو اكثر من مطار طبعا لازم تسأل هتستلم شنطك فين وتبص كمان على التاج بتاع الشنطة انه اخر مطار كنت مسافر فيتنام ترانزيت دبى وبانكوك سألت وانا بعمل بوردينج قالت هتستلم فى فيتنام بس عملتلى الشنط على بانكوك وانا عشان سألت بس مابصتش وراها اتسوحت
4-لو انت فى تركيا وفاتح واى فاى من هناك مش ها تعرف تحجز فنادق جوه تركيا على بوكينج عشان مقفول بس لو فاتح داتا رومينج هيفتح معاك عادى
5-لو مقدم شينجن خلى كل الورق والحجوزات على البلد اللى انت بتقدم فيها بس حتى لو انت ناوى تسافر فى كذا بلد –اخدت rejection فى فرنسا وسويسرا فى 2015 ومكنتش اعرف المعلومة
6-فى موقع اسمه TripHobo استخدمة وانت بتظبط البرنامج بتاعك
هيساعدك ترتب الاماكن اللى هتزورها على حسب بعدهم عن بعض
وهيطلعلك معلومات عن الاماكن اللى انت مختارها زى المواعيد والايام اللى فاتح فيها المكان وافضل وقت للزيارة وهتحتاج وقت قد ايه فى زيارة المكان وسعر التيكت كام.
7-لو نازل ترانزيت فى اليونان اقل من 24 ساعة مفيش مشكلة عشان قبل ما اسافر فى ناس عاملتلى افلام وقالو معلومات غلط
8-خلى دايما معلوماتك من المصدر نفسه او حد مر بنفس التجربة بالظبط مش بيحكى على واحد صاحبه انا كنت مسافر على
Aegean
كلمت الكول سنتر فى اليونان والسفارة فى مصر عشان اجيب المعلومة الصح.
9-جرب دايما وانت بتحجز الطيران لكذا دولة اوبشن المالتى بيبقى ارخص لو انت مش عندك مشكلة فى الترانزيت انا حجزت على Aeagen
من برج العرب رحلة مالتى جورجيا وتركيا 4100 ج بس ترانزيت طويل شوية وانا رايح فى اثينا
وحجزت قبل كدا على رحلتين لفيتنام والامارات تيكت واحدة ب 5600 ج )Flexible ( Emirates
10-بلاش تسأل حد اروح باريس ولا برشلونه كوتايسى ولا باتومى انا ممكن تعجبنى حاجة متعجبكش بص ايه اللى بيتعمل فى الاتنين وقرر على حسب اهتماماتك.
11-لو فى مدينة فيها ريسك فى الجو وانت هتعمل اكتفيتى مرتبط بيه بلاش احسن حتى لو انت حسيت ان الدنيا تمام انا روحت مستيا فى جورجيا عشان ازور اشغولى مكان تحفة لو حد يعرفة وصلت والجو كان تحفة وكل حاجة كانت خضرا تانى يوم تلج ودرجة الحرارة 1
12-بلاش تاكسى وانت برا استخدم ال جى بى اس وامشى لو المسافات مش بعيدة هتتبسط واركب المواصلات العامة اكيد هتبقى افضل من مصر ركبت قطار النوم فى فيتام وكان معانا ناس تانية فى الكابينة عادى جدا امان وركبت المارشوتكا فى جورجيا والباص والمترو والترام فى اسطنبول
وكمان روحت اسطنبول من جورجيا بالباص مش طيران
13-حاول تتعلم كام كلمة للبلد اللى انت رايحة بالذات لو الانجليزى بتاعهم ضعيف بينفعوا وطبعا جوجل اوفلاين
14-اقرا كتير عن البلد اللى انت رايحة واعرف اسماء المدن واسأل كتير على المواصلات
وانا فى جورجيا طلعت رحلة لبورجومى وتانى يوم المفروض اطلع على كوتايسى بدل ماارجع على تبليسى مع الرحلة نزلت فى مكان اسمه خاشورى ركبت منه باص لكوتايسى ووفرت يوم كان هيضيع فى مواصلات من تبليسى لكوتايسى.
15-دايما افتح الموقع بتاع تغير العملة قبل ما تغير فلوس عشان تعرف متوسط السعر كام فى اليوم دا
XE.com
16-جورجيا وتركيا من وجهة نظرى مش غالين اكيد مقارنة باروبا بس مش ارخص من مصر بعد التعويم ال لارى ب 7.44 والليره 5 جنية
فى ناس كتير عملت تقارير عن جورجيا وتركيا وفيتنام والامارات مش عايز اكرر معلومات هكتب اسماء المدن الللى روحتها واختاروا لو عايزين انزل صور انا مصورها ومعلومات عن المدينة
Dubai-Hanoi-Halong Bay-Saba-Ho Chi Minh-Tblisi- Borjomi- Gudauri-Kutaisi-Mestia-Batumi-Istanbul