الفيديو ده عبارة عن عينة.. عشان تعرفوا ليه...

[Muhammad Abdel Rahman]

الفيديو ده عبارة عن عينة.. عشان تعرفوا ليه اغلب المصريين بيترحلوا من مطارات كوريا الجنوبية
الاشخاص اللي شبه الراجل اللي بيحكي قصة ترحيله في الفيديو هما السبب الاساسي لمنع اغلب المصريين من دخول كوريا الجنوبية،
ملخص الفيديو عشان الفيديو طويل شوية: البيه مصري عايش في السعودية، استقال من شغله وباع كل ما يملك وراح من السعودية علي هونج كونج ترانزيت ١٥ ساعة ومنها علي بوسان الكورية،
وكان عايز يدخل هونج كونج ظابط الجوازات منعه وقاله استني ال١٥ ساعة في المطار، بعدها وصل بوسان سالوه انت جي ليه؟ قالهم سياحة..حبوا يستدرجوع قالوله تعرف حد يضمنك في كوريا؟ اداهم نمرة واحد مصري كاسر فيزا ومقدم علي لجوء في كوريا بعدها قالوله انت مش هتخش كوريا انت مش جي سياحة!
قالهم انا هدخل عشان انا اقابل خطيبتي الكورية واخر حاجة لما عملوله استمارة الترحيل قالهم انا جي اقدم علي لجوء عشان حياتي مهددة بالخطر في مصر! وقالهم انا مش هترحل وقعدوه ١٠ ايام محبوس في في اوضة في مطار بوسان!!
بالمناسبة كوريا الجنوبية من بعد الثورة في شباب قري كاملة من المحلة وضواحيها سافروها وكسروا فيزا عشان يدوروا علي شغل، الكلام علي عهدة سواق اوبر كنت راكب معاه قالي انه دفع ٥٠ الف جنيه لواحد في المحلة عشان اقنعه انه هيجبله عقد عمل في كوريا الجنوبية وطبعا اترحل ومدخلش البلد اساسا!

 

[Mostafa Almisry]

نفس هذا الكلام يحدث الآن في ماليزيا وربنا يستر وميعملوش قوانين أو تعليمات تضييق أكثر على المصريين هنا

 

[Mohamed Ali]

الكلام دا في كل مكان هنا في بولندا قصص النصب علي الناس لا حصر لها والمبالغ قد ده ٣ مرات مثلا

 

[Amal Zohny]

@mostafayousef

 

[Ahmed Maher]

4 شباب عندنا اتحبسو في ماليزيا بسبب الهروب لكوريا

 

[Moataz Mohamed]

اصحاب المصانع الكوريين بيتمنو يقابلو اى واحد عايز يشتغل وبيشغلوه سواء مصرى او مغربى او اى جنسيه عشان قلة العماله هناك يعنى هما مستفيدين الكلام من ناس عايشه وبتدرس هناك وبعدين انا بختلف مع اى حد يتعامل بشكل غير لائق مع اللى كاسر فيزا او يتكلم عليه بأسلوب وحش ماهو ده احسن له من أشياء كتير غلط ممكن يعملها المهم انه بيشتغل بالحلال
وبعدين ماالاوروبيين كانو بييجو تهريب من البحر فى الأربعينات والخمسينات من القرن الماضى عشان يستغلو فى مصر ايام ماكانت مصر من اجمل بلاد الدنيا
يعنى هو كان حلال ليهم وحرام على الشباب بتاعنا اهم حاجه مايعملش اى شئ غير مشروع

 

[Naaomy Hashim]

Fayrouz Korien

 

[Tarik Othman]

انا فعلا روحت كوريا وانا في المترو تصادف اني اقابل كذا مصري وسألت واحد هناك انت بتعمل ايه هنا قالي انا بشتغل هنا بقالي سنتين وفي منطقة هنا في سول بيسكنها2 مصريين كتير
واستغربت جدا لاني مكنتش متوقع اقابل مصريين في سول . كوريا الجنوبية .

 

[Ahmed Barakat Ibrahim]

انا ما سمعتش غير جزء صغير لكن عندهم حق يرجع ما غلطوش اولا هونج كونج ومكاو البلاد الوحيدة المعندهاش ختم بس بيعمل سكانscan للباسبور وخلاص حتي لو دخل وخرج مش هيبان اي حاجه في الباسبور انا روحتها مختش اي ختم ومصر البلد الوحيدة البتخدها ٣ شهور حتي الخليج شهر موضوع بروفسور انجلش ده بيفك الخط زي حلاتي وعامل فيديو علي ايه مظلوم وبيدهم رقم واحد كاسر فيزا هما أصلا كانوا بيختبروه لو كان قال نازل في فندق مكنوش رجعوه كوريا اغلب العرب هناك عندهم مطاعم واقليه جدا موضوع الشغل هناك شبه مستحيل مش كل البلاد زي امريكا

 

[Mahmoud Saleh]

يا جماعه الخير انا مقيم في كوريا الجنوبية من ٧ سنوات بإقامة بيزنس . والكلام اللي الكل بيفتي فيه ده هري مش اكتر . المعلومات الحقيقيه انه هنا مبيمنعوش حد يدخل بفيزا شهر اذا عنده سبب مقنع وحجز فندق وتذكره ذهاب وعوده . ومن سنتين بدأوا يركزوا علي اللي معاه أختام كتير علي الباسبور كنوع من الاثبات انه بيسافر سياحه . غير كده بيرفضوا يدخلوا حد . وده حقهم لان المصريين خاربين الدنيا هنا مشاكل واغتصاب وقتل وسرقه و٩٠ بالمائة عاملين لجوء وكاسرين وكانوا داخلين بغرض السياحه . فده اكبر دليل علي عدم المصداقيه ليدولك فيزا بدون اي أسباب مقنعه للزياره . والشاب اللي بالفيديو انا اعرف قصته وكان عاوز يدخل بلطجة ومفيش الكلام ده هنا . لو رئيس دوله ومش مقتنعين بيه مش هيدخل

 

[Мухаммед Фатхи]

Mohammed Abdelhay !!!

 

[Mohamed Farrage Ab Yomna]

هى تكلفة السفر من مصر لكوريا تقريبا كم ياجماعه